Matiu 5:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ebruba kẹ ihwo re muru ekueku fiki rẹ ọvwata; kidie uvie rẹ odjuvwu kọ dia ọrayen.

Matiu 5:10 ပူးပေါင်းရင်းမြစ်များ

Une rẹ Ejiro 37:12

Oruimwemwu ra jẹn iroro kpahe ọvwata, ọ ra re ako rọye kpahọ,

Aizaya 66:5

Nyo ota rẹ Ọrovwohwo na, ovwan re phariẹ kẹ ota rọye. Imoni wẹn ri tuoma wẹ re dje wẹ kufia fiki rẹ odẹ Mẹ tare nẹ, E ja vwẹ urinrin kẹ Ọrovwohwo, rere avwanre vwọ mrẹ aghọghọ wẹn, ẹkẹvuọvo ayen ihwo rẹ oma cha vo.

Matiu 10:23

Ẹkẹvuọvo e de kpokpo uwe vwẹ orere ọvo, djẹ kpo ọrivẹ. Kidie uyota me ta kẹ ovwan, ovwan sa djẹ vrẹn irere rẹ Izrẹl na ejobi re tavwe rẹ Ọmọ rẹ ohwo ke rhe-e.

Matiu 19:14

Ẹkẹvuọvo Jesu da ta nẹ, Jẹn imitete na bru uvwe rhe, wa da ayen jẹ-ẹ kidie edje nana hẹ uvie rẹ Ọghẹnẹ.

Matiu 25:34

Ovie na kọ ta kẹ ihwo re hẹ obọrhe rọye nẹ, Wa yanrhe ihwo rẹ ọsẹ mẹ bruba kẹ, wa rhe reuku rẹ uvie ra rhuẹrẹ vwọ otọ kẹ ovwan nẹ otọ rẹ akpọ rhe.

Matiu 5:3

Ebruba kẹ igbere vwẹ erhi; kidie uvie rẹ odjuvwu kọ dia ọrayen.

Iyẹnrẹ Esiri ri Mak 10:14

Ẹkẹvuọvo ri Jesu vwọ mrẹ, ivun de miovwo gangan, Ọ da ta kẹ ayen, Ovwan jẹ imitete na bru uvwe rhe, ovwan da ayen jẹ-ẹ; kidie oghẹre nana hẹ uvie rẹ Ọghẹnẹ.

Iyẹnrẹ Esiri ri Mak 10:30

rẹ ọvuọvo je vwo ujori kpahe ujori vwẹ asakiephana iwevwi, eyẹ iniọvo rẹ eshare vẹ eya, kugbe ini, kugbe emọ, kugbe etọ, vẹ imu, kugbe arhọ ri bẹdẹ vwẹ akpọ rọ cha.

Iyẹnrẹ Esiri ri Luk 21:12

Ẹkẹvuọvo tavwe rẹ ọnana ke rhe phia ayen che shabọ họ ovwan ayen mi mu ovwan, sun ovwan kpo sinagọg vẹ uwodi, ka reyọ ovwan kpo obaro rẹ ivie kugbe isun fiki rẹ odẹ mẹ.

Iyẹnrẹ Esiri ri Luk 22:29

kirobo rẹ Ọsẹ mẹ vwẹ uvie mu kẹ vwẹ na, ọtiọye mi ji vwo mu kẹ ovwan.

Iyẹnrẹ Esiri ri Luk 6:20

Ọ da kpare aro kpenu ni idibo rọye, ọ da ta: Ebruba kẹ ovwan ivwiogbere, kidie uvie rẹ Ọghẹnẹ kọ dia ọ rẹ ovwan.

Iyẹnrẹ Esiri ri Luk 6:22

Ebruba kẹ ovwan vwẹ ọke rẹ ihwo de tuoma rẹ ovwan, rẹ ayen da hẹriẹ ovwan nẹ oma re ayen da ghwọ ku ovwan, rẹ ayen de mu odẹ umwemwu kẹ ovwan, fiki rẹ Ọmọ rẹ ohwo!

Iyẹnrẹ Esiri ri Jọn 15:20

Karohọ ota re me ta kẹ ovwan na, Odibo rhonọ onini rọye-e. Ọ da djanẹ ayen kpokpo uvwe, ayen ji kpokpo ovwan rhe, ayen de sẹro rẹ ota mẹ, ayen ke je sẹro rẹ ọ rẹ ovwan rhe.

Iruo rẹ Iyinkọn na 5:40

Ayen da reyọ uchebro rọye, rẹ ayen vwo se otu rẹ iyinkọn na rhe uwevwi nu, ayen da fa ayen e de ji urhi kẹ ayen nẹ ayen gbi se odẹ ri Jesu-u, e de siobọ nẹ ayen kpo.

Iruo rẹ Iyinkọn na 8:1

Sọl je rhọvwe phihọ ughwu rọye na. Vwẹ ẹdẹ yena ukpokpogho rode da rhe dia kẹ ishọshi na vwi Jerusalẹm; ayen ejobi da hra ro otọ ri Judia kugbe Sameria, jokpa rẹ iyinkọn na ọvo yi nuro.

2 Kọrẹnt 4:17

Kidie oma nana rẹ avwanre lagha vwẹ ọmọke na ọ rhuẹrẹ avwanre kpaha hẹrhẹ urinrin ro jeghwo ra sa mrẹ emu vwo dje-e.

Filipae 1:28

Ovwan phariẹ kẹ ivwighrẹ rẹ ovwa-an. Ọnana kọ cha dia echa kẹ ayen otu re guọnọ ẹghwọrọ rayen, ẹkẹvuọvo ọye kẹ esivwo rẹ ovwan, ọyena kẹ obọ rẹ Ọghẹnẹ o nurhe.

2 Timoti 2:12

ọ da dianẹ avwanre vẹ ọye chiri, avwanre vẹ ọye ke je reuvie kugbe; avwanre da siọn, ko je sen avwanre;

2 Timoti 3:11

Enu mẹ, oja mẹ, obo re phia kẹ vwẹ vwẹ Antiọk, vwẹ Aikoniọm, kugbe vwi Listra, emuemu ri mi chirako rọye; yẹ Ọrovwohwo si vwe nẹ ayen ejobi.

Jems 1:12

Ebruphihọ kẹ ohwo ro chirako vwẹ ọke rẹ odavwini: fikiridie o de mudia gan, ko vwo erhu rẹ arhọ na, rẹ Ọrovwohwo ve phihọ kẹ otu re guọnerọ.

Jems 5:11

Nighe, ebruba kẹ ihwo ri chirako rhi te oba; ovwan ji nyo usi rẹ obo rẹ Ọrovwohwo ru kẹ Job te, vwẹ okuko rọye, obo ro nẹ arodọvwẹ kẹ te.

1 Jọn 3:12

ọ dia ọtiobo ri Ken dia ọmọ rẹ idẹbọno ro de hwe oniọvo rọye na-a. Kidie nẹrhẹ ọtobọ hwe? Fikiridie uruemu rọye pha brabra yẹ oniọvo rọye ọvwata.

Ẹvwọphia 2:10

Wọ djẹ oshọ rẹ oja ru wọ cha re na-a. Nighe, idẹbono cha kpare ẹvo vwẹ usun rẹ ovwan na phihọ uwodi, rere a davwe ovwan ni, kẹ ovwan reoja ẹdẹ ihwe soso. Ovwan vwo esegbuyota re te ughwu, ke me vwẹ erhu rẹ arhọ na kẹ ovwan.