Matiu 3:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Ọke ra vwọ vwẹ ame kẹ Jesu nu, o de wotọ nẹ ame rhe; e vwo ni, odjuvwu de rhie phihọ, ọ da mrẹ Erhi rẹ Ọghẹne kerẹ ilekuku de woto rhe, ọ da rhan muo.

Matiu 3:16 ပူးပေါင်းရင်းမြစ်များ

Aizaya 11:2

Erhi rẹ Ọrovwohwo kọ cha rhan muo, erhi rẹ ẹghwanre vẹ ẹruọ; erhi rẹ iroro vẹ ẹgba, erhi rẹ erianriẹn vẹ oshọ ẹdjẹ rẹ Ọrovwohwo

Aizaya 42:1

Nighere, odibo mẹ, re me vwẹ obọ mẹ yọnre, ọ re me jereyọ, ọ re erhi mẹ guọnọre; Mi phi erhi mẹ phihọ oma, kọye che brorhiẹ rẹ ọsoso kẹ ẹgborho na.

Aizaya 59:21

Vwọ kẹ vwẹ, Ọnana ọphọ re Me, vẹ ayen rere, eriyin Ọrovwohwo tare: erhi Mẹ rọ hẹ enu wẹ, kugbe eta Mẹ ri mi phi họ unu wẹn, che se nẹ unu wẹ-ẹn, eyẹ unu rẹ emọ wẹ-ẹn, eyẹ vwo nẹ unu rẹ ivwrọmọ wẹ-ẹn, eriyin Ọrovwohwo tare, nẹ ọke nana yanran rhiri bẹdẹ.

Aizaya 61:1

Erhi rẹ Ọrovwohwo Ọghẹnẹ ọ he oma mẹ, fikiridie ọ vwẹ evwri ghworo uvwe Me vwọ ghwẹ ikun esiri na rhe ihwo re kpokpo, o ji vwe rhe gba udu ro vwirhiri koko, rhi ghwoghwo egbemọphẹ kẹ ighuvwu, esiobọno kẹ ihwo re hẹ uwodi;

Izikiẹl 1:1

Vwẹ ukpe rẹ ọgban, vwẹ emeranvwe rẹne, vwẹ ẹdẹ riyori rẹ emeranvwe na, re me vwọ hẹ usun rẹ otu re muru na vwẹ oma rẹ urhie ri Keba, idjuvwu na de rhie phihọ, Me da mrẹ emramrẹ rẹ Ọghẹnẹ.

Iyẹnrẹ Esiri ri Mak 1:10

Ro ghwe vwo nẹ evun rẹ ame na rhe siẹvuọvo na ọ da mrẹ odjuvwu ro rhie phihọ, Erhi kerẹ inekuku de rhi she muo;

Iyẹnrẹ Esiri ri Jọn 1:51

Ọ da ta kẹ, Uyota, uyota, me ta kẹ owẹ, wọ cha mrẹ odjuvwu ro rhie phihọ, rẹ emakashe rẹ Ọghẹnẹ de kpenu ri de wotọ rhe vwẹ enu rẹ Ọmọ rẹ ohwo.

Iyẹnrẹ Esiri ri Jọn 3:34

Kidie ohwo rẹ Ọghẹnẹ jiri ta ota rẹ Ọghẹnẹ, kidie Ọghẹnẹ vwanvwẹ Erhi na vwọ kẹ;

Iruo rẹ Iyinkọn na 1:22

nẹ ẹtuohọ rẹ ame–ereyọ ri Jọn–bẹsiẹ ra vwọ reyọ kpo odjuvwu jẹ avwanre vwo na, re je herọ rhi te nonẹ na, a gba reyọ ohwo ọvo vwẹ usun rayen na rere o nene avwanre se oseri rẹ evrẹnushi rọye na.

Iruo rẹ Iyinkọn na 7:56

ọ da ta, Nighe, me mrẹ idjuvwu ri rhie phihọ, Ọmọ rẹ ohwo de tidia vwẹ obọrhe rẹ Ọghẹnẹ na.

1 Jọn 5:6

Ọnana hẹ ohwo re vwiẹri vwẹ ame vẹ ọbara, ọye hẹ Jesu Kristi, ọ dianẹ ọ rẹ ame ọvo-o ẹkẹvuọvo ọ rẹ ame kugbe ọbara.