Matiu 5:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ebruba kẹ ihwo ri muomahọ; kidie e bru ayen uche.

Matiu 5:4 ပူးပေါင်းရင်းမြစ်များ

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 25:8

Ko mu ughwu rọ bẹdẹ, Ọrovwohwo rẹ Ọghẹnẹ kọ ririe oviẹ nẹ opharo rayen, ehwẹjẹ rẹ ihwo rọye ko sio nẹ akpọ na ejobi, kidie Ọrovwohwo tarọ nure.

Aizaya 30:19

Uyota, E ihwo ri Zayọn re dia Jerusalẹm, wa gbe cha viẹ ọfa-a. Vwe uyota ko ni aruẹdọn ke we vwe ọke wọ da viẹ se, ọke ro de nyo ko kpahe ke wẹ.

Aizaya 35:10

Ihwo ra tan hirhe rẹ Ọrovwohwo ọvo ri che rhivwi, rhe Zayọn vẹ ine ẹsuọ, vẹ aghọghọ ri bẹdẹ na vwẹ uyovwi rayen, kẹ ayen vwo aghọghọ vẹ omavwerhe, oja vẹ unuẹfiọn ke dje ghwru.

Aizaya 57:18

Me mrẹ idjerhe rọye, ẹkẹvuọvo Mi ji sivwo ghene, Mi suo Me Me ghare uchebro kẹ Me mia kẹ otu ri muomahọ emamọ re ẹbẹrunu.

Aizaya 66:10

Nene Jerusalẹm ghọghọ, re oma vwerhe owẹ kẹ, ovwan ihwo ejobi re guọnerọ, nene ghọghọ vwẹ omavwerhe, ovwan ejobi ri muomahọ kẹ,

Aizaya 66:2

Imu nana ejobi na abọ Mẹ re ma ayen, ọtiọye na imu nana ejobi kẹ emẹ, eriyin Ọrovwohwo tare. Ẹkẹvuọvo Ọnana hẹ ohwo ri mi che ni so, ohwo ro ruẹ dẹndẹn rẹ udu rọye fonro, rọ phariẹ gbe ota Mẹ

Izikiẹl 7:16

O da dianẹ ohwo ro ghwu chekọ vwọ da dje vabọ, ke ayen dia enu rẹ igbenu kerẹ ilekuku rẹ iyara, ayen ejobi re beroma, ọvuọvo fiki re orukuruku rọye.

Izikiẹl 9:4

Ọrovwohwo da ta kẹ, Yan wan uherevie rẹ orere na, wan uherevie ri Jerusalẹm, re wọ ka oka phihọ arhare rẹ ihwo re fiọn unu kugbe ihwo ri dirhivwẹ vwi fiki rẹ ẹgua re gberi vwẹ evun rọye.

Zekaraya 12:10

Ke Me vwe erhi rẹ arodọvwẹ vẹ ọ re orẹ ke uwevwi ri Devid vẹ ihwo re dia Jerusalẹm, ọtiọye re, ọke rẹ ayen de ni ọ rẹ ayen duvwuru na, ayen ki che muoma phihọ ke, kirobo rẹ ohwo muoma phihọ kẹ ọmọ ọvo rọye, rọ da viẹ gangan keẹ, kirobo re ohwo viẹ ọmọkpako.

Iyẹnrẹ Esiri ri Luk 16:25

Ẹkẹvuọvo Ebraham da ta, Mọmẹ, karohọ nẹ vwẹ ọke ru wọ vwọ hẹ obo akpọ wo vwo emu esiri buebu, eriyin rhe Lazarọs je mrẹ ẹnso buebu; ẹkẹvuọvo Asakiephana ọ hẹ ofuvwegbe vwẹ obonẹ, yo wẹ hẹ ogidi.

Iyẹnrẹ Esiri ri Luk 6:21

Ebruba kẹ ovwan rẹ owẹvwe hwe vwẹ asakiephana, kidie evun cha vọn ovwan. Ebruba kẹ ovwan re viẹ vwẹ asakiephana, kidie ovwan cha hwẹ.

Iyẹnrẹ Esiri ri Luk 6:25

Ekan kẹ ovwan, rẹ evun vọnre vwẹ asakiephana, kidie owẹvwe che hwe ovwan. Ekan kẹ ovwan, re hwẹ vwẹ asakiephana, kidie ovwan cha viẹ muomahọ.

Iyẹnrẹ Esiri ri Luk 7:38

ro vwo mudia vwẹ obuko vwẹ asan awọ rọye, kọ viẹ ku awọ rọye ọ da vwẹ ẹto rẹ uyovwi rọye rhie, ọ da vwẹ udẹ na ghworo.

Iyẹnrẹ Esiri ri Luk 7:50

Ọ da ta kẹ aye na, Esegbuyota wẹn o sivwi uwe; kpo vwẹ ufuoma.

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

Ẹvwọphia 21:4

ko ririe ameoviẹ nẹ ẹro rayen, ughwu gbe cha dia ọfa-a, eyẹ omaemuohọ eyẹ oviẹ eyẹ odjadja ọfa-a, kidie emu rẹ awanre na wanvrẹn nure.