Matiu 4:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ẹkẹvuọvo Jesu da kpahe kẹ nẹ, e siro phihọ otọ nẹ, ohwo sa vwẹ emu ọvo rhọ-ọ, jokpa rẹ ota ro nẹ unu rẹ Ọghẹnẹ rhe.

Matiu 4:4 ပူးပေါင်းရင်းမြစ်များ

Ẹyano 16:15

ọke rẹ ihwo rẹ Izrẹl vwọ mrẹ, ayen da ta kẹ ohwohwo, ọnana didi emu? Kidie ayen riẹn obo rọ epha-a. Mosis da ta kẹ ayen, ọnana ikara rẹ Ọrovwohwo vwọ kẹ ovwan re.

Ẹyano 16:35

Emọ rẹ Izrẹl da re mana na ikpe ujuvẹ, bẹsiẹ rẹ ayen rhi vwo te otọ ro fo ẹdia; ayen da re mana na, bẹsiẹ rẹ ayen rhi vwo te ughwru rẹ otọ ri Kenan.

Ẹyano 16:8

Mosis da ta, ọke rẹ Ọrovwohwo da vwẹ eranvwe ke we re vwẹ ovwọnvwọn, irhiọke kẹ wa re ikara vọn evun, fikiridie Ọrovwohwo nyo iguegun rẹ ovwan gun kpahọ, die avwanre epha? Ọ dia avwanre we guẹ-ẹn ẹkẹvuọvo Ọrovwohwo we guẹn.

Ẹyano 23:15

Wa re orẹ rẹ ikara ro jephuo; kirobo ri mi ji urhi kẹ wẹ na, wọ re ikara ro jephuo ẹdẹ ighwrẹn vwẹ ọke re bru phihọ na vwẹ emeranvwe rẹ Abib, kidie vwẹ evun rọye wo vwo nẹ Ijipt rhe. Ohwo ọvuọvo cha vwẹ oma phia kẹ vwẹ ababọ-ọ.

Matiu 15:11

Ọ dia obo rọ wan unu ro evun rẹ ohwo ọye ri miovwo-o, ẹkẹvuọvo ọ ro nẹ evun rẹ ohwo rhe ọye ri miovwo.

Matiu 4:10

Etiyin Jesu da ta kẹ nẹ, Wan nẹ obaro mẹ, Ẹdjo na; Kidie e siro nẹ, Ọrovwohwo Ọghẹnẹ ọye wo shiguẹ kẹ, ọye ọvo wo je ga.

Matiu 4:7

Jesu da ta kẹ nẹ, e siro nẹ, Wọ davwẹ Ọrovwohwo Ọghẹnẹ wẹn nẹ-ẹ.

Iyẹnrẹ Esiri ri Mak 7:20

Ọ da ta, Ọ ro nẹ evun rẹ ohwo rhe ri se miovwo ohwo.

Iyẹnrẹ Esiri ri Luk 4:12

Jesu da kpahe kẹ, A tarọ, Wọ davwe Ọrovwohwo Ọghẹnẹ wẹn nẹ-ẹ.

Iyẹnrẹ Esiri ri Luk 4:4

Jesu da kpahe kẹ, E siro, Ohwo sa vwi fiki rẹ emu ọvo rhọ-ọ.

Iyẹnrẹ Esiri ri Luk 4:8

Jesu da kpahe kẹ, E siro, Ọrovwohwo Ọghẹnẹ wẹn ọvo ọye wọ ga, ọye ọvo wo shiguẹ kẹ.

Iyẹnrẹ Esiri ri Jọn 15:26

Ẹkẹvuọvo ọke rẹ Obruche na da rhe, ri mi che ji nẹ obọ rẹ Ọsẹ na rhe, mrẹmrẹ kọye hẹ Erhi rẹ uyota na, ro nẹ obọ rẹ Ọsẹ na rhe, ọye ri che se oseri kẹ vwẹ.

Iyẹnrẹ Esiri ri Jọn 6:63

Erhi na re kẹ arhọ, uvwo fi erere ọvuọvoo; eta na re me ta kẹ ovwan na eye hẹ erhi kugbe arhọ.

Ọbe ri Pọl si rhe Ihwo ri Rom 15:4

Kidie kemu kemu re si phihọ otọ rhabae rhe, e si ayen phihọ otọ kẹ eyono rẹ avwanre, rere vwẹ erhiori kugbe uchebro ro nẹ ẹbe ọfuanfon na rhe avwanre se vwo iphiẹrohọ.

Ẹfesọs 6:17

Gba vwẹ ubierhu rẹ esivwo na tughẹ, kugbe ọlọkọ rẹ Erhi na, kọye hẹ ota rẹ Ọghẹnẹ na.

Urhi Rivẹ 8:3

Ọ da vwẹ owẹ kpotọ, ọ da vwẹ owẹvwe hwe we, vwẹ mana ghẹrẹ owẹ, mana ro wọ riẹnre-e, rẹ esẹ wẹn je riẹ-ẹn, rere o vwo ju we riẹn nẹ ohwo sa rhọ fiki rẹ emu ọvo-o, ẹkẹvuọvo vwẹ fiki rẹ emu kemu ro nẹ unu rẹ Ọrovwohwo rhe ohwo vwọ rhọ.