Matiu 5:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ghọghọ re oma vwerhe ovwan, kidie osa rẹ ovwan pha rhuarho vwẹ obo odjuvwu; kidie ọtiọye e ke kpokpo otu rẹ emraro re karo kẹ ovwan.

Matiu 5:12 ပူးပေါင်းရင်းမြစ်များ

Jẹnẹsis 15:1

Rẹ imu nana vwọ wan nu ota rẹ Ọrovwohwo de bru Ebram rhe vwẹ evwerhẹ, Wọ djẹ oshọ-ọ, Ebram, mẹvwẹ ekpọfia wẹn, osa wẹn cha rho gangan.

1 Ivie 18:13

A vuẹ ọrovwovwe vworẹ, obo ri mi ruru vwẹ ọke ri Jezibẹl vwo hwe emraro rẹ Ọrovwohwo, obo ri mi si emraro rẹ Ọrovwohwo ujori nu ujuvẹ gbe ihwe ẹko vwẹ evun rẹ emwa, re me da vwẹ emu kugbe ame vwọ ghẹrẹ aye-ẹn?

1 Ivie 18:4

ọke ri Jezibẹl vwo hwe emraro rẹ Ọrovwohwo na, Obadaya da reyọ emraro ujori o de si ayen nu ujuvẹ gbe ihwe ẹko vwẹ evun re emwa, ọ da vwẹ emu kẹ ayen re ọ da vwẹ ame kẹ ayen da.)

1 Ivie 19:2

etiyin Jezibẹl de ji ikọn bru Ilaija tanẹ, ọtiọye ẹdjọ na ru kẹ vwẹ, e je nọ ọtiọye rhe, ri mi gbe rhe hwe we vwẹ ọke ọtiọna odẹ rọ cha na-a kirobo ru wo hwe ọvo vwẹ usun rẹ ayen na.

1 Ivie 21:20

Ehab da ta kẹ Ilaija, Wo rhe bru vwe vwa re E ọvweghrẹ mẹ? ọ da kpahe, Mi bru we vwa, kidie wọ shẹ oma wẹn kẹ umiovwo vwẹ obaro rẹ Ọrovwohwo.

1 Ivie 22:8

Ovie rẹ Izrẹl da ta kẹ Jehoshafat, Ohwo ọvo ji chekọ re duotọ rẹ Ọrovwohwo vwẹ obọ rọye, Maikaya ọmọ rẹ Imlah, ẹkẹvuọvo o tu vwe oma, kidie ọ mraro esiri kpahe ovwẹ-ẹ, ẹkẹvuọvo umiovwo. Jehoshafat da ta, E jẹn ovie ta ọtiọye-e.

Ivie rẹ Ivẹ 1:9

Ovie na de ji onotu ro suẹn ituofovwi ujuvẹ gbẹ ihwe vẹ ituofovwi ujuvẹ gbẹ ihwe rọye bro ra. Onotu na de bru Ilaija ra vwẹ asan ro tidia vwẹ obenu rẹ ugbenu, ọ da ta kẹ, E ohwo rẹ Ọghẹnẹ, ovie tare nẹ, Wotọ rhe.

2 Ikun rẹ Ivie 16:10

Etiyin ivun rẹ ọmrẹ na de miovwi Asa, ọ da vwẹ igoni karọ phihọ evun rẹ uwodi, fikiridie ivun miovwiro fiki rẹ ọnana. Asa da djoma brabra kpahe ihwo na ẹvo vwẹ ọke nana ọvuọvo na.

2 Ikun rẹ Ivie 36:16

ẹkẹvuọvo kẹ ayen vwẹ ikọn rẹ Ọghẹnẹ na vwo jehwẹ, ayen mi ni ota rọye saka, ayen mi mienu phihọ emmro rọye, bẹsiẹ rẹ ophu rẹ Ọrovwohwo rhe vwọ tua kpahe ihwo rọye, bẹsiẹ ra gbe mrẹ obo re sa hẹrhẹ ophu rọye-e.

Nehemaya 9:26

Dede na ye ayen ji vwo udu ayen de mukpahe owẹ ayen de mu urhi wẹn phihọ obuko ayen de hwe emraro wẹn, ri bru ayen uche nẹ i rhivwi bru uwe rhe, ayen de gbe ẹgua rode.

Une rẹ Ejiro 19:11

Ma rho, e vwẹ uchebro kẹ odibo wẹn a da yọnrọn ayen gba ughwẹ rode na herọ.

Une rẹ Ejiro 58:11

Ihwo ke cha ta, Uyota osa ghene herọ kẹ ọvwata; uyota o vwo Ọghẹnẹ ro guẹdjọ vwẹ akpọ na.

Isẹ 11:18

Ohwo umwemwu osa rẹ ọphiẹnvwe ọye o vwo, ẹkẹvuọvo ohwo rọ kọn omamọ rẹ esiri ughwẹ rọye muero.

Aizaya 3:10

Ta kẹ evwata nẹ oyovwi kẹ ayen, fikiridie ayen cha re emamọ rẹ uruemu rayen

Jerimaya 2:30

Mi hwe emọ rẹ ovwan dede na, yẹn ayen vwiro ku obọ rhẹriẹ-ẹ, Ọlọkọ rẹ obọ wẹn hwe emraro wẹn kerẹ okpohrokpo rọ chẹghẹ emu.

Jerimaya 26:8

Ri Jerimaya vwo ta obo rẹ Orovwohwo jiji kẹ ejobi nẹ ọ ta kẹ ihwo na ejobi nu, irherẹn na vẹ emraro kugbe ihwo na ejobi de muo, ta nẹ, Wo che ghwu.

Jerimaya 37:14

Jerimaya da ta, Ọye ofian; me dje bru ihwo ri Kaldia-a. Ẹkẹvuọvo Irija rhọvwe kerhọn rọye-e, o de mu Jerimaya rhe isun na.

Matiu 16:27

Kidie ọmọ rẹ ohwo cha rhe vwẹ urinrin rẹ Ọsẹ rọye kugbe emakashe rọye; kọ cha hwa osa kẹ ohwo ọvuọvo kirobo rẹ iruo rọye teri.

Matiu 6:16

Ọfa, ovwan de chirẹ owẹvwe, we ruẹ kerẹ ikeferi ri mu opharo phihọ-ọ; ayen mu opharo phihọ rere ihwo vwọ mrẹ ayen nẹ ayen chirẹ owẹvwe. Uyota me ta kẹ ovwan, ayen vwo osa rayen nure.

Iyẹnrẹ Esiri ri Luk 13:34

E Jerusalẹm, Jerusalẹm, ro hwe emraro na ro phiẹ ihwo re ji bru we rhe hwe! Bro ọke me ghwẹ emọ rẹ ovwan koko te kerẹ ọhọ rọ vwẹ ibekpe rhurhu emọ rọye, yẹ ovwan kerhọ-ọn.

Iyẹnrẹ Esiri ri Luk 6:23

Ghọghọ vwẹ ẹdẹ yena, mu pho vẹ aghọghọ, kidie nighe, osa rẹ ovwan pha rhuarho vwẹ obo odjuvwu; kidie ọtiọye esẹ rayen ru kẹ emraro na.

Iyẹnrẹ Esiri ri Luk 6:35

Ẹkẹvuọvo guọnọ ivwighrẹ wẹn, ru wo ru emu esiri, momo kẹ ayen wọ guọnọ isuo-o; osa wẹn kọ rho, ke se ovwan emọ rẹ ọ Ro Me Kpenu; kidie o nẹ aruẹdọn kẹ otu re riẹn ẹse te otu ri jẹ riẹn.

Iruo rẹ Iyinkọn na 16:25

Ẹkẹvuọvo vwẹ oma rẹ uherevie ason Pọl kugbe Sailas vwọ nẹ ẹrhovwo nu kẹ ayen siune kẹ Ọghẹnẹ, yẹ ihwo efa re hẹ uwodi na ra kerhọn rẹ ayen.

Iruo rẹ Iyinkọn na 5:41

Etiyin ayen de vrẹn nẹ ẹguare na, re ghọghọ fiki robo re vwo kere ayen phihọ ihwo re reoja rẹ ophọphọvwe fiki rẹ Odẹ na.

Ọbe ri Pọl si rhe Ihwo ri Rom 5:3

Ọ je dia ọye ọvo-o, avwanre je ghọghọ vwẹ evun rẹ oja rẹ avwanre, vẹ ẹriẹn nẹ oja nẹrhẹ e vwo odiri,

1 Kọrẹnt 3:8

Ọ rọ kọnre kugbe ọ ro ku ame ku abavo, ọ vẹ osa rọye ri gbe vwo kirobo rẹ iruo rọye teri.

2 Kọrẹnt 4:17

Kidie oma nana rẹ avwanre lagha vwẹ ọmọke na ọ rhuẹrẹ avwanre kpaha hẹrhẹ urinrin ro jeghwo ra sa mrẹ emu vwo dje-e.

Filipae 1:29

Kidie a rhọvwerọ kẹ ovwan nẹ fiki ri Kristi ọ dia esegbuyota ọvo ovwan vwo-o ẹkẹvuọvo ovwan ke je reoja fiki rọye.

Filipae 2:17

Ọ da tobọ dianẹ e bru uvwe ku iye vwi fiki rẹ esegbuyota dede, oma vwerhe ovwẹ me vẹ ovwan ejobi ke ghọghọ.

Kolose 1:24

Asakiephana me ghọghọ vwẹ evun rẹ oja mẹ fiki rẹ ovwan, ri mi vwo mu oghwa rẹ oja nana ri Kristi re chekọ na kpahe oma mẹ fiki rẹ ishoshi rọye.

Kolose 3:24

Ovwan riẹn nẹ obọ rẹ Ọrovwohwo ovwan da cha reyọ osa rẹ ovwan; Ọrovwohwo Kristi ọye ovwan gare.

1 Tẹsalonaika 2:15

ri hwe okpuyovwi rẹ Ọrovwohwo Jesu kugbe emraro na, ayen da djẹ avwanre kufia ayen de gbe Ọghẹnẹ ku ayen da vwọ so ihwo ejobi.

Hibru 10:34

Kidie ovwan re ehrọre re otu re mu phihọ uwodi, re vwo gborho ekuakua wẹn oma da vwerhe owẹ, kidie okpuyovwi wẹn riẹnre nẹ wo vwo ekuakua ri yoma nọ eyena re je tọn nọ.

Hibru 11:26

O de roro nẹ ekan ra harhe ohwo fiki ri Kristi re ma dia efe rode nọ efe rẹ Ijipt, fikiridie ọ vwẹ ẹro so osa na.

Hibru 11:33

ihwo re wan esegbuyota phi uvie kparobọ, ri brorhiẹ rẹ ọsoso, re ve ive na kẹ, re gba unu rẹ ikpohrokpo,

Hibru 11:6

Ọ dia esegbuyota-a yọ epha bẹnbẹn re vwo ru obo ri je. Kidie ohwo kohwo rọ tanẹ ọye si kẹre Ọghẹnẹ mi segbuyota nẹ ọ herọ nẹ ọye re hwa osa kẹ ayen otu re guọnerọ.

Jems 1:2

Imoni mẹ, ovwan ghọghọ, vwẹ ọke rẹ ọdavwini de te ovwan oma;

Jems 5:10

Imoni mẹ, ovwan gba vwẹ ẹro keri erhiori vẹ oja rẹ otu rẹ emraro rẹ awanre na, re ta ota vwẹ odẹ rẹ Ọrovwohwo rere.

1 Pita 4:13

Ẹkẹvuọvo ghọghọ ra vwọ mrẹ nẹ wọ je re vwẹ ekẹn oja ri Kristi, rere ovwan sa vwọ ghọghọ re oma vwerhe ovwan vwẹ ọke rẹ urinrin rọye da cha phia.

Rutu 2:12

Ọrovwobwo hwa osa kẹ wẹ kirobo ri wo ruru, osa rọ vọnre ọye Ọrovwohwo hwa kẹ wẹ, Ọghẹnẹ rẹ Izrẹl, ohwo ri wo rhi sioma nu vwe obotọ rẹ ibekpe rọye.