Matiu 4:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Etiyin Jesu da ta kẹ nẹ, Wan nẹ obaro mẹ, Ẹdjo na; Kidie e siro nẹ, Ọrovwohwo Ọghẹnẹ ọye wo shiguẹ kẹ, ọye ọvo wo je ga.

Matiu 4:10 ပူးပေါင်းရင်းမြစ်များ

1 Ikun rẹ Ivie 21:1

Idẹbono de rhi gbe kpahe Izrẹl, o de fovwo Devid nẹ o kere ihwo rẹ Izrẹl.

ỌBE RẸ JOB 1:12

Ọrovwohwo ke ta kẹ Ẹdjọ, Nighe, obo ro vwori ejobi e hẹ ogangan wẹn; jokpa rẹ ekpuyovwi rọye wo je obọ wẹn e vwo te. Ọtiọye na Ẹdjọ da yanran nẹ obaro rẹ Ọrovwohwo.

ỌBE RẸ JOB 1:6

Asakiephana ẹdẹ ọvo kọ herọ rẹ emọ rẹ Ọghẹnẹ vwọ rhe, rhe vwẹ oma phia kẹ Ọrovwohwo, Ẹdjọ da je rhe ohri rayen.

ỌBE RẸ JOB 2:1

O ki ji rhi te ẹdẹ ọfa rẹ emọ rẹ Ọghẹnẹ vwọ rhe rhe vwẹ oma phia vwẹ obaro rẹ Ọrovwohwo, Ẹdjọ da je rhe rhe vwẹ oma rọye phia vwẹ obaro rẹ Ọrovwohwo.

Une rẹ Ejiro 109:6

Gbe ji ohwo umwemwu vwọ suọ rere a reyọ rhi vwo guẹdjọ.

Ẹyano 23:25

Wọ me ga Ọrovwohwo Ọghẹnẹ wẹn, ki mi bruphihọ ikara wẹn vẹ ame wẹn; ki mi si emiavwe nẹ ohri wẹn.

Aizaya 30:22

vwe ọke yena ku wọ che gbe ema wẹn ra vwe idọnọ efuanfon kugbe e ra vwe iro ma ẹgua Ku wọ hra ayen kerẹ imu igbegbe, ku wo ta ke ayen ne, Wa yanran!

Matiu 16:23

Ẹkẹvuọvo o de kuoma rhẹriẹ, ọ da ta kẹ Pita nẹ, Wan nẹ obuko mẹ wẹ Ẹdjọ na; Wẹ oshegberi kẹ vwẹ, kidie wọ guọnọ emu rẹ Ọghẹnẹ-ẹ, ẹkẹvuọvo ọ rẹ ihwo rẹ akpọ.

Iyẹnrẹ Esiri ri Mak 1:13

Ọ da dia evun rẹ aghwa na ẹdẹ ujuvẹ, Idẹbono da davwọ ni; ọ vẹ eranvwe rẹ djoma keye gba dia, emakashe de rhi gbe odibo kẹ.

Iyẹnrẹ Esiri ri Luk 10:18

Ọ da ta kẹ ayen, Me mrẹ Idẹbono ro sheri kerẹ enu rọ nyavwaro nẹ obo odjuvwu cha.

Iyẹnrẹ Esiri ri Luk 11:18

Ọ da dianẹ Idẹbono vwọ so omaobọ rọye, komavọ uvie rọye se vwo mudia? Kidie ovwan ta nẹ ogangan ri Bẹlzibọb Me vwọ djẹ idẹbono.

Iyẹnrẹ Esiri ri Luk 13:16

O rhe fo kẹ aye nana, ọmọtẹ rẹ Ebraham na, rẹ Idẹbono gbare ikpe ihwe gbẹ ẹrenre na, ra rhan nẹ ifi vwẹ ẹdidjala na?

Iyẹnrẹ Esiri ri Luk 22:3

Etiyin Idẹbono da ro evun ri Judas re se Iskariọt, ọvo vwẹ usun rẹ ihwivẹ na;

Iyẹnrẹ Esiri ri Luk 22:31

Saimọn, Saimọn, nighe, Idẹbono guọnọ owẹ reyọ, rere o wuye uwe kerẹ ọka,

Iyẹnrẹ Esiri ri Luk 4:8

Jesu da kpahe kẹ, E siro, Ọrovwohwo Ọghẹnẹ wẹn ọvo ọye wọ ga, ọye ọvo wo shiguẹ kẹ.

Iyẹnrẹ Esiri ri Jọn 13:27

Rọ vwọ riọ nu, Idẹbono da ro evun rọye. Jesu da ta kẹ, obo ru wo ruẹ na, ruo phẹrẹkpẹ.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Iruo rẹ Iyinkọn na 5:3

Ẹkẹvuọvo Pita da ta Ananayas die nẹrhẹ idẹbono vọn udu wẹn wọ vwọ vwọron ofian kẹ Erhi Ọfuanfon rọ nẹrhẹ owẹ si ubro rẹ igho rẹ otọ na nu?

1 Kọrẹnt 5:5

ovwan gba vwẹ ohwo na kẹ Idẹbono rere ọ ghwọrọ ugboma rọye, rere e vwo se sivwi erhi rọye rhọ vwẹ ẹdẹ rẹ Ọrovwohwo Jesu.

1 Kọrẹnt 7:5

Wa vwẹ ovwerhẹ vwọrọn ohwohwo ahare-e jokpa nẹ ovwan rhọvwe kugbe vwẹ ọmọke, rere wa sa vwẹ oma rẹ ovwan vwọ kẹ ẹrhovwo ẹnẹ; tavwe we ki rhi kuoma gbe, re Idẹbono jẹ ovwan ẹdavwọ fiki ri jẹ oma echiro rẹ ovwan.

2 Kọrẹnt 11:14

A gbe ta-a, kidie ekpuyovwi rẹ Idẹbono vwẹ oma nẹ kerẹ amakashe rẹ urhukpe.

2 Kọrẹnt 12:7

Rere mi vwo jẹ oma ẹkparọ kpenu nọ fiki rẹ ẹvwọphia buebu, a da vwẹ unwe duvwu uvwe, ikọn rẹ Idẹbono, rere o kpokpo uvwe, rere mi vwo jẹ oma ẹkparọ kpenu.

2 Kọrẹnt 2:11

re Idẹbono vwo jẹ asan ẹmrẹ da chọrọ obọ phihọ avwanre oma; kidie avwanre rha hẹ ogbori rẹ ọphiẹvwẹ rọye-e.

Urhi Rivẹ 10:20

Wọ Me djẹ oshọ rẹ Ọrovwohwo Ọghẹnẹ wẹn na; ọye wọ ga, ọye wọ gba oma mu, odẹ rọye wo vwo ve ive.

Jems 4:7

Ovwan gba vwẹ oma kpotọ kẹ Ọghẹnẹ; ẹkẹvuọvo ovwan hirhe aro ku idẹbono, rere ọ mrasan djẹ nẹ ovwan oma.

Joshua 24:14

Asakiephana wa gba djẹ oshọ rẹ Ọrovwohwo, wa vwẹ evun esiri kugbe uyota vwọ ga, siobọ nẹ edjọ rẹ esẹ rẹ ovwan gọre vwẹ obo ovrẹn rẹ Urhie na, kugbe Ijipt, re wa ga Ọrovwohwo na.

1 Pita 5:9

Hirhe aro kuo, mudia gan vwẹ esegbuyota wẹn, ovwan riẹn imoni rẹ ovwan re hẹ akpọ na duvwu na je reoja buebu ọtiọye.

1 Samuẹl 7:3

Etiyin Samuẹl da ta kẹ uwevwi rẹ Izrẹl ejobi, Wa da vwẹ udu rẹ ovwan ejobi kurhẹriẹ bru vwe rhe, we gbe ku edjọ erhorha na kufia kugbe Ashera na nẹ ohri rẹ ovwan, re we hirhe udu rẹ ovwan ku Ọrovwohwo, re wa ga ọye ọvo, ko sivwi ovwan nẹ obọ rẹ ihwo ri Filistia.