Matiu 24:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Jesu de vrẹn nẹ evun rẹ uwevwi rẹ ẹga na, kọ yanran vwẹ evun rẹ idjerhe; idibo rọye de bro rhe re vwẹ uwevwi rẹ ẹga na vwọ nẹ.

Matiu 24:1 ပူးပေါင်းရင်းမြစ်များ

Jerimaya 51:61

Jerimaya da ta kẹ Siraya: Ọke wo de te Babilọn, mrẹ nẹ wọ se eta nana ejobi,

Jerimaya 6:8

Noma te, E Jerusalẹm, mi de rhe sioma nu we, mi de rhe ru we dia ofefe, rhe dia otọ re jẹ dia.

Izikiẹl 8:6

Ọ da ta kẹ vwẹ, Ọmọ rẹ ohwo, wọ mrẹ obo rẹ ayen ruẹ na? Ẹgua rode rẹ uwevwi rẹ Izrẹl gbe vwe etinẹ, rẹ ayen vwọ djẹ vwẹ sheri nẹ ẹshẹ na? Ẹkẹvuọvo wọ cha mrẹ ẹgua rọ cha rho nọ ọtiọna.

Hosia 9:12

Ọ tobọ dianẹ ayen vwiẹ emọ dede mi hwe ayen, ọvuọvo gbi chekọ-ọ. Ekan kẹ ayen vwẹ ọke mi de tephe kẹ ayen

Matiu 21:23

Ọke ro rhi vwo te evun rẹ uwevwi rẹ ẹga, ilori rẹ irherẹn kugbe ekpako na de bro rhe, ro vwo yono ayen na, ayen da ta nẹ, Didi ogangan wo vwo ruẹ imu nana? Ono kẹ wẹ ogangan nana?

Matiu 23:39

Kidie me ta kẹ ovwan nẹ, Ovwan gbe cha mrẹ vwẹ ọfa-a, bẹsiẹ rẹ ovwan vwọ ta nẹ, Ebruphihọ kẹ ọ rọ cha vwẹ odẹ rẹ Ọrovwohwo.

Iyẹnrẹ Esiri ri Jọn 2:20

Ihwo ri Ju na da ta, Ikpe ujuvẹ gbẹ esan a vwọ bọn uwevwi rẹ ẹga nana, kọye wo se mu vi vwẹ ẹdẹ erha na?