Matiu 23:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Kemu kemu rẹ ayen tanẹ ovwan ru, we ru ayen, wa nabọ vwẹ ẹro te ayen; ẹkẹvuọvo wa vwẹ ẹro kere aye-en, kidie obo rẹ ayen ta san, yẹ ọ rẹ ayen ruẹ san.

Matiu 23:3 ပူးပေါင်းရင်းမြစ်များ

2 Ikun rẹ Ivie 30:12

Ọbọ rẹ Ọrovwohwo vi Juda da herọ ọ da vwẹ iroro ọvo vwọ kẹ ayen vwo ru obo rẹ ovie vẹ isun vwẹ ota rẹ Ọrovwohwo ru.

Ẹyano 18:23

Wo de ru ọnana, Ọghẹnẹ da je ta ọtiọye kẹ wẹ, etiyin ku wo se chirakọn, ihwo nana ejobi ki ji se kpo ẹdia rayen vwẹ ufuoma.

Matiu 21:30

Ọ de rhe se ọrivẹ ọ da ta kẹ nẹ, yanran kpo obo udju mẹ. Ọ da kpahe ọ da ta nẹ me ra, yọ rare-e.

Matiu 23:2

Otu rẹ isiẹbe kugbe otu ri Farisi na mia tidia umukpe ri Mosis;

Matiu 23:4

Nighe, ayen mi kru oghwa ọhọhọhọ kpahe igabọ rẹ ihwo efa, yẹ ayen cha vwẹ obọ te-e.

Iruo rẹ Iyinkọn na 5:29

Ẹkẹvuọvo Pita kugbe otu rẹ iyinkọn na da kpahe nẹ, Avwanre se mu ọghọ kẹ Ọghẹnẹ nọ ihwo rẹ akpọ.

Ọbe ri Pọl si rhe Ihwo ri Rom 13:1

E jẹn kohwo kohwo vwẹ oma kpotọ kẹ otu ra vwẹ ogangan rẹ isuesun kẹ. Kidie ogangan ọfa herọ-ọ jokpa rẹ ọ ro nẹ obo rẹ Ọghẹnẹ rhe, ayen otu ri suẹn na Ọghẹnẹ re vwẹ ayen mu.

Urhi Rivẹ 4:5

Nighe, mi yono ovwan irhi kugbe iji nure, kirobo rẹ Ọrovwohwo Ọghẹnẹ mẹ jiji kẹ vwẹ na, rere wa mrasan ru ayen vwẹ evun rẹ otọ re wa ra dia na.

Urhi Rivẹ 5:27

Gbe si kẹrẹ, rere wo nyo obo rẹ Ọrovwohwo Ọghẹnẹ cha ta; re wọ ta kẹ avwanre emu ejobi rẹ Ọrovwohwo Ọghẹnẹ cha ta kẹ wẹ; avwanre ki nyo, avwanre ki ji ruo.

2 Timoti 3:5

ri muẹ ofian rẹ ẹga haroma ẹkẹvuọvo yẹ ayen sian ogangan rọ herọ. Kẹnoma kẹ ihwo ọtiọye na.

Taitọs 1:16

Ayen vwẹ oma nẹ nẹ ayen riẹn Ọghẹnẹ; ẹkẹvuọvo ayen wan evun rẹ iruo rayen siọn, iruo rayen tuoma, ayen kpare oma kpenu, ayen ki rhe gbobọnyẹ iruo esiri ejobi.