Matiu 2:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọke re vwo vwiẹ Jesu vwi Bẹtlẹhẹm ri Judia vwẹ ọke ri Herọd vwọ hẹ ovie, nighere, evwaghwanre rẹ eshare erha de nẹ obaro ọnre rhe Jerusalẹm,

Matiu 2:1 ပူးပေါင်းရင်းမြစ်များ

Jẹnẹsis 10:30

Otọ rẹ ayen diare hẹre ni Mesha vwẹ ẹbẹre ri Sefar re te orho rẹ ugbenu rẹ ọnre va nẹcha na.

Jẹnẹsis 25:6

Ẹkẹvuọvo emọ rẹ ayeobọ na ejobi ẹse kọye o di ru kẹ ayen, ọke rẹ ekpuyovwi rọye vwọ akpọ na ọ da hẹriẹ ayen abọ nẹ oma rẹ Aizik, vwo kpo orho rọ abọ rẹ ọnre da vacha.

Jẹnẹsis 41:8

Rẹ ọke vwo rhie re, udu ko bro, o de re se ẹboepha rẹ Ijipt ejobi kugbe ebuiroro ejobi, Fero da ta evwerhẹ na vwọ kẹ ayen, ẹkẹvuọvo a mrẹ ohwo ọvuọvo rọ sa fan otọ rọye ki Fero-o.

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

1 Ivie 4:30

ọtiọye na aghwanre ri Solomọn da nọ aghwanre rẹ ihwo ejobi re dia obaro-ọnre na, kugbe aghwanre rẹ Ijipt ejobi.

1 Ikun rẹ Ivie 2:51

Salma, ọsẹ ri Bẹtlẹhẹm, kugbe Harẹf ọsẹ ri Bẹtgader.

ỌBE RẸ JOB 1:3

O vwo igegede uriorin ighwrẹ, kamẹl uriorin erha, irhuẹn ivive ra vwọ ya ohwohwo ujorin iyori, kugbe ekẹtẹkẹtẹ ujorin iyori, vẹ idibo buebu; eriyin na ohwo nana kọye ma rho vwẹ obaro ọnre na ejobi.

Aizaya 11:10

Vwẹ ẹdẹ yena owọ ri Jessi na ko che mudia pọe kerẹ oka vwọ kẹ ihwo na; ọye irere na cha guọnọ, ẹdia rọye kọ mu urinrin.

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Matiu 1:25

Ayen ivẹ na mroma tavwe re ki vwiẹ ọmọ na-a; o de se odẹ roye Jesu.

Matiu 2:16

Ri Herọd vwọ riẹn nẹ ihwo na phiẹ ọye phihọ, ivun de miovwo gangan, o de ji ikọn nẹ e rẹ hwe emọboba rẹ eshare re hẹ Bẹtlẹhẹm ejobi, kugbe eko rọye ejobi, emọ rẹ ikpe ive rhe otọ, nẹ okẹ re vwo vwiẹ ọmọ na rhe na.

Matiu 2:19

Ẹkẹvuọvo ọke ri Herọd rhi vwo ghwu nu, amakashe rẹ Ọghẹnẹ da vwẹ oma phia kẹ Josẹf vwẹ evwerhẹ vwẹ Ijipt nẹ,

Matiu 2:3

Ọke ri Herọd ovie vwo nyo, ivun de miovwo, kugbe ihwo ri Jerusalẹm ejobi

Matiu 2:5

Ayen da ta kẹ nẹ, Bẹtlẹhẹm ri Judia; kidie ọtiọye otu rẹ emraro na siro nẹ;

Matiu 2:7

Herọd da bẹbẹ se evwaghwanre erha na, ọ da nọ ayen nẹ ọkevọ isio na vwọ phia;

Iyẹnrẹ Esiri ri Luk 1:5

Ọke ri Herọd vwọ hẹ ovie ri Judia, ọwanran ọvo re se Zakaraya, ọ rẹ otu rẹ Abija. o de vwo aye ọvo ọ rẹ ekru rẹ Erọn, odẹ rọye kẹ Ẹlizabẹt.

Iyẹnrẹ Esiri ri Luk 2:11

Nonẹ na e vwiẹ Osivwi vwẹ obo orere ri Devid, re se Kristi Ọrovwohwo.

Iyẹnrẹ Esiri ri Luk 2:15

Ọke re emakashe na vwo kpo obo odjuvwu nu, isuigodẹ na da ta kẹ ohwohwo, E jẹn avwanre kpo Bẹtlẹhẹm ra mrẹ emu nana rọ phiare na, rẹ Ọrovwohwo vwọ phia kẹ avwanre na.

Iyẹnrẹ Esiri ri Jọn 7:42

Ọ dianẹ ọbe ọfuanfon na tare nẹ uvwiẹ ri Devid Krisri na che nurhe, o che nẹ Bẹtlẹhẹm rhe, ọko ri Devid diare jovwo?

Iguẹdjọ 17:7

Emeghene ọvo ri Bẹtlẹhẹm ri Juda da herọ ọ rẹ orua ri Juda, ohwo ri Livae o ruẹ, ọ da kpare oyan kpo oboyi.