Matiu 2:23 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²³ Ọ da ra dia Nazarẹt, rere ota rẹ ọmraro na tare vwọ mrasan sẹ nẹ, e che se ohwo ri Nazarẹt.

Matiu 2:23 ပူးပေါင်းရင်းမြစ်များ

Ukeri 6:13

Ọnana kọye urhi vwọ kẹ Ojigbo, ọke rẹ oma ẹhẹriẹ rọye da gba nure a me vwọ rhe unurhoro rẹ utughẹ ra da vwa oma na,

Matiu 1:22

Enana ejobi rhe phia, rere emu na ejobi vwọ gba, rẹ Ọrovwohwo wan unu rẹ emraro rọye ta:

Matiu 21:11

Ihwo na da ta nẹ, Ọnana ọmraro na, Jesu rẹ ohwo ri Nazarẹt ri Galili.

Matiu 26:71

Ro vwo vrẹn kpo unu rẹ ọguan na ọmọtẹ ọfa da mrẹ, o da ta kẹ ihwo rẹ hẹ etiyin nẹ, Ohwo nana vi Jesu ri Nazarẹt je vwẹ usun.

Iyẹnrẹ Esiri ri Mak 1:24

O de kperi phia, die wọ cha vwẹ avwanre ru, wẹ Jesu ri Nazarẹt? Wọ rhere rhe ghwọrọ avwanre? Me riẹn ohwo ru wọ epha Ọfuanfon ọvuọvo rẹ Ọghẹnẹ.

Iyẹnrẹ Esiri ri Mak 1:9

Vwẹ ẹdẹ yena rẹ Jesu de nẹ Nazarẹt ri Galili rhe, Jọn da vwẹ ame kẹ vwẹ evun ri Jọdan.

Iyẹnrẹ Esiri ri Luk 1:26

Vwẹ emeranvwe resan Ọghẹnẹ de ji amakashe Gabrẹl kpo orere ri Galili ọvo re se Nazarẹt,

Iyẹnrẹ Esiri ri Luk 18:37

Ayen da ta kẹ, Jesu ri Nazarẹt re wanvrẹn.

Iyẹnrẹ Esiri ri Luk 2:39

Rẹ ayen vwo ru emu ejobi gba nu kirobo rẹ urhi rẹ Ọrovwohwo epha, ayen de rhivwi kpo Galili, kpo Nazarẹt, orere robọ rayen.

Iyẹnrẹ Esiri ri Jọn 18:5

Ayen da kpahe kẹ, Jesu ri Nazarẹt. Jesu da ta kẹ ayen, Mẹvwẹ hẹ ọye. Judas rọ shẹrẹ na, mudia kẹrẹ ayen.

Iyẹnrẹ Esiri ri Jọn 18:7

Ọ da rhoma nọ ayen, Ono ovwan guọnọ? Ayen da ta, Jesu ri Nazarẹt.

Iyẹnrẹ Esiri ri Jọn 19:19

Pailet de ji si odova rọye rhe ọ da vwọ tamu agbagba na; e de se, Jesu ri Nazarẹt, Ovie ri Ju.

Iruo rẹ Iyinkọn na 2:22

Ihwo rẹ Izrẹl, Ovwan nyo eta nana: Jesu ri Nazarẹt, ohwo rẹ Ọghẹnẹ rhọvwe kẹ ro ji mu ovwan ẹro vwẹ iruo ride vẹ igbunu rẹ eka buebu ro ruru vwẹ ohri rẹ ovwan kirobo rẹ ekpuyovwi rẹ ovwan riẹnre.

Iruo rẹ Iyinkọn na 24:5

Kidie avwanre rhe mrẹ nẹ ohwo nana vwenẹ ohwo okpetu, ro sivwẹ oseghe vwẹ ohri rẹ ihwo ri Ju re hẹ akpọ na ejobi, kugbe olori rẹ ẹko rẹ ihwo ri Nazarẹt.

Iguẹdjọ 13:5

kidie karophihọ nẹ, wọ cha mrevun wo che vwiẹ ọmọshare. Wọ vwẹ anrẹn te uyovwi rọye-e, fikiridie ọmọ na Ojigbo rẹ Ọghẹnẹ nẹ evun rhe; kọye cha rhoma sivwi Izrẹl nẹ obọ rẹ Philistia.

1 Samuẹl 1:11

Etiyin o de ve ive ọ da ta, E Ọrovwohwo rẹ otuofovwi, wo de ghine ni oma ẹlaghọ rẹ odibo wẹn rẹ wọ da karohọ ovwẹ odibo wẹn rẹ ọmọtẹ rha chọrọ owẹ ẹro-o, ẹkẹvuọvo wọ da kẹ odibo wẹn rẹ ọmọtẹ ọmọ, ke me vwọ kẹ Ọrovwohwo vwẹ ẹdẹ rẹ akpọ rọye ejobi, anre rhe te uyovwi rọye-e.