Matiu 4:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Idebono da rhe ọ da ta kẹ nẹ, Wọ da ghene dia ọmọ rẹ Ọghẹnẹ, gbe hirhe ibiekpẹn nana phihọ emu rere wọ re.

Matiu 4:3 ပူးပေါင်းရင်းမြစ်များ

Ẹyano 16:3

ayen da ta kẹ ayen, Manẹ kẹ avwanre ghwuru vwẹ obọ rẹ Ọrovwohwo vwẹ otọ rẹ Ijipt vwonẹ, ọke rẹ avwanre vwo tidia kerẹ evwẹrẹ rẹ eranvwe rẹ avwanre da re ikara vọn evun; etinẹ na wọ rọye avwanre rhe aton nana rere wọ rhe vwẹ owẹvwe hwe ukoko nana ejobi ghwu.

Matiu 14:33

Ihwo re hẹ evun rẹ okọ na da vwarọ, ayen da ta nẹ, Uyota, ọmọ rẹ Ọghẹnẹ wo ghine ruẹ.

Matiu 16:16

Saimọn Pita da kpahe ọ da ta nẹ, Wẹ hẹ Kristi na, Ọmọ rẹ Ọghẹnẹ ri bẹdẹ na.

Matiu 26:63

Ẹkẹvuọvo Jesu de fotovwi. Ọrherẹn rode na da ta kẹ nẹ, Vwẹ ode rẹ Ọghẹnẹ ri bẹdẹ na, ta kẹ vwẹ, wẹ ghine Kristi na, Ọmọ rẹ Ọghẹnẹ na.

Matiu 3:17

Nighe, urhuru ọvo de nẹ odjuvwu rhe ta nẹ, Ọnana hẹ ọmọ mẹ ro je vwe, rẹ evun rọye vwerhe ovwẹ.

Iyẹnrẹ Esiri ri Mak 1:1

Ẹtuọhọ rẹ iyẹnrẹ esiri ri Jesu Kristi, Ọmọ rẹ Ọghẹnẹ na;

Iyẹnrẹ Esiri ri Mak 3:11

Ọke rẹ irhi ri jẹfuọn vwọ mrẹ ayen de she vwọ hẹ obaro rọye kperi ta nẹ, wọwẹ hẹ ọmọ rẹ Ọghẹnẹ na.

Iyẹnrẹ Esiri ri Mak 5:7

ro vwo kperi urhuru gangan, ọ da ta, Die wọ vwẹ ovwẹ ru Jesu, Ọmọ rẹ Ọghẹnẹ ro me Kpenu? Me vwẹ Ọghẹnẹ rẹ wẹ, wọ lagha ovwẹ-ẹ.

Iyẹnrẹ Esiri ri Luk 1:35

Amakashe na da ta kẹ, Erhi Ọfuanfon na che bru we rhe, ogangan rẹ Ọro Mekpenu na ko che rhurhu uwe; ọtiọye ọmọ ru wo che vwiẹ na ke se ọfuanfon, ọmọ rẹ Ọghẹnẹ.

Iyẹnrẹ Esiri ri Luk 22:70

Ayen ejobi da ta, Wẹ kẹ Ọmọ rẹ Ọghẹnẹ heyọ? Ọ da ta kẹ ayen, Wẹ re tare nẹ Mẹvwẹ ọye.

Iyẹnrẹ Esiri ri Luk 4:3

Idẹbono da ta kẹ, Wọ da ghene dia Ọmọ rẹ Ọghẹnẹ, gba ta kẹ ubieragha na ro hirhe phihọ emu re wọ re.

Iyẹnrẹ Esiri ri Luk 4:41

Idẹbono ri nẹ oma rẹ ihwo buebu rhe, ki kperẹ, Wẹ hẹ Ọmọ rẹ Ọghẹnẹ na! Ọ da ghwọ ku ayen nẹ ayen rhurhu unu, fikiridie ayen riẹnre nẹ ọye hẹ Krisri na.

Iyẹnrẹ Esiri ri Luk 4:9

Ọ da reyọ kpo Jerusalẹm, o de muo kpo okpo rẹ uwevwi rẹ ega na, ọ da ta kẹ, Wọ da ghene dia Ọmọ rẹ Ọghẹnẹ, gbe pho nẹ oboyi rhe;

Iyẹnrẹ Esiri ri Jọn 1:34

Me mrẹrẹ me dia oseri rọye nẹ ọnana hẹ Ọmọ rẹ Ọghẹnẹ na.

Iyẹnrẹ Esiri ri Jọn 1:49

Nataniẹl da kpahe kẹ, Rabbi, Wẹ hẹ Ọmọ rẹ Ọghẹnẹ na! Wẹ hẹ Ovie ri Ju na!

Iyẹnrẹ Esiri ri Jọn 20:31

ẹkẹvuọvo e si enana rere ovwan vwo se segbuyota nẹ Jesu hẹ Kristi na, Ọmọ rẹ Ọghẹnẹ na, rere we de segbuyota ovwan vwo se vwo arhọ vwẹ odẹ rọye.

Iyẹnrẹ Esiri ri Jọn 9:35

Jesu de nyo nẹ ayen djẹrẹ ro otafe, rọ vwọ mrẹ re ọ da ta, Wo se Ọmọ rẹ ohwo na gbuyota?

Iruo rẹ Iyinkọn na 9:20

Siẹvuọvo na ọ da ro evun ri Sinegog o de ghwoghwo Jesu, tanẹ, Ọmọ rẹ Ọghẹnẹ o ruẹ.

2 Kọrẹnt 1:19

Kidie Ọmọ rẹ Ọghẹnẹ na, Jesu Kristi, re avwanre ghwoghwo vwẹ ohri rẹ ovwan na, Silvanọs kugbe Timoti kugbe omẹvwẹ, dia ihwo ri E vẹ Ejọ-o; ẹkẹvuọvo E ọvo re he evun rọye.

Galesha 2:20

A kanre ovwẹ vi Kristi mu agbagba nure, ọ gbe dia omẹvwẹ re herọ na-a, ẹkẹvuọvo, kẹ Kristi re herọ vwẹ evun mẹ; akpọ ri mi yere vwẹ esegbuyota rọ hẹ oma rẹ ọmọ rẹ Ọghẹnẹ, rọ guọnọ ovwẹ rọ da vwẹ oma rọye kẹ vwẹ.

1 Tẹsalonaika 3:5

Fiki rẹ ọnana na, ọke ri mi gbi se chiro-o, kọye mi vwo ji ikọn rhe vwọ mrẹ obo rẹ esegbuyota rẹ ovwan epha, vẹ oshọ nẹ ọkeọvo ukọn na vwo jẹ ovwan ẹdavwọ rere owian rẹ avwanre vwo jẹ ghwọrọ kuẹfia.

Hibru 12:16

e jẹn ohwo ọvuọvo dia ọvwọfanrhiẹ-ẹ eyẹ ro jẹn ẹgha ẹriẹn kerẹ Isọ, rọ vwi fiki rẹ emọre shẹ ọkpako rọye.

Hibru 4:14

Rẹ avwanre vwo vwo orherẹn rode na ro yeri vrẹn idjuvwu na, Jesu rẹ Ọmọ rẹ Ọghẹnẹ na, e gbe jẹn avwanre yọnre esegbuyota rẹ avwanre gan.

Hibru 7:3

O vwo ọsẹ eyẹ oni eyẹ orua-a, o vwo ẹtuọhọ eyẹ oba vwẹ akpọ-ọ, ẹkẹvuọvo ọ họhọ Ọmọ rẹ Ọghẹnẹ orherẹn rhiri bẹdẹ.

1 Jọn 3:8

Ohwo ro ru umwemwu hẹ ọmọ rẹ idẹbono; kidie idẹhono hẹ oruimwemwu notọrhe. Fiki rẹ Ọnana ọye Ọmọ rẹ Ọghẹnẹ vwọ rhe rere ọ vwọ mrasan guọghọ iruo rẹ idẹhono.

Ẹvwọphia 2:10

Wọ djẹ oshọ rẹ oja ru wọ cha re na-a. Nighe, idẹbono cha kpare ẹvo vwẹ usun rẹ ovwan na phihọ uwodi, rere a davwe ovwan ni, kẹ ovwan reoja ẹdẹ ihwe soso. Ovwan vwo esegbuyota re te ughwu, ke me vwẹ erhu rẹ arhọ na kẹ ovwan.