Matiu 2:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ O de se ilori rẹ irherẹn kugbe isiẹbe na ejobi koko, ọ da nọ ayen asan re de vwiẹ Kristi na.

Matiu 2:4 ပူးပေါင်းရင်းမြစ်များ

2 Ikun rẹ Ivie 34:13

da hẹ enu rẹ ihwo re ghwa oghwa ayen da vwẹ ẹro te okoka rẹ iruo re ruẹ vwẹ etiyin; evo rẹ ihwo ri Livae na kẹ isiẹbe, iruiruo, kugbe ihwo re hẹrhẹ unurhoro.

2 Ikun rẹ Ivie 34:15

Etiyin Jilkaya da ra kẹ Shafan osiọbe na, Me mrẹ ọbe rẹ urhi na vwẹ uwevwi rẹ Ọrovwohwo na; Hilkaya da vwẹ ọbe na kẹ Shafan.

2 Ikun rẹ Ivie 36:14

Irherẹn ride na ejobi kugbe ihwo na rhe vwo esegbuyota-a, ayen de nene ẹgua rẹ ẹgborho na, ayen de gbe uwevwi rẹ Ọrovwohwo ro ru fon vwi Jerusalẹm ẹgua.

Ezra 10:5

Etiyin Ẹzra de vrẹn, ọ da reyọ ilori rẹ irherẹn vẹ ihwo ri Livae kugbe ihwo rẹ Izrẹl ejobi vwo duvwu iyori nẹ ayen ru kirobo rẹ a tare na. Etiyin ayen de duvwu Iyori na.

Ezra 7:6

Ẹzra nana koye ne Babilọn rhe. Osiọbe o ruẹ rọ riẹn kpahe urhi ri Mosis rẹ Ọrovwohwo rẹ Ọghẹnẹ rẹ Izrẹl vwọ kẹ, ovie da vwẹ emu ejobi rọ guọnọre vwọ kẹ, kidie obọ rẹ Ọrovwohwo Ọghẹnẹ rọye vẹ ọye herọ.

Nehemaya 12:7

Ealu, Amọk, Hilkaya, Jedaya. Enana hẹ ilori rẹ irherẹn na kugbe imoni rayen vwẹ ọke ri Jeshua.

Une rẹ Ejiro 2:2

Ivie re akpọ na si uyovwi koko, isun na ejobi koko ro ẹguare, kpahe Ọrovwohwo kugbe ọ rọ vwẹ evwri ghworo na nẹ,

Jerimaya 8:8

Komavo wọ vwọ tanẹ, Avwanre ghwanre avware yọnrọn urhi rẹ Ọrovwohwo? Ẹkẹvuọvo, nighe, uhiurhe rẹ efian rẹ isiebe na ru ro phihọ ọvwọrefia.

Malakae 2:7

Kidie ẹbẹrunu rẹ orherẹn ọye re sẹro rẹ erianriẹn, ihwo ke guọnọ uyono nẹ unu rọye cha, kidie ọyinkọ rẹ Ọrovwohwo rẹ otuofovwi na o ruẹ.

Matiu 13:52

Ọ da ayen nẹ, kosiọbe kosiọbe re vwọ ru odibo rẹ uvie rẹ odjuvwu, ọ họhọ ohwo ro vwo uwevwi, rọ reyọ emu ọkpokpọ kugbe e rẹ awanre nẹ evun rẹ ighẹn rọye cha.

Matiu 2:3

Ọke ri Herọd ovie vwo nyo, ivun de miovwo, kugbe ihwo ri Jerusalẹm ejobi

Matiu 2:5

Ayen da ta kẹ nẹ, Bẹtlẹhẹm ri Judia; kidie ọtiọye otu rẹ emraro na siro nẹ;

Matiu 21:15

Ẹkẹvuọvo ọke rẹ ilori rẹ irherẹn kugbe isiẹbe vwọ mrẹ emu rẹ igbunu ro ruru, kugbe imitete ri kperẹ Hozana kẹ ọmọ ri Devid vwẹ evun rẹ uwevwi rẹ ẹga na, ivun de miovwo ayen gangan.

Matiu 21:23

Ọke ro rhi vwo te evun rẹ uwevwi rẹ ẹga, ilori rẹ irherẹn kugbe ekpako na de bro rhe, ro vwo yono ayen na, ayen da ta nẹ, Didi ogangan wo vwo ruẹ imu nana? Ono kẹ wẹ ogangan nana?

Matiu 26:3

Etiyin otu rẹ ilori rẹ irherẹn kugbe ekpako rẹ ihwo na ejobi de rhi se oma koko, vwẹ ọgua rẹ olori rẹ irherẹn rode, re se Kaifas;

Matiu 26:47

Ro ghwa vwọ ta ota na, no, Judas ọvo vwẹ ihwivẹ na da rhe vẹ ihwo buebu, vẹ elọkọ kugbe egbẹ, rẹ ilori rẹ irherẹn kugbe ekpako na ji rhe.

Matiu 27:1

Rẹ ọke rhi vwo rhie, ilori rẹ irherẹn na ejobi kugbe ekpako ri Ju na ejobi, da ra ro ẹguare kpahe Jesu obo rẹ ayen ru hwe.

Matiu 7:29

Kidie o yono ayen kerẹ ohwo ro vwo ogangan, ọ rha họhọ uyono rẹ isiẹbe na-a.

Iyẹnrẹ Esiri ri Mak 8:31

O de mu ayen họ eyono, nẹ, Ọmọ rẹ ohwo cha rẹ oja rẹ emu buebu, ẹkpako na, kugbe irherẹn na, kugbe isiẹbe ua cha siọn, ayen che hwe, ẹdẹ erha da wan nu kọ rhoma vrẹn.

Iyẹnrẹ Esiri ri Luk 20:19

Isiẹbe na kugbe ilori rẹ irherẹn na da guọnọ shabọ phihọ vwẹ unọke yena ọvuọvo na, ẹkẹvuọvo oshọ rẹ ihwo na de mu ayen; kidie ayen vwẹ omoma riẹn nẹ o kpe itẹ nana kpahe ayen.

Iyẹnrẹ Esiri ri Luk 23:10

Ilori rẹ irherẹn na kugbe isiẹbe na de mudia etiyin, re chahe urhi muo gangan.

Iyẹnrẹ Esiri ri Jọn 18:3

Ọtiọye ri Judas, vwọ reyọ otu rẹ isodje vwọ ba oma kugbe iruiruo evo nẹ obọ rẹ ilori rẹ irherẹn kugbe Farisi rhe, ayen de kpo etiyin vẹ irhukpẹ vẹ ituerhanre vẹ ikpokpo.

Iyẹnrẹ Esiri ri Jọn 3:10

Jesu da kpahe kẹ, Wọ dia oyono rẹ Izrẹl, yi wo vwo ẹruọ rẹ imu nana-a?

Iyẹnrẹ Esiri ri Jọn 7:32

Farisi na de nyo ihwo na ri guẹ huhuhu kpahọ, ilori rẹ irherẹn kugbe Farisi de ji iruiruo re muo.

Iyẹnrẹ Esiri ri Jọn 8:3

Isiẹbe na kugbe Farisi na da reyọ ayen ọvo re muru ro gbe igberadja bro rhe, ayen da reyọ phihọ uherevie.

Iruo rẹ Iyinkọn na 23:9

Ọsẹghẹ rode na de rhi she; evo vwẹ isiẹbe ri Farisi vrẹn mudia e da ta, Avwanre mrẹ ornchọ vwẹ oma rẹ ohwo nana-a. Kidie ọ epha ọ da dianẹ erhi eyẹ amakashe ta ota kẹ?

Iruo rẹ Iyinkọn na 4:5

Vwẹ irhiọke isun rayen kugbe ekpako na kugbe isiẹbe na de rhi koko vwi Jerusalẹm,

Iruo rẹ Iyinkọn na 6:12

Eriyin na ayen da kpare ophu rẹ ihwo na kugbe ekpako na kugbe isiẹbe na, ayen de shabọ phihọ ayen de muo rhe ẹguare,