Matiu 3:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Adjudju hẹ obọ rọye, kọ nabọ hwerhe utuwevwi rọye, eka re herọ ka ghwẹ ayen kpo erhu, ẹkẹvuọvo ikueku re herọ ke gbeje ayen koko, ka torhẹ ayen kufia.

Matiu 3:12 ပူးပေါင်းရင်းမြစ်များ

ỌBE RẸ JOB 21:18

Re ayen da họhọ ẹbe eyaya vwẹ obaro rẹ odju, re họhọ iphọphọ rẹ ogiribo djuẹ yanran?

Une rẹ Ejiro 1:4

Oruimwemwu sa dia ọtiọye-e, ẹkẹvuọvo kọ dia kere iphopho rẹ odju muẹ yanran.

Une rẹ Ejiro 35:5

Jẹn ayen dia kerẹ iphopho rẹ odju muẹ, rẹ amakashe rẹ Ọrovwohwo vwọ tua yanran!

Aizaya 1:31

Ọgba kọ cha dia kerẹ oma, iruo rọye kọ sa unwe, ayen ivẹ ke cha tọn kugbe, o gbi vwo ohwo ro fuẹ aye-en.

Aizaya 17:13

Irere na do kerẹ edo rẹ ame rode, ẹkẹvuọvo kọ ghwọ ku ayen, kẹ ayen djẹ yanran shesheri, kọ djẹ kerẹ iphopho rọ hẹ enu rẹ ugbenu rẹ odju muẹ yanran, kerẹ odemu ro djuẹ iwurhie kpenu vwẹ obaro rẹ ogiribo.

Aizaya 27:4

Mi vwo ophu-u Mane ki mi vwo irhe vẹ inwen vwo kpo ofovwi, Ke me a vwọ so ayen, Ke me a torhẹ ayen ejobi kugbe.

Aizaya 28:28

Ka rha vwariẹn iwurhie rẹ ikara nọ? Ẹjo, edjẹnẹnọ bẹdẹ-ẹ vwẹ ọke ro de ghorie adjugẹn rẹ akpẹrẹ rọye wan vẹ iyesi rọye, ọ guọghọ-ọ.

Aizaya 30:24

te erhuẹn te ekẹtẹkẹtẹ re vwo voro otọ na ke re ẹbe eyaya re tue ughweraka ku, ra nabọ vwẹ ovwẹvwẹ vẹ ako vwọ gua kugbe

Aizaya 41:16

Ku wọ va ehọrọ nẹ ayen, odju ko mu ayen yanran, aphopho kọ hra ayen. Ku wọ ghọghọ vwẹ evun rẹ Ọrovwohwo vwẹ evun rẹ Ọfuanfon Ọvuọvo rẹ Izrẹl na wo de vwo urinrin.

Aizaya 5:24

Fiki rẹ ọtiọye na kirobo rẹ imwerhanre torhẹ etu na, rẹ odi ọyaya torhẹ vwẹ erhanre na, eriyin awọ rẹ umwemwu rayen cha dia gbegbo ẹbe eboba ri yoro cha ki bru ighorigho, fikiridie ayen sen urhi rẹ Ọrovwohwo rẹ otuofovwi na, ayen da jẹ ota rẹ Ọfuanfon Ọvuọvo rẹ Izrẹl na fia.

Aizaya 66:24

Ke ayen cha yan phia rhi ni irivwi rẹ ihwo ri gbe ozighi kpahe ovwẹ, kidie ihori rayen che ghwu-u, erhanre rayen che fu-u, ke ayen cha dia ometuo keẹ ihwo ejobi.

Jerimaya 15:7

Me vwẹ ọfa fa ayen nure vwẹ ughere rẹ otọ na, Me vwẹ emu ru ayen, me ghwọrọ ihwo mẹ nure; ayen kurhẹriẹ nẹ idjerhe raye-en.

Jerimaya 17:27

Ẹkẹvuọvo wa kerhọn mẹ-ẹ, vwọ yọnrọn ẹdidjala na fuanfon vwo jẹ oghwa ẹghwa ruẹ anurhoro ri Jerusalẹm vwẹ ẹdidjala-a, ki mi koko erhanre phihọ, anurhoro rọye, kọ ghwọrọ ekete ri Jerusalẹm e gbi se fuo-o.

Jerimaya 4:11

Ka cha ta kẹ ihwo nana vẹ Jerusalẹm vwẹ ọke yena, Odju ọrhorhorho che nẹ ugbenu phrẹphrẹphrẹ rẹ aton na cha che hirhe aro ku ọmọtẹ rẹ ihwo mẹ, ọ dianẹ re ọ vwọ sanọ eyẹ re o vwo ruo fo-on,

Jerimaya 51:2

Ki mi che ji otu re fa kpo Babilọn, ayen ke cha fa, ayen che ruo phihọ ofefe, ọke re ayen da cha vwọ suọ nẹ abọ kabo rhe vwẹ ẹdẹ rẹ ukpokpogho.

Jerimaya 7:20

Vwẹ ọtiọye na enẹ Ọrovwohwo Ọghẹnẹ na tare: Nighe, mi che ku ivuemiovwo mẹ vẹ ophu mẹ phihọ etinẹ na, phihọ enu rẹ ohwo vẹ eranvwe, phihọ enu rẹ irhe rẹ aghwa vẹ emamọ rẹ otọ na, ọ cha la e se fuo-o.

Hosia 13:3

Fiki rẹ ọtiọye ayen ke cha dia kerẹ evwru rẹ irhiọke yẹrẹ irho ro krẹ ọke ya-a, kerẹ iphopho ri tuẹ nẹ utuwevwi rẹ de wuye ọka eyẹ kerẹ ivwirhi re wan evakpo ruẹ otafe.

Emọs 9:9

Kidie nighere, mi che ji urhi, mi che kpogho uwevwi rẹ Izrẹl vwẹ ohri rẹ ẹgborho na kerẹ obo ra da vwẹ ophorhemu phorho emu, ẹkẹvuọvo ubioragha ọvuọvo che se she teye otọ-ọ.

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

Matiu 13:30

We jẹn ayen ivẹ na rho kugbe tavwe. Orhọ de te re, ke me ta kẹ otu ri vuẹ nẹ, Ovwan ka ghwẹ ego na koko, wa gba ayen ẹkuẹko rere a torhẹ ayen; ẹkẹvuọvo irosu mẹ ri chekọ na we gbeje ayen kpo erhu.

Matiu 13:41

Ọmọ rẹ ohwo ko che ji emakashe rọye ro akpọ na, ayen kẹ cha sanọ ihwo ri kpokpo uvie rọye nẹ akpọ na kugbe ihwo ri ruẹ imwemwu koko,

Matiu 13:42

Ka ghwẹ ayen phihọ erhanre ri bẹdẹ; kẹ etiyin ayen da reako kugbe oviẹ.

Matiu 13:43

Otu rẹ evwata ki che lo kerẹ ọnre vwẹ uvie rẹ Ọsẹ na. Ọ ro vwo erhọn e jo nyo.

Iyẹnrẹ Esiri ri Luk 3:16

Jọn da kpahe kẹ ayen ejobi Ame me vwọ kẹ ovwan; ẹkẹvuọvo ọ rọ rhonọ vwẹ cha, ifi rẹ isabato rọye mi fo ohwo rọ rha-an; ọye cha vwẹ ame vẹ Erhi Ọfuanfon kugbe erhanre họ ovwan.

Iyẹnrẹ Esiri ri Luk 3:17

Adjudju hẹ obọ rọye, kọ nabọ hwerhe utuwevwi rọye kakare, ka ghwa eka rọye kpo erhu, ẹkẹvuọvo iphopho ri chekọ ka torhẹ ayen vwẹ erhanre ri bẹdẹ.

Iyẹnrẹ Esiri ri Jọn 15:2

Ọghọn koghọn mẹ rọ mọ ubi-i, ke sio no, oghọn koghọn mẹ rọ mọ ubi kọ rhuẹrẹ phihọ rere ọ vwọ mọ ibi buebu.