Matiu 5:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Eriyin na gbe jẹ urhukpẹ wẹn la vwọ kẹ ihwo, rere ayen mrẹ iruo esiri wẹn rere ayen vwẹ ejiro kẹ ọsẹ wẹn rọ hẹ obo odjuvwu.

Matiu 5:16 ပူးပေါင်းရင်းမြစ်များ

Ẹyano 34:35

kẹsiẹye ihwo rẹ Izrẹl ke mrẹ opharo ri Mosis, tanẹ, ohọroma rẹ opharo ri Mosis lo; etiyin Mosis mi rhe phi oga na rhurhu opharo rọye, bẹsiẹ rọ vẹ ọye ke rhoma ta ota.

Isẹ 4:18

Ẹkẹvuọvo idjerhe rẹ ohwo esiri ọhọhọ ọke ro rhie cha, ro lo gala gala bẹsiẹ rẹ ọke vwo kpo.

Aizaya 58:8

Ọke yena urhukpẹ wẹn kọ cha la phia kerẹ uvo, esivwo wẹn kọ cha va phia kpata kpata, ọvwata wẹn kọ cha ka obaro kẹ wẹ, urinrin rẹ Ọrovwohwo kọ ka ubuko kẹ wẹ.

Aizaya 61:3

ra rhọvwe kẹ ihwo ri muomahọ vwi Zayọn– ra kẹ ayen ovwẹ vwẹ ẹdia rẹ iwurhie, evwri rẹ aghọghọ vwẹ ẹdia rẹ omaemuohọ, ukpo re ejiro vwẹ ẹdia rẹ erhi ro sherua, rere e vwo se ayen ehahe rẹ evwata, ekankọn rẹ Ọrovwohwo, rere e vwo jiro.

Matiu 23:5

Kidie ayen di ruẹ ọnana ghevweghe rere ihwo vwọ mrẹ ayen; kidie ayen ruẹ igbabọ hẹhẹre, ayen mi rhe ko iwun rẹ ayen reghereghe.

Matiu 23:9

Ovwan sẹ ohwo ọvuọvo ọsẹ vwẹ akpọ na-a; Kidie ohwo ọvo ọye ọsẹ rẹ ovwan rọ hẹ obo odjuvwu.

Matiu 5:45

ke se ovwan emọ rẹ ọsẹ rọ hẹ ọbo odjuvwu, kidie uvo rọye muẹ ọbo vẹ ogbori, osio rọye hwe ọvwata vẹ oruimwemwu.

Matiu 6:16

Ọfa, ovwan de chirẹ owẹvwe, we ruẹ kerẹ ikeferi ri mu opharo phihọ-ọ; ayen mu opharo phihọ rere ihwo vwọ mrẹ ayen nẹ ayen chirẹ owẹvwe. Uyota me ta kẹ ovwan, ayen vwo osa rayen nure.

Matiu 6:9

Enẹ ovwan nẹ ẹrhovwo; Ọsẹ rẹ avwanre rọ hẹ obo odjuvwu, Jẹn avwanre vwẹ ọghọ kẹ ọde wẹn.

Matiu 9:8

Ẹkẹvuọvo ọke rẹ otu buebu na vwọ mrẹ, oshọ de mu ayen, ayen de jiri Ọghẹnẹ, rọ vwẹ ogangan tiọna kẹ ihwo.

Iyẹnrẹ Esiri ri Luk 11:2

Ọ da ta kẹ ayen, Ovwan da nẹ ẹrhovwo, ovwan ta, Ọsẹ, jẹ avwanre vwẹ ọghọ kẹ odẹ wẹn, jẹ uvie wẹn rhe.

Iyẹnrẹ Esiri ri Jọn 15:8

Vwẹ oma rẹ ọnana kọyẹ a vwọ vwẹ urinrin kẹ Ọsẹ mẹ rere ovwan vwọ mọ ibi buebu, ọtiọye kọye e vwo dje phia nẹ ovwan idibo mẹ.

Iruo rẹ Iyinkọn na 9:36

Ọke yena odibo ọvo da herọ vwẹ obi Jọpa re se Tabita, otọ rọye Dọkas eyẹ Uzo, O ru ẹse mamọ, oki rhe vwo uruemu esiri.

1 Kọrẹnt 14:25

odjahọ rọ hẹ udu rọye ejobi ko rhie phihọ; ọtiọye na, o de she diguẹ, kọ ga Ọghẹnẹ ko ghwoghwo nẹ uyota Ọghẹnẹ ghine hẹ ohri rẹ ovwan.

2 Kọrẹnt 9:13

Vwẹ oma rẹ ọdavwini rẹ iruo nana, kọye wọ wan vwẹ urinrin kẹ Ọghẹnẹ vwẹ oma rẹ ọghọ ru wọ vwọ reyọ iyẹnre esiri ri Kristi na, kugbe obọ wo rhie vwọ gba arhọghọ kẹ ayen vẹ ihwo efa ejobi;

Galesha 1:24

Ayen ejobi de jiri Ọghẹnẹ fiki mẹ.

Ẹfesọs 2:10

Kidie avwanre ekuakua rẹ iruo rọye, ra mare vwi Kristi Jesu vwọ kẹ iruo esiri, rẹ Ọghẹnẹ rhuẹrẹ vwọ hẹ otọ rhabae, nẹ avwanre yan nene ayen.

Ẹfesọs 5:8

Kidie ebri ovwan epha jovwo, ẹkẹvuọvo vwẹ asakiephana ovwan kẹ urhukpẹ vwẹ evun rẹ Ọrovwohwo; wa gba yan kerẹ emọ rẹ Urhukpe.

1 Tẹsalonaika 2:12

Avwanre rẹre rere eyere rẹ ovwan se vwo she phihọ kerẹ emọ rẹ Ọghẹnẹ re se rhe re uvie robọ rọye kugbe urinrin rọye.

1 Timoti 2:10

ẹkẹvnọvo ọ rẹ uruemu esiri, kirobo ri fori kẹ eya ri segbuyota.

1 Timoti 5:10

ọ me rha dia aye re se oseri esiri kpahe, ro vwiẹ emọ rọ da ghẹre ayen, rọ ghọ erhorha, rọ hworhẹ awọ rẹ ihwo efuanfon na, rọ dia oehuko kẹ otu rẹ akpọ hẹn, rọ vwẹ oma rọye ru iruo esiri vwẹ idjerhe kidjerhe.

1 Timoti 5:25

Ọtiọye rhe uruemu esiri je phia gbonozẹ; e rha tobọ phia dede-e, yẹ e sa djaha-a.

1 Timoti 6:18

Jẹn ayen ru emu esiri jẹn ayen fe efe rẹ uruemu esiri, jẹn ayen ru ẹse,

Taitọs 2:14

Ohwo rọ vwẹ oma rọye kẹ avwanre rọ vwọ tan avwanre nẹ orukuruku ejobi kugbe ro vwo ru avwanre fon kẹ oma rọye ihwo rẹ obọ rọye ri vwo oruru kẹ iruo esiri.

Taitọs 2:7

Wọ vwẹ oma wẹn ru oniru rẹ iruo esiri vwi kemu kemu ejobi, wọ vwẹ uyono wẹn jọdẹ-ẹ, se uyono wẹn gbe oja.

Taitọs 3:14

Wo mi jẹ ihwo rẹ avwanre wian omamọ rẹ owian rere ayen sa ghẹrẹ omaobọ rẹ ayen, rere ayen je yere fanrhiẹ fanrhiẹ.

Taitọs 3:4

Ẹkẹvuọvo ọke rẹ arodọvwẹ rẹ erhuvwu kugbe ẹguọnọ rẹ Ọghẹnẹ Ọsivwi rẹ avwanre vwọ phiare,

Hibru 10:24

e gbe jẹ avwanre roro obo re jeje ohwohwo oma vwẹ ẹguọnọ kugbe iruo esiri,

1 Pita 2:12

Ru omamọ rẹ uruemu vwẹ ohri ri Keferi na, o da dianẹ ayen mu ọfian rẹ oruchọ bara owẹ jovwo, re ayen sa mrẹ iruo esiri rẹ ovwan ra vwẹ ejiro kẹ Ọghẹnẹ vwẹ ẹdẹ rẹ okpetu na.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

1 Pita 3:1

Ovwan eya ri kpo orọvwe, wa vwẹ oma kpotọ kẹ eshare rẹ ovwan, rere otu evo, ri se ota na gbuyota-a dede, a sa vwi fiki rẹ uruemu rẹ eya na ku ayen rhẹriẹ,

1 Pita 3:16

jẹ evun wẹn fon, rere, ọke ra da harhe owẹ, ayen otu re harhe uruemu esiri ru wo ru kẹ Kristi oma vwọ vo ayen.

1 Pita 4:11

Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.

1 Pita 4:14

A da ghwọ ku ovwan fiki rẹ odẹ ri Kristi, yẹ e bruba kẹ ovwan, fikiridie erhi rẹ urinrin kugbe ọ rẹ Ọghẹnẹ vẹ ovwan herọ.