Matiu 2:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Rẹ ayen vwo kpo nu nighe amakashe da vwẹ oma phia kẹ Josẹf vwẹ evwerhẹ ọ da ta, Vrẹn wo mu ọmọ na re wọ djẹ kpo Ijipt, kugbe oni rọye, wọ dia oboyi bẹsiẹ me vwọ vuẹ ovuẹ rhe wẹ, kidie Herọd guọnọ ọmọ na hwe.

Matiu 2:13 ပူးပေါင်းရင်းမြစ်များ

1 Ivie 11:17

ẹkẹvuọvo Hadad da djẹ kpo Ijipt, vẹ ihwo rẹ Edọm ẹvo rẹ idibo rẹ ọsẹ rọye, Hadad je hẹ omotete vwẹ ọke yena.

1 Ivie 3:5

Vwi Gibeọn Ọrovwohwo da vwẹ oma phia kẹ Solomọn vwẹ evwerhẹ, vwẹ ason; Ọghẹnẹ da ta, Nọ obo re me vwọ kẹ wẹ.

ỌBE RẸ JOB 33:15

Vwẹ evwerhẹn, vwẹ emramrẹ vwẹ ason, rẹ ovwerhẹn rode de mu ihwo, rẹ ayen da vwerhẹn vwẹ ehwa rayen,

ỌBE RẸ JOB 33:17

rere o vwo ku ohwo rhẹriẹ nẹ uruemu rọye, re o vwo si eheri nẹ ohwo oma,

Ẹyano 1:22

Fero de ji urhi kẹ ihwo rọye ejobi, nẹ ọmọshare kọmọshare rẹ ihwo rẹ Hibru na vwiẹri ejobi we mu ayen phiyọ Nail, ẹkẹvuọvo wa yan jẹn ọmẹtẹ vwo vwẹ akpọ.

Matiu 1:20

Ọke rọ vwọ jẹ iroro na, nighe amakashe rẹ Ọrovwohwo de bro rhe vwẹ evwerhẹ, ọ da ta kẹ, Josẹf rẹ ọmọ ri Devid, wọ djẹ oshọ-ọ, ra reyọ Meri rẹ aye wẹ na, kidie evun rọ mrẹre na ọ rẹ Erhi Ọfuanfon.

Matiu 10:23

Ẹkẹvuọvo e de kpokpo uwe vwẹ orere ọvo, djẹ kpo ọrivẹ. Kidie uyota me ta kẹ ovwan, ovwan sa djẹ vrẹn irere rẹ Izrẹl na ejobi re tavwe rẹ Ọmọ rẹ ohwo ke rhe-e.

Matiu 2:12

Rẹ Ọghẹnẹ vwọ kpokpa kẹ ayen vwẹ evwerhẹ nẹ ayen rhivwi bru Herọd ra-a, ayen da wan idjerhe ọfa kpo.

Matiu 2:14

O de ghine vrẹn ọ da reyọ Meri kugbe ọmọ na ayen da djẹ kpo Ijipt.

Matiu 2:16

Ri Herọd vwọ riẹn nẹ ihwo na phiẹ ọye phihọ, ivun de miovwo gangan, o de ji ikọn nẹ e rẹ hwe emọboba rẹ eshare re hẹ Bẹtlẹhẹm ejobi, kugbe eko rọye ejobi, emọ rẹ ikpe ive rhe otọ, nẹ okẹ re vwo vwiẹ ọmọ na rhe na.

Matiu 2:22

Ẹkẹvuọvo ro vwo nyo nẹ Akiẹlus ọ ria vwẹ ẹdia ri Herọd ọsẹ rọye, osho ro vwo kpo oboyi de muo; vwẹ oka rẹ Ọghẹnẹ vwọ phia kẹ vwẹ evwerhẹ, o de kpo Galili.

Iruo rẹ Iyinkọn na 10:22

Ayen da ta, Kọniliọs, onotu rẹ ofovwi ohwo ọsoso rọ djẹ oshọ rẹ Ọghẹnẹ, rẹ ẹgborho rẹ ihwo ri Ju ejobi ta ota rọye yoyovwi, ọye amakashe ọfuanfon ta kẹ nẹ o ji ohwo rhi se we rhe uwevwi rọye, rere o nyo obo ru wọ cha ta kẹ.

Iruo rẹ Iyinkọn na 10:7

Ọke rẹ amakashe rọ ra ota kẹ na vwọ yanran nu, o de se idibo rọye rẹ eshare ive kugbe isodje ọvo ro vwo erhi rẹ ẹga vwẹ ohri ri isodje re rhẹrẹ na,

Iruo rẹ Iyinkọn na 12:11

Pita da riẹn kẹ oma rọye, ọ da ta, Asakiephana o mu uvwe ẹro nẹ, Ọrovwohwo ri ji amakashe na rhe rhi sivwi uvwe nẹ obọ rẹ Herọd vẹ iroro rẹ ihwo ri Ju ejobi.

Iruo rẹ Iyinkọn na 12:7

Siẹvuọvo na, amakashe rẹ Ọrovwohwo da vwẹ oma phia kẹ, urhukpẹ de rhi lo mu evun rẹ uwodi na; ọ da rhọvwọ Pita, ọ da ta kẹ, tanẹ, Vrẹn phẹrẹkpẹ. Ejọnrọn na de she nẹ abọ rọye.

Iruo rẹ Iyinkọn na 16:36

Ọnọkpa na da vuẹ Pọl tanẹ, Oguẹdjọ na tare nẹ esiobo nẹ ovwan kpo; asakiephana ovwan gbe kpo vẹ ufuoma.

Iruo rẹ Iyinkọn na 5:19

Ẹkẹvuọvo ọke rẹ ason amakashe rẹ Ọrovwohwo de rhie ẹchẹ rẹ uwodi na phihọ ọ da reyọ ayen rhe otafe ọ da ta nẹ,

Iruo rẹ Iyinkọn na 7:19

Ọ da vwẹ ọnko nene ihwo rẹ uvwiẹ rẹ avwanre yeri ọ da gba esẹ rẹ avwanre mie emọboba rayen ra teye hwe.

Joshua 3:13

Ọke rẹ awọ rẹ irherẹn ri mu ekpeti rẹ ọphọ rẹ Ọrovwohwo na, Ọrovwohwo ro vwo akpọ na ejobi na, ghwe te ame ri Jọdan na, ame ri Jọdan na kọ che bru dje ọ gbe djẹ ọkẹre-e, ame rọ dje nẹ obenu cha kọ cha kpahe ẹtan.

Joshua 3:17

Ọke rẹ Izrẹl ejobi vwọ wan otọ ọyaya na vrẹn, irherẹn na re ghwa ekpeti rẹ ọphọ rẹ Ọrovwohwo na de mudia otọ ọyaya vwẹ uherevie ri Jọdan, bẹsiẹ rẹ ẹgborho na ejobi vwọ wanvrẹn Jọdan nu.

Joshua 4:10

Kidie irherẹn na re ghwa ekpeti na de mudia vwẹ uherevie ri Jọdan, bẹsiẹ re emu ejobi rẹ Ọrovwohwo ji urhi rọye kẹ Joshua nẹ ọ ta kẹ ihwo na rhi vwo re, kirobo ri Mosis ta kẹ Joshua ejobi. Okpakpa ihwo na vwọ wanvrẹn;

Joshua 4:18

Ọke rẹ irherẹn re ghwa ekpeti rẹ ọphọ rẹ Ọrovwohwo na vwo wotọ nẹ uherevie ri Jọdan na rhe, re awọ rẹ irherẹn na ghwe vwo te otọ ọyaya nure, ame ri Jọdan na de ghwe rhurie rhe ọ da vọn ro egben rọye reghe reghe kirobo rọ epha jovwo.

Ẹvwọphia 12:14

Ẹkẹvuọvo a da vwẹ ibekpe ivẹ rẹ ugo rhuarho vwọ kẹ rere ọ vwọ rhan jẹ ọrọdekọ na vwo ro evun rẹ aghwa, vwo kpo asan ra da ghẹrẹ vwẹ ọmọke, kugbe ọke, kugbe ubro rẹ ọke.

Ẹvwọphia 12:4

Urhurhuvwu rọye ro siẹ nene vwẹ obuko na da jẹ phihọ isio buebu, o de si ayen she teye otọ. Okpodje na de mudia bẹre agada sa aye na rọ chuẹ uvwiẹ na, rere siẹ ro de vwiẹ nu ọ vwọ mrasan mu ọmọ na re;

Ẹvwọphia 12:6

aye na da djẹ ro aghwa, kpo asan rẹ Ọghẹnẹ rhuẹrẹ vwọ hẹ otọ kẹ, kẹ etiyin a da ghẹrẹ vwẹ ẹdẹ uriori kugbe uri kugbe ujorha.