Matiu 22:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Ọ da rhoma ji idibo efa re se ayen nẹ, Ta ke ihwo ri mi seri jovwo na nẹ, Nighe, Mi chere emu vọn otọ nure; erhuẹn mẹ kugbe egbo mẹ rode na e hwe ayen, emu na ejobi gba nure; Wa yanrhe asan ra da cha rẹ orẹ rẹ opha na.

Matiu 22:4 ပူးပေါင်းရင်းမြစ်များ

Nehemaya 9:17

ayen sen ọghọ, ayen gbi roro iruo rẹ igbunu ru wo ru vwẹ ohri rẹ aye-en; ẹkẹvuọvo ayen da gan udu ayen da vwẹ osun mu no sun ayen rhivwi kpo ọviẹn vwẹ Ijipt. Ẹkẹvuọvo wẹ Ọghẹnẹ rọ choma ro vwo ghovwo, ro vwo ehrọre vẹ arodọvwẹ, ọ fobọ mu ophu-u rọ vọnre vẹ ẹguọnọ ro jẹrhẹriẹ, wọ gbẹ sen aye-en.

Une rẹ Ejiro 86:5

Kidie wọwẹ, E Ọrovwohwo, ohwo esiri vẹ evwoghovwo, wọ vọnre vẹ ẹguọnọ ro jẹ rhẹriẹ kẹ ihwo ejobi ri se we.

Isẹ 15:17

Ukodo rẹ ẹbe diodi ra ria vẹ ẹguọnọ yovwi nọ erhuẹn tubie tubie ra rere vẹ eghrẹn.

Solomon 5:1

Mi de rhi te ogba mẹ, oniọvo mẹ, ọpha mẹ, Me da ghwẹ egẹn mẹ vẹ ugboduma mẹ, Me da vwẹ ọnyọn mẹ rẹ evwavwa mẹ? Me da vwẹ ame rẹ ivie da udi mẹ Re E igbeyan, re wọ da; Da udi vọn oma, E ense mẹ.

Matiu 21:36

Ọ da rhoma ji idibo rọye efa, buebu nọ e rẹsosuọ; ayen de ji ru ayen kerẹ e rẹsosuọ.

Matiu 22:5

Ẹkẹvuọvo ayen sere gbe emu-u, ayen da yanran kpo asan ro je ayen, ọvo kpo aghwa rọye, ọfa kpo eki rọye.

Matiu 22:8

Ọ da ta kẹ idibo rọye nẹ, ọke rẹ orẹ rẹ orọvwe na tere, ẹkẹvuọvo ihwo re seri na gbi fo-o.

Iyẹnrẹ Esiri ri Luk 14:17

ọke rẹ okpọre na vwo te, o de ji idibo rọye bru ihwo ro seri jovwo na nẹ, A mọ; kidie emu ejobi gbare.

Iruo rẹ Iyinkọn na 1:8

Ẹkẹvuọvo ovwan che vwo ẹgba siẹ rẹ Ẹrhi Ọfuanfon na de bru ovwan rhe nu; ovwan ke cha dia iseri mẹ vwi Jerusalẹm, vwi Judia, vẹ Sameria, rhiri re te oba rẹ akpọ na.

Iruo rẹ Iyinkọn na 13:46

Pọl kugbe Banabas da gbaudu, ta ota tanẹ, O fori ra ka vwọ ta ota rẹ Ọghẹnẹ na kẹ ovwan. Rẹ ovwan vwo gere ota na nẹ oma na, rẹ ovwan vwọ vwẹ oma rẹ ovwan guẹdjọ nẹ ovwan fo ihwo rẹ arho ri bẹdẹ na-a, nighe avwanre ki hirhe bru ihwo ri Keferi ra.

Ọbe ri Pọl si rhe Ihwo ri Rom 8:32

Ohwo rọ vwẹ Ọmọ rọye ọvuọvo jahwa-a ẹkẹvuọvo o de siobọ no kẹ avwanre ejobi, o gbi rhe siobọ nẹ emu na ejobi vwọ ba?