Matiu 5:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ebruba kẹ igbere vwẹ erhi; kidie uvie rẹ odjuvwu kọ dia ọrayen.

Matiu 5:3 ပူးပေါင်းရင်းမြစ်များ

2 Ikun rẹ Ivie 33:12

Ọke rẹ oma vwọ djarhọ re kọ guọnọ aroesiri rẹ Ọrovwohwo Ọghẹnẹ rọye ọ da vwẹ oma rọye kpotọ gangan kẹ Ọghẹnẹ rẹ esẹ rọye.

2 Ikun rẹ Ivie 33:19

Te ẹrhovwo rọye, kugbe obo re Ọghẹnẹ reyọ orẹ rọye, re imwemwu rọye re ijesegbuyota rọye, kugbe asan rọ bọn asan ri kpenu na phihọ vẹ asan ra vwẹ ighriki na vi phihọ kugbe ema na tavwe rọ ke rhe vwẹ oma kpotọ, nighe, e si ayen phihọ Ọbe rẹ Ikun rẹ Emraro na.

2 Ikun rẹ Ivie 33:23

Ọ rha vwẹ oma rọye kpotọ kẹ Ọrovwohwo-o, kirobo ri Manasse ọsẹ rọye vwẹ oma kpotọ, ẹkẹvuọvo Amọn nana da re abe rhurhu abe.

2 Ikun rẹ Ivie 34:27

fiki rẹ obo rẹ udu wẹn vwo kurhẹriẹ wọ da vwẹ oma kpotọ kẹ Ọghẹnẹ wo vwo nyo eta ra ta kpahe etinẹ na vẹ ihwo re dia na, wọ da vwẹ oma kpotọ kẹ vwẹ, wọ da bẹrẹ emwa wẹn wọ da viẹ kẹ vwẹ mrẹ na, ki mi nyo we rhe, eriyin Ọrovwohwo tare.

2 Ikun rẹ Ivie 7:14

Ọ da dianẹ ihwo mẹ ra vwẹ odẹ me se da vwẹ oma kpotọ, rẹ ayen da nẹ ẹrhovwo rẹ ayen da guọnọ opharo mẹ, rẹ ayen de kurheriẹ nẹ idjerhe ọbrabra rayen, eriyin ki mi nyo nẹ obo odjuvwu rhe, ke me vwẹ imwemwu rayen ghovwo ayen ki mi sivwi otọ rayen.

ỌBE RẸ JOB 42:6

Ọtiọye na oma mẹ de tu vwe oma, mi de kurhẹriẹ broma phihọ otọ vẹ iwurhie.

Une rẹ Ejiro 1:1

Ebuphihọ ke ohwo na rọ yan nene eghwanre rẹ iruimwemwu-u, eyẹ ro mudia phihọ idjerhe re ihwo umwemwu-u, eyẹ tidia vwe ohwarha rọ jehwẹ-ẹ;

Une rẹ Ejiro 112:1

Jiri Ọrovwohwo na! Ebruphihọ kẹ ohwo rọ dje oshọ rẹ Ọrovwohwo, ro vwo omavwerhe rhuarho kpahe irhi rọye.

Une rẹ Ejiro 128:1

Ebruphihọ kẹ ohwo kohwo rọ djẹ oshọ rẹ Ọrovwohwo na, rọ yan phihọ idjerhe rọye!

Une rẹ Ejiro 146:5

Aghọghọ kẹ otu rẹ ọchuko rọye dia Ọghẹnẹ ri Jekọp, rẹ iphiẹrohọ rọye hẹ evun rẹ Ọrovwohwo Ọghẹnẹ rọye,

Une rẹ Ejiro 2:12

rhe fiọnfiọn awọ rọye, ọ dia eriyin ophu de muo, wọ da ghwọrọ vwẹ idjerhe na, kidie ophu rọye cha tua. Ebruba kẹ ohwo rọ dje si oma nu vwẹ evun rọye.

Une rẹ Ejiro 34:18

Ọrovwohwo na si kẹrẹ otu rẹ udu rayen vwirhiri, o mi sivwi ayen otu rẹ udu rayen ghwọre

Une rẹ Ejiro 41:1

Ebruba ke ohwo ro roro ovwiogbere! Ọrovwohwo se sivwo vwẹ ọke rẹ ukpokpogho;

Une rẹ Ejiro 51:17

Izobo re Ọghẹnẹ reyọ vwonẹ ọye erhi rọ guọghọre; udu rọ guọghọre kugbe udu ọfuanfon, E Ọghẹnẹ, wo sian otu nana-a

Une rẹ Ejiro 84:12

E Ọrovwohwo rẹ otuofovwi; ebruphihọ kẹ ohwo rọ vwẹ ẹro so wẹ

Isẹ 16:19

Oyovwiri ra vwẹ oma kpotọ vwẹ ohri rẹ ivwiogbere nọ ra da ghare ughwẹ rẹ eheri.

Isẹ 29:23

Eheri vwẹ ohwo kpotọ, ẹkẹvuọvo ohwo rọ vwẹ oma kpotọ che vwo ọghọ rode.

Isẹ 8:32

Asakiephana, emọ mẹ, kerhọn mẹ, aghọghọ kẹ ihwo ri nene idjerhe mẹ.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 57:15

Kidie enẹ Ọro grori ro kpenu Ọvuọvo na tare rọ dia uphephẹ re rara, rẹ odẹ rọye Ọfuanfon. Me dia asan ro kpenu rọ fonro, ihwo re fonro rẹ udu rayen kpotọ Me vayen gbe dia, rere Me vwọ rhọvwọ udu ro kpotọ, rere Me vwọ sasa udu rọ fonro,

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Aizaya 66:2

Imu nana ejobi na abọ Mẹ re ma ayen, ọtiọye na imu nana ejobi kẹ emẹ, eriyin Ọrovwohwo tare. Ẹkẹvuọvo Ọnana hẹ ohwo ri mi che ni so, ohwo ro ruẹ dẹndẹn rẹ udu rọye fonro, rọ phariẹ gbe ota Mẹ

Maika 6:8

O dje kẹ wẹ nure, E ohwo na, obo ri yoma; kidie Ọrovwohwo tobọ guọnọ vwẹ obọ wẹ ru emu rọ dia ọsoso, guọnọ aruẹdọn, kugbe rere wọ rha vwẹ oma kpotọ yan nene Ọghẹnẹ wẹn?

Matiu 11:25

Vwẹ ọke yena Jesu da ta nẹ, Me kpẹvwẹ owẹ E Ọsẹ, Ọ ro ma odjuvwu vẹ akpọ, re vwo si emu nana nu kẹ ihwo rẹ ghwanre vẹ i ri vwo ẹruọ, wọ da vwọ ayen phia kẹ emọboba.

Matiu 11:6

Ebruba kẹ ohwo rọ mrẹ emu rẹ ogbeku vwẹ obọ mẹ-ẹ.

Matiu 13:16

Ebruba kẹ ẹro rẹ ovwan, kidie ayen sa mrẹ; ebruba kẹ erhọn rẹ ovwan, kidie ayen se nyo.

Matiu 19:14

Ẹkẹvuọvo Jesu da ta nẹ, Jẹn imitete na bru uvwe rhe, wa da ayen jẹ-ẹ kidie edje nana hẹ uvie rẹ Ọghẹnẹ.

Matiu 24:46

Ebruba kẹ odibo yena ra vware vwẹ ẹdia ọtiọye.

Matiu 25:34

Ovie na kọ ta kẹ ihwo re hẹ obọrhe rọye nẹ, Wa yanrhe ihwo rẹ ọsẹ mẹ bruba kẹ, wa rhe reuku rẹ uvie ra rhuẹrẹ vwọ otọ kẹ ovwan nẹ otọ rẹ akpọ rhe.

Matiu 3:2

Kurhẹriẹ, kidie uvie rẹ odjuvwu si kẹre re.

Matiu 8:11

Me ta kẹ ovwan nẹ, ihwo buebu che nẹ obaro ọnre rhe kugbe obọrhe ọnre, i mi rhi tidia kugbe Ebraham, Aizik kugbe Jekọp vwẹ uviẹ rẹ Ọghẹnẹ.

Iyẹnrẹ Esiri ri Mak 10:14

Ẹkẹvuọvo ri Jesu vwọ mrẹ, ivun de miovwo gangan, Ọ da ta kẹ ayen, Ovwan jẹ imitete na bru uvwe rhe, ovwan da ayen jẹ-ẹ; kidie oghẹre nana hẹ uvie rẹ Ọghẹnẹ.

Iyẹnrẹ Esiri ri Luk 11:28

Ẹkẹvuọvo ọ da ta, Ofori wọ vwọ ta, Ebruba kẹ ihwo ri nyo eta rẹ Ọghẹnẹ re da yọnrọn.

Iyẹnrẹ Esiri ri Luk 18:14

Me ta kẹ wẹ, ohwo na re ase kpo uwevwi rọye nọ ọ ro chekọ na; kidie kohwo kohwo ro mu oma rọye kpenu ke vwo kpotọ, ẹkẹvuọvo ọ rọ vwẹ oma rọye kpotọ ke vwo kpenu.

Iyẹnrẹ Esiri ri Luk 22:29

kirobo rẹ Ọsẹ mẹ vwẹ uvie mu kẹ vwẹ na, ọtiọye mi ji vwo mu kẹ ovwan.

Iyẹnrẹ Esiri ri Luk 22:30

rere ovwan re re ovwan ria vwẹ enu rẹ imẹjẹ mẹ vwẹ uvie mẹ, re we tidia ekete mẹ de guẹdjọ rẹ orua ihwivẹ rẹ Izrẹl.

Iyẹnrẹ Esiri ri Luk 4:18

Erhi rẹ Ọrovwohwo ọ hẹ oma mẹ, fikiridie ọ vwẹ evwri ghworo uvwe mi vwo gbe ikun esiri na kẹ ivwiogbere. O ji vwe rhi ghwoghwo obọesiono kẹ ighuvwu Orẹmrẹ kẹ otu ri rhuẹro, ufuoma ke otu re shenyẹ,

Iyẹnrẹ Esiri ri Jọn 20:29

Jesu da da kẹ, Wo segbuyota fikiridie wọ mrẹ vwẹ? Ebruba kẹ otu re mrẹre-e dede na yẹ ayen segbuyota.

Urhi Rivẹ 8:2

Wọ Me karohọ idjerhe ejobi rẹ Ọrovwohwo Ọghẹnẹ wẹn de sun we vwẹ ẹgbukpe ujuvẹ vwẹ evun rẹ aton na, ro vwo ru we vwẹ oma kpotọ, vwọ davwẹ owẹ ni, rọ vwọ riẹn emu rọ herọ vwẹ udu wẹn, se wọ rhọvwe yọnrọn irhi rọye eyẹ ẹjo.

Jems 1:10

Ẹkẹvuọvo odafe je ghọghọ fikiridie e vwiro kpotọ, kidie kirobo rẹ ododo vwioro o mi she kufia na, eriyin akpọ rọye cha dia.

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

Jems 2:5

Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?

Ẹvwọphia 19:9

Amakashe na da ta kẹ vwẹ, Si ọnana; Ebruba kẹ ayen otu re se kpo orẹ rẹ orọvwe rẹ Omogodẹ na. Ọ da ta kẹ vwẹ, Enana eta rẹ uyota rẹ Ọghẹnẹ.

Ẹvwọphia 22:14

Ebruba kẹ ayen otu re fọnrhọ rayen fon, rere ayen vwo se si kẹre urhe rẹ arhọ na rere ayen sa wan anurhoro na ro orere na.

Ẹvwọphia 3:17

Kidie wọ tanẹ, mi feri, o yovwi kẹ vwẹ, emuọvo kare ọvwe-e; da yẹ owẹ orharhe rẹ ohwo fafanrhiẹ diodi, ovwiogbere, rẹ ehrọre rọye re ohwo, orhuẹro, rọ ban phihọ.