Matiu 21:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọ da dianẹ ohwo da nọ ovwan ota, wa ta kẹ nẹ, Ọrovwohwo re guọnerọ; kọ yan jẹ ovwan vwo.

Matiu 21:3 ပူးပေါင်းရင်းမြစ်များ

1 Ivie 17:9

Vrẹn ru wo kpo Zarefat, ri Sidọn, re wọ dia etiyin. Nighere, me ta kẹ ayeuku vwẹ etiyin nẹ ọ ghẹrẹ owẹ.

Ezra 1:1

Vwẹ evun rẹ ukpe rẹ esosuọ ri Sairọs ovie ri Pẹsha, rere ota rẹ Ọrovwohwo wan unu ri Jerimaya ta vwọ mrẹ asan sẹ, Ọrovwohwo da kpare ẹnwẹ ri Sairọs ovie ri Pẹsha kpenu, ke etiyin O da nẹrhẹ nẹ oghwoghwo wan irere re yariẹ uvie rọye phihọ, O ji ghwe si ayen phihọ evun rẹ ọbe.

Ezra 1:5

Etiyin igbuyovwi rẹ uwevwi rẹ esemọ ri Juda kugbe Bẹnjamin, de vrẹn kugbe irherẹn vẹ ihwo ri Livae, kugbe kohwo kohwo re Ọghẹnẹ kpare ẹnwẹ rọye kpenu nẹ ayen yanran ra rhoma bọn uwevwi rẹ Ọrovwohwo rọ hẹ obi Jerusalẹm,

Ezra 7:27

Ebruphihọ kẹ Ọrovwohwo, Ọghẹnẹ rẹ esẹ rẹ avwanre, ro phi oghẹre rẹ emu ọtiọna phihọ udu rẹ ovie, nẹ ọ ra rhuẹrẹ uwevwi rẹ Ọghẹnẹ rọ hẹ obi Jerusalẹm.

Une rẹ Ejiro 24:1

Akpọ na o rẹ Ọrovwohwo kugbe obo re vọnrọ ejobi, akpọ na kugbe obo re dia evun rọye ejobi;

Matiu 21:2

ọ da ta kẹ ayen nẹ, wa yanran kpo evun rẹ ọko rọ hẹ obaro rẹ ovwan na, wa da ruọ ovwan cha mrẹ ẹkẹtẹkẹtẹ vẹ ọmọ re churu; wa rhan rere we vwo rhe vwe.

Matiu 21:4

Ọnana ruru rere obo rẹ emraro na tare vwọ gba nẹ,

Iyẹnrẹ Esiri ri Jọn 17:2

Ọtiobo re wọ vwẹ ogangan kẹ vwẹ vwẹ enu rẹ ihwo ejobi na, ke me vwẹ arhọ ro vwo oba-a kẹ ayen ejobi re wọ vwọ kẹ vwẹ.

Iyẹnrẹ Esiri ri Jọn 3:35

Ọsẹ na guọnọ Ọmọ na, o de phi emu na ejobi phihọ obọ.

Iruo rẹ Iyinkọn na 17:25

eyẹ kẹ abọ rẹ ohwo rẹ akpọ a vwọ ga-a, kerẹsiẹ ra da mrẹ nẹ ọ guọnọ emu-u, kidie ekpuyovwi rọye re kẹ ihwo ejobi arhọ kugbe ẹnwẹn kugbe kemu kemu.

2 Kọrẹnt 8:16

Ẹkẹvuọvo ẹkpẹvwẹ kẹ Ọghẹnẹ ro phi ẹnwẹn rẹ ẹro evwote rẹ ovwan ọvuọvo na phihọ udu ri Taetọs.

2 Kọrẹnt 8:9

Kidie ovwan riẹn ẹserọphẹ rẹ Ọrovwavwanre Jesu Kristi na nẹ, dede nẹ obo ro fe te na, yẹ fiki rẹ avwanre ọ da rhe dia ogbere, rere vwẹ oma rẹ ogbere roye avwanre vwọ mrasan fe.

Jems 1:17

Kemu kemu esiri na ejobi obo odjuvwu i nẹ cha, nẹ obo rẹ osẹ rẹ urhukpẹ na cha ohwo ro vwo ẹrhẹriẹ-ẹ, rẹ uhoho re ebri ọvuọvo rheri-i.

1 Samuẹl 10:26

Sọl de ji kpo uwevwi rọye rhe vwi Gibeah, ihwo ri yivwaro de tue nene kpo ihwo rẹ Ọghẹnẹ vwẹ obọ te ude rayen.