Matiu 27:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Rẹ ọke rhi vwo rhie, ilori rẹ irherẹn na ejobi kugbe ekpako ri Ju na ejobi, da ra ro ẹguare kpahe Jesu obo rẹ ayen ru hwe.

Matiu 27:1 ပူးပေါင်းရင်းမြစ်များ

Une rẹ Ejiro 2:2

Ivie re akpọ na si uyovwi koko, isun na ejobi koko ro ẹguare, kpahe Ọrovwohwo kugbe ọ rọ vwẹ evwri ghworo na nẹ,

Une rẹ Ejiro 31:13

E, mi nyo ophiọrọ re otu buebu– oshọ vwi kabọ kabọ– rẹ ayen vwọ rua ero kpahe ovwẹ, rẹ ayen vwọ jẹ iroro re vwo hwe vwe!–

Une rẹ Ejiro 71:10

Kidie ivwighrẹ mẹ ta ota kpahe ovwẹ, otu re rhẹrẹ arhọ mẹ ra jẹ iroro kugbe,

Maika 2:1

Ekan ke otu re jẹ iroro umwemwu ri ruẹ ivumwemwu vwẹ enu re ehwa rayen! Ọke rẹ ọke dẹ rhiere, ayen mi ruọ, fikiridie ọgangan na rhe ayen vwẹ obọ.

Matiu 23:13

Ẹkẹvuọvo ekan kẹ ovwan, isiẹbe kugbe Farisi, evworọn efian! kidie we huhu ẹchẹ rẹ uvie rẹ odjuvwu gbe ihwo; ovwan guọnọ ruọ-ọ, yẹ ihwo efa re guọnọ ruọ ovwan da ayen ji.

Iyẹnrẹ Esiri ri Mak 15:1

Rẹ urhiọke ghwe vwo te ilori rẹ irherẹn kugbe ekpako vẹ isiẹbe kugbe ediaguare na da ghwa jẹ iroro kugbe, ayen da gba Jesu, ayen de suo yanran vwo rhe Pailet.

Iyẹnrẹ Esiri ri Luk 13:1

Evo hẹ etiyin vwẹ ọke yena ri gbe ikun rẹ ihwo ri Galili kẹ ri Pailet vwẹ ọbara rayen gua izobo ze.

Iyẹnrẹ Esiri ri Luk 22:66

Okẹ rẹ ayen vwọ rhe, ọghwẹgbe rẹ ekpako rẹ ihwo na de koko kẹ, te ilori rẹ irherẹn vẹ isiẹbe; ayen de suo kpo ẹguare rayen, ayen da ta,

Iyẹnrẹ Esiri ri Jọn 18:28

Etiyin ayen de sun Jesu nẹ uwevwi ri Kaifas kpo obo ọguan rẹ Pailet vwẹ irhiọke. Ekpuyovwi rẹ ayen sa ro ọguan na-a, fikirẹ obo rẹ ayen vwo jẹ ẹgua egbe, ẹkẹvuọvo re ayen vwo sa re ẹwanvrẹn na.

Iruo rẹ Iyinkọn na 5:21

Ayen vwo nyo ọnana nu, ayen da ro evun rẹ uwevwi rẹ ẹga na vwẹ urhiọke ride re yono. Ọke nana orherẹn rode na vẹ otu rọye de se ediaguare kugbe Ediọn rẹ Izrẹl ejobi koko, ayen de ji ikọn kpo obo uwodi na ra reyọ ayan rhe.

Iguẹdjọ 16:2

A da ta kẹ ihwo ri Gaza nẹ, Samsin rhe etinẹ, ayen da ra gba hẹrhẹ vwẹ anurhoro rẹ orere na vwẹ evun rẹ ason na ejobi. Ayen de fotovwi gbiei vwẹ ason na ejobi, tanẹ Jẹn avwanre hẹrhẹ bẹsiẹ ro vwo te irhiọke ride; etiyin avwanre ki hwe.

1 Samuẹl 19:11

Ason yena Sọl de ji ohwo kpo uwevwi ri Devid ra rhẹrẹ, rere ọ vwọ mrasan hwe vwẹ irhiọke. Ẹkẹvuọvo Mikal, aye ri Devid, da vuẹ, wọ rha kẹnọma wẹn vwẹ ason na-a, odẹ rọ cha ke hwe we.