Matiu 2:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ọ de ji ayen kpo Bẹtlẹhẹm, tanẹ, Yanran ra nabọ guọnọ ọmọ na, ovwan da mrẹ wa gba rhe vuẹ vwẹ, rere okpuyovwi mẹ je ra ga rhe.

Matiu 2:8 ပူးပေါင်းရင်းမြစ်များ

2 Samuẹl 17:14

Absalọm vẹ ihwo rẹ Izrẹl ejobi da ta, Iroro ri Hushai rẹ Archit ri me yovwi nọ rẹ Ahitofẹl. Kidie Ọrovwohwo ruro rere a vwọ sen iroro esiri rẹ Ahitofẹl jẹre rere Ọrovwohwo mrasan hwa osa rẹ umwemwu rẹ Absalọm kẹ.

1 Ivie 19:2

etiyin Jezibẹl de ji ikọn bru Ilaija tanẹ, ọtiọye ẹdjọ na ru kẹ vwẹ, e je nọ ọtiọye rhe, ri mi gbe rhe hwe we vwẹ ọke ọtiọna odẹ rọ cha na-a kirobo ru wo hwe ọvo vwẹ usun rẹ ayen na.

Isẹ 21:30

O vwo aghwanre-e, o vwo ẹruọ-ọ, o vwo iroro-o o se ru emuọvo kpahe Ọrovwohwo-o.

Uvwerhe 3:37

Ono ri ji urhi o de ghine ruo gba, jokpa nẹ Ọrovwohwo vwi ro mu.

Matiu 2:1

Ọke re vwo vwiẹ Jesu vwi Bẹtlẹhẹm ri Judia vwẹ ọke ri Herọd vwọ hẹ ovie, nighere, evwaghwanre rẹ eshare erha de nẹ obaro ọnre rhe Jerusalẹm,

Matiu 2:7

Herọd da bẹbẹ se evwaghwanre erha na, ọ da nọ ayen nẹ ọkevọ isio na vwọ phia;

Matiu 2:9

Ovie na vwọ vuẹ ayen nu, ayen da yanran; nighe isio rẹ ayen mrẹre jovwo na, ọ da karo kẹ ayen, o de rhi mudia enu rẹ asan rẹ ọmọ na epha.