Matiu 4:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Etiyin Erhi Ọfuanfon de sun Jesu kpo evun rẹ aghwa rere idẹbono vwọ davwọ ni.

Matiu 4:1 ပူးပေါင်းရင်းမြစ်များ

Jẹnẹsis 3:15

Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

1 Ivie 18:12

Ri mi de ghwe vrẹn nẹ asan wọ epha nu, sẹ Erhi rẹ Ọrovwohwo che mu we kpo asan ri mi jẹriẹn me riẹnre-e; kọye, ọke re me da rhe rhe vuẹ Ehab rọ gbe rha mrẹ wẹ-ẹ, ko hwe vwe, dede na odibo wẹn mu ọghọ kẹ Ọrovwohwo nẹ ọke-emọ mẹ rhe.

Ivie rẹ Ivẹ 2:16

Ayen da ta kẹ, Nighe asakiephana idibo wẹn vẹ egba rẹ eshare ujuvẹ gbẹ ihwe ye hẹ etine na; biko jẹ ayen yanran ra guọnọ Ọrovwowe na, siẹvo yẹ Erhi rẹ Ọrovwohwo na ro muro na yan jo vwo vwẹ enu rẹ ugbenu eyẹ evun rẹ iyara. Ọ da ta nẹ, Ovwan ji ihwo-o.

Izikiẹl 11:1

Erhi na da kpare ovwẹ vrẹn, ọ da vwẹ ovwẹ rhe obaro ọnre rẹ anurhoro rẹ uwevwi rẹ Ọrovwohwo na, ro hirhe aro ku obaro ọnre. Nighe, vwẹ asan ẹchẹ rẹ anurhoro na eshare uje gbẹ iyori herọ; me da mrẹ vwẹ ohri rẹ ayen Jaazaniah rẹ ọmọ rẹ Azzur, kugbe Pelatiah rẹ ọmọ ri Benayah, isun re ihwo na.

Izikiẹl 11:24

Erhi na de mu vwe kpenu ọ da kẹ vwẹ emramrẹ vwẹ oma rẹ Erhi rẹ Ọghẹnẹ vwẹ obi Kaldia, vwọ kẹ ihwo ri imu na. Etiyin emramrẹ re me mrẹre na de pho vwe wan.

Izikiẹl 3:12

Etiyin Erhi na de mu vwe mudia, kirobo rẹ urinrin rẹ Ọrovwohwo na vwo vrẹn nẹ asan rọye, mi de nyo edo rode rẹ otọ ro kpoghori vwẹ obuko me;

Izikiẹl 3:14

Erhi na de mu vwe vrẹn ọ da reyọ ovwẹ yanran, mẹ da yanran vwẹ evun rẹ ophu vwẹ evun rẹ ogidi rẹ erhi mẹ, obọ rẹ Ọrovwohwo da gan kpahe ovwẹ;

Izikiẹl 40:2

ọ da reyọ ovwẹ vwẹ emramrẹ rẹ Ọghẹnẹ vwọ rhe otọ rẹ Izrẹl, o de mu vwe te otọ vwẹ enu rẹ ugbenu ro kpenu gangan, rẹ emu ọvo epha kerẹ orere ro hirhe aro ku vwe.

Izikiẹl 43:5

Erhi na da kpare ovwẹ vrẹn, o da reyọ ovwẹ rhe obo evun rẹ ọguan na, nighere, urinrin rẹ Ọghẹnẹ da vọn uwevwi rẹ ẹga na.

Izikiẹl 8:3

O da vwẹ obo re họhọ obọ na vwọ phia, ọ da yọnrọn eme rẹ ẹto rẹ uyovwi me ọvo, Erhi na da kpare ovwẹ phelephele kpenu, ọ da vwẹ ovwẹ kpo Jerusalẹm ra mrẹ emramrẹ rẹ Ọghẹnẹ, vwo kpo ughere vẹ anurhoro rẹ ọguan rọ hẹ obo ẹtan ro hirhe aro ku obọhwẹre ọnre, asan rẹ agbara rẹ uhoho rẹ omẹriọ epha, rọ rhanriẹ omẹriọ na.

Iyẹnrẹ Esiri ri Jọn 14:30

Mi gbi che nene ovwan ta ota buebu ọfa-a, kidie osun rẹ akpọ nana cha re. O vwo ogangan vwẹ enu mẹ-ẹ.

Iruo rẹ Iyinkọn na 8:39

Ọke rẹ ayen vwo nẹ evun rẹ ame na rhe nu Erhi rẹ Ọrovwohwo de mu Filip yanran; ọghwara na gbe mrẹ ọfa-a, ọ da ghọghọ kpo.

Ọbe ri Pọl si rhe Ihwo ri Rom 8:14

Kidie ayen ejobi rẹ Erhi rẹ Ọghẹnẹ na suru ayen hẹ emọ rẹ Ọghẹnẹ.

Hibru 2:18

Kidie fiki robo rẹ okpuyovwi rọye vwọ reoja ra vwọ davwọ ni, kọ je sa dia ọchuko kẹ ayen otu ra davwere.

Jems 1:14

Ẹkẹvuọvo ọke rẹ urhuru si vwe vẹ ẹguọnọ rẹ ugboma na de rhi bunọ re, ke ghwa ọdavwini cha.