Matiu 3:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ame diodi rẹ ekuorhẹriẹ me vwọ kẹ ovwan na, ẹkẹvuọvo ọ rọ cha vwẹ obuko mẹ na, o gan nọ vwẹ, isabato rọye mi se te ohwo ro muo-o; ọye cha vwẹ Erhi Ọfuanfon vẹ erhanre vwọ họ ovwan.

Matiu 3:11 ပူးပေါင်းရင်းမြစ်များ

Aizaya 4:4

vwẹ ọke rẹ Ọrovwohwo da cha hworhẹ inuhu rẹ emetẹ ri Zayọn nu, rọ da cha hworhẹ ipe rẹ ọbara ri Jerusalẹm nẹ uherevie rọye nu vwẹ erhi rẹ ọrhiẹbro kugbe erhi rẹ ẹtorhẹ.

Aizaya 44:3

Kidie mi ku ame phihọ otọ rẹ ọsha, ito ke dje nẹ otọ ọyaya rhe, Ki mi ku Erhi mẹ ku uvwiẹ wẹn erhọvwo mẹ vwọ kẹ emọ wẹn.

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Matiu 3:6

Ọ da vwẹ ame kẹ ayen vwi Jọdan, ayen da rhọvwe imwemwu rayen.

Iyẹnrẹ Esiri ri Mak 1:4

Jọn ghine vwẹ ame kẹ vwẹ evun rẹ aghwa o de ghwoghwo ame ẹvwọkẹ rẹ ekuorhẹriẹ re evwoghovwo rẹ imwemwu.

Iyẹnrẹ Esiri ri Luk 1:17

kọ ka obaro kẹ vwẹ erhi vẹ ogangan rẹ Ilaija, rọ rhẹriẹ udu rẹ esẹ na bru emọ na, ijọghọ evwo kpo aghwanre rẹ ọsoso, rere ọ rhuẹrẹ ihwo phihọ otọ kẹ Ọrovwohwo.

Iyẹnrẹ Esiri ri Luk 3:16

Jọn da kpahe kẹ ayen ejobi Ame me vwọ kẹ ovwan; ẹkẹvuọvo ọ rọ rhonọ vwẹ cha, ifi rẹ isabato rọye mi fo ohwo rọ rha-an; ọye cha vwẹ ame vẹ Erhi Ọfuanfon kugbe erhanre họ ovwan.

Iyẹnrẹ Esiri ri Luk 3:3

ọ da yan ro ubrakpọ ri Jọdan ejobi, ro ghwoghwo ameẹreyọ rẹ ekuorhẹriẹ fiki rẹ evwoghovwo rẹ imwemwu.

Iyẹnrẹ Esiri ri Jọn 1:15

Jọn de se oseri kẹ, ọ de kperi, Ọnana hẹ ọ re me tare nẹ, Ọ rọ cha vwẹ obuko mẹ na rhonọ ovwẹ, kidie ọ ka obaro kẹ vwẹ.

Iyẹnrẹ Esiri ri Jọn 1:30

Ọnana hẹ ohwo re me tare, nẹ ọ cha vwẹ obuko mẹ rọ rhonọ ovwẹ, kidie ọ ka obaro kẹ vwẹ.

Iruo rẹ Iyinkọn na 1:5

Fikiridie Jọn ghine vwẹ ame kẹ ihwo ẹkẹvuọvo o rhe kri tavwe rọ ke cha vwẹ Erhi Ọfuanfon họ ovwa-an.

Iruo rẹ Iyinkọn na 19:4

Pọl da ta, Jọn ghine vwẹ ame rẹ ekuorhẹriẹ kẹ ovwan, yọ ta kẹ ihwo na we se ọ rọ cha vwẹ obuko mẹ na gbuyota, ọye hẹ, Jesu.

Iruo rẹ Iyinkọn na 8:36

Rẹ ayen vwo nene idjerhe yanran ayen de rhi te asan ame ọvo, ọghwara na da ta, Nighe, ame hẹ etinẹ! Kidie rha djẹ vwẹ ame ẹreyọ? [

Iruo rẹ Iyinkọn na 8:38

Ọ da ta nẹ, a da akpẹrẹ na ji; ayen ihwo ivẹ, Filip kugbe ọghwara na de wotọ ro evu rẹ ame na, ọ da vwẹ ame kẹ.

1 Kọrẹnt 12:13

Kidie a vwẹ ame kẹ avwanre vwẹ oma rẹ Erhi ọvo phihọ ugboma ọvo na–ihwo ri Ju eyẹ ihwo ri Grik, ọviẹn eyẹ ọmuvwiẹ de ru ayen ejobi vwọ da vwẹ evun rẹ Erhi ọvuọvo na.

Ẹfesọs 3:8

Mẹvwẹ, dede nẹ mẹvwẹ re ma hanvwe vwẹ usun rẹ ihwo efuanfon na ejobi, ọye a vwẹ ẹserọphẹ kẹ, vwo ghwoghwo kẹ ihwo ri Keferi efe ri Kristi rẹ otọ rọye bẹn ẹguọnọ.

Taitọs 3:5

o de sivwi avwanre, ọ diane ki fiki rẹ iruo rẹ ọvwata rẹ avwanre ruru-u, ẹkẹvuọvo fiki rẹ ehrọre rọye, rọ vwọ hworhẹ, rhuẹrẹ avwanre vwiẹ ru avwanre ọkpokpọ vwẹ evun rẹ Erhi Ọfuanfon na.

1 Pita 5:5

Ọtiọye rhe ovwan imighene na wa vwẹ oma kpotọ kẹ ekpako na. Vwẹ omaevwokpotọ ru amwa vwo rhuo ohwohwo, ovwan ejobi, kidie Ọghẹnẹ muẹkpahe otu ri herẹ, ẹkẹvuọvo erhuvwu kẹ ohwo ro ruẹ dẹndẹn.