Matiu 26:52 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵² Jesu da ta kẹ nẹ, Phi ọlọkọ wẹn vwọ hẹ ako; kidie ohwo ro nyavwe ohwo hwe, ọlọkọ ọ je wa ghwu.

Matiu 26:52 ပူးပေါင်းရင်းမြစ်များ

Jẹnẹsis 9:6

Ohwo ro sun ọbara rẹ ohwo te otọ, ohwo ọfa ji sun ọbara rọye te otọ, kidie Ọghẹnẹ ma ohwo vwẹ uhoho rọye.

Une rẹ Ejiro 55:23

Ẹkẹvuọvo wẹ, E Ọghẹnẹ, che phi ayen teye otọ vwo kpo evun re ọgọdọ ro kpotọ ejobi; ihwo re ọbara kugbe e re shẹ ihwo cha sa dia ubro re ẹdẹ raye-en. Ẹkẹvuọvo me vwe ẹro so we.

Ẹyano 21:12

Ohwo kohwo rọ teye ohwo o de ghwu, ohwo yena e mi hwe ghwu.

Matiu 5:39

ẹkẹvuọvo me ta kẹ wẹ nẹ, Wọ vẹ ohwo umwemwu sioma-a, ẹkẹvuọvo ohwo da teye owẹ ọhwa rẹ obọrhe, rhẹriẹ orivẹ kẹ.

Ọbe ri Pọl si rhe Ihwo ri Rom 12:19

Imoni mẹ, wa reihri-i, ẹkẹvuọvo jovwo kẹ ophu rẹ Ọghẹnẹ; kidie e siro nẹ, Ihriẹriọ ọ mẹ, mẹvwẹ re hwa osa, eriyin Ọrovwohwo tare.

1 Tẹsalonaika 5:15

We jẹn ohwo vwẹ umwemwu hwa osa rẹ umwemwu-u, ẹkẹvuọvo guọnọ emu esiri ru kẹ ohwohwo kugbe ihwo ejobi.

1 Pita 3:9

Wa vwẹ umwemwu hwa osa rẹ umwemwu-u eyẹ ekan hwa osa rẹ eka-an; ẹkẹvuọvo ukpe rẹ ọyena nẹ ẹrhovwo, kidie ọna e se ovwan rhe, rere ovwan vwo vwo ebruphihọ.

Ẹvwọphia 13:10

Ọ da dianẹ e mu ohwo oghuvwu, ighuvwu na kọye ọ ra; ọ da dianẹ ohwo vwẹ ọlọkọ hwe ohwo, ọlọkọ na e ji vwo hwe. Kẹ etinẹ a da mrẹ odiri kugbe esegbuyota rẹ ihwo efuanfon na vugbe.

Ẹvwọphia 16:6

Kidie ihwo sun ọbara rẹ ihwo efuanfon kugbe emraro na te otọ, wọ da vwẹ ọbara kẹ ayen da. Ọye hẹ ute rayen!