Matiu 4:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ọ da ta kẹ nẹ, enana ejobi ke dia ewẹ, ọ da dianẹ wo diguẹ kẹ vwẹ re wọ da ga vwẹ.

Matiu 4:9 ပူးပေါင်းရင်းမြစ်များ

Une rẹ Ejiro 72:11

Jẹn ivie ejobi she teye otọ vwẹ obaro rọye, ẹgborho na ejobi ga!

Isẹ 8:15

Ogangan mẹ ọye ivie vwo suẹn, ọye isun na vwo ji urhi rẹ ọsoso.

Daniẹl 4:32

Ka cha djẹ we nẹ ohri rẹ ihwo, ohri rẹ eranvwe rẹ aghwa kọye wọ dia, ke ru we vwọ re odi kere erhuẹn, ikpe ighwrẹ kẹ wan vrẹn tavwe, bẹsiẹ wọ vwọ riẹn nẹ ọ ro Me Kpenu ejobi ri suẹn uvie rẹ ihwo, ohwo ro jere ọye ọ vwọ kẹ.

Matiu 26:15

Ọ da ta nẹ, Die ovwan sa kẹ vwẹ, ri mi de muo kẹ ovwan? Ayen de kere idọnọ efuanfon ọgban vwọ kẹ.

Matiu 4:10

Etiyin Jesu da ta kẹ nẹ, Wan nẹ obaro mẹ, Ẹdjo na; Kidie e siro nẹ, Ọrovwohwo Ọghẹnẹ ọye wo shiguẹ kẹ, ọye ọvo wo je ga.

Iyẹnrẹ Esiri ri Jọn 12:31

Asakiephana hẹ ẹdjọeguo rẹ akpọ nana, asakiephana a vwọ djẹ osun rẹ akpọ na kufia,

Iyẹnrẹ Esiri ri Jọn 13:3

ri Jesu vwọ riẹn nẹ Ọsẹ na phi emu na ejobi phihọ obọ nure, nẹ obọ rẹ Ọghẹnẹ o nurhe nẹ obọ rẹ Ọghẹnẹ ọye ra na,

Iyẹnrẹ Esiri ri Jọn 14:30

Mi gbi che nene ovwan ta ota buebu ọfa-a, kidie osun rẹ akpọ nana cha re. O vwo ogangan vwẹ enu mẹ-ẹ.

Iyẹnrẹ Esiri ri Jọn 16:11

ọ rẹ ẹdjọeguo vwenẹ, fikiridie e guẹdjọ rẹ osun rẹ akpọ nana nure.

2 Kọrẹnt 4:4

Vwọ kẹ ayen edjọ rẹ akpọ nana rhu ẹro rẹ udu rẹ ihwo ri segbuyota-a, rere ayen vwo jẹ urhukpe rẹ iyẹnrẹ esiri rẹ urinrin ri Kristi na ẹmrẹ, ọye hẹ uhoho rẹ Ọghẹnẹ.

1 Timoti 3:6

Ọ dia ohwo ro kurhẹriẹ vwobọ-ọ, eyẹ o de rhi phuoma ro de roro ọ rẹ oma rọye ọvọ o de rhi mu ufi rẹ idẹbono;

Ẹvwọphia 19:10

Etiyin mi de she diguẹ vwẹ asan awọ rọye me da gọ, ẹkẹvuọvo ọ da ta kẹ vwẹ, Wo ruẹ ọyena-a! Mẹvwẹ je hẹ odibo kugbe omoni kirobo wọ epha rọ yọnrọn iseri ri Jesu. Gọ Ọghẹnẹ. Kidie iseri ri Jesu vwenẹ ọye hẹ ohwo ro vwo erhi rẹ aroẹmrẹ.

Ẹvwọphia 19:16

E de si odẹ tamu ewun rọye kugbe ekpoghowọ rọye, Ovie rẹ ivie kugbe Ọrovwohwo ro vwo ihwo.