Matiu 21:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Usun rẹ ihwo ri nenire vwẹ obaro vẹ obuko, de kuvwie, Hozana kẹ Ọmọ ri Devid; Ebruphihọ kẹ ohwo rọ rhere vwẹ odẹ rẹ Ọrovwohwo; Hozana vwẹ asan ro kpenu.

Matiu 21:9 ပူးပေါင်းရင်းမြစ်များ

Une rẹ Ejiro 148:1

Jiri Ọrovwohwo na! Jiri Ọrovwohwo na nẹ obo odjuvwu rhe, jiro vwẹ obo ẹtan rẹ enu ejobi!

Matiu 21:10

Ọke ro rhi vwo te Jerusalẹm, orere ejobi ko muẹ kpogho, ayen ke nọ nẹ, Ọna ono vwo?

Matiu 21:15

Ẹkẹvuọvo ọke rẹ ilori rẹ irherẹn kugbe isiẹbe vwọ mrẹ emu rẹ igbunu ro ruru, kugbe imitete ri kperẹ Hozana kẹ ọmọ ri Devid vwẹ evun rẹ uwevwi rẹ ẹga na, ivun de miovwo ayen gangan.

Matiu 23:39

Kidie me ta kẹ ovwan nẹ, Ovwan gbe cha mrẹ vwẹ ọfa-a, bẹsiẹ rẹ ovwan vwọ ta nẹ, Ebruphihọ kẹ ọ rọ cha vwẹ odẹ rẹ Ọrovwohwo.

Matiu 9:27

Ri Jesu vwo nẹ etiyin yanran, irhuẹro ivẹ de nene, ayen de kperi ta nẹ, Ni arodọvwẹ rẹ avwanre, Wẹ ọmọ ri Devid.

Iyẹnrẹ Esiri ri Luk 13:35

Nighe, a sen uwevwi rẹ ovwan. Me ta kẹ wẹ, wọ gbe cha mrẹ vwẹ-ẹ bẹsiẹ wọ vwọ ta, Ebruba kẹ ọ rọ cha vwẹ odẹ rẹ Ọrovwohwo na.

Iyẹnrẹ Esiri ri Luk 2:14

Urinrin kẹ Ọghẹnẹ ro kpenu, ufuoma kẹ akpọ evun esiri kẹ ihwo ri vwo udu esiri.