Matiu 19:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Me ta kẹ ovwan, kohwo kohwo ro siobọ nẹ ayen rọye, jokpa nẹ ko gbe ọfaurhiẹ, rẹ ọ da reyọ ọfa, yo gbe igberadja; ọshare rọ reyọ aye re siobọ nu, yo gbe igberadja.

Matiu 19:9 ပူးပေါင်းရင်းမြစ်များ

Jẹnẹsis 20:3

Ẹkẹvuọvo Ọghẹnẹ de bru Abimẹlẹk rhe vwẹ evwerhẹ vwẹ ason, ọ da ta kẹ, Nighe, orivwi wọ epha na, fiki rẹ aye ru wọ reyọre na, kidie aye rẹ ohwo ọfa o ruẹ.

2 Ikun rẹ Ivie 21:11

Ọ rọ marho o de ru asan rọ kpenu buebu phihọ obo orho rẹ ugbenu ri Juda, ọ da nẹrhẹ ihwo re dia Jerusalẹm jẹ esegbuyota evwo, o de rhi sun Juda ghwru.

Jerimaya 3:1

Ọ da dianẹ ohwo siẹn aye rọye ro de no obọ rọ da rọvwọ ohwo ọfa, kẹ ọshare na se rhivwi bro ra? Kẹ otọ yena gbi miovwi gangan? we nene esen buebu gbe igberadja, ovwan gbi rhivwi bru vwe rhe? Eriyin Ọrovwohwo na tare.

Jerimaya 3:8

Ọ riẹnre nẹ fiki rẹ igberadja rẹ Izrẹl, ohwo ọfafarhiẹ na, mi vwo si ọbe kẹ nẹ o kpo, dede na oshọ se mu oniọvo ofian rọye na Juda-a, ẹkẹvuọvo ekpuyovwi rọye da je yanran re gbe igberadja.

Izikiẹl 16:15

Ẹkẹvuọvo wọ da vwẹ ẹro so erhuvwu wẹn, wo de gbe igberadja fiki rẹ usi wẹn, erhuvwu wẹn kọye wo vwo gbe igberadja kẹ ihwo re wanvrẹn.

Izikiẹl 16:29

Igberadja egbe wẹn rhe rho phihọ re wo vwo bru ineki re chua eki vwi Kaldia, vwẹ ọnana dede na evun je vọn wẹ-ẹ.

Izikiẹl 16:8

Ọke re me vwọ rhoma wanvrẹn wẹ ri mi vwo ni we, nighe, yu wo te ovwerhẹ nure; me da vwẹ ewun mẹ vwo phopho uwe, mi de rhurhu ẹban wẹn: uyota, me da sa wẹ hẹ otọ me vẹ owẹ da re ọphọ, eriyin Ọrovwohwo Ọghẹnẹ tare, wo de hirhe phihọ ọmẹ.

Matiu 19:10

Idibo rọye da ta kẹ nẹ, Obo rọ epha kẹ ọshare na, ọ da dia ọtiọye o gbi fo rere a rọvwọ-ọ.

Matiu 19:8

Ọ da ta kẹ ayen nẹ, fiki rẹ udu ọgangan rẹ ovwan Mosis vwo ji urhi na nẹ we siobọ nẹ aye rẹ ovwan; ẹkẹvuọvo notọrhe ọ dia ọtiọye-e.

Matiu 5:32

ẹkẹvuọvo me ta kẹ ovwan nẹ, ohwo kohwo ro siobọ nẹ aye rọye, jokpa nẹ o gbe ọfarhiẹ, yo gbe igberadja; ohwo kohwo rọ reyọ aye re siobọ nu yo ji gbe igberadja.

Iyẹnrẹ Esiri ri Luk 16:18

Kohwo kohwo ro siobọ nẹ aye rọye rọ da reyọ ọfa yo gbe igberadja, ohwo rọ rha reyọ aye rẹ ọshare siobọ nu yo gbe igberadja.

1 Kọrẹnt 5:1

A rhe vuẹ vwẹ dẹn nẹ ọfanrhiẹ hẹ ohri rẹ ovwan, ọtiẹ oghẹre rẹ ọfanrhiẹ ra je mrẹ vwẹ ohri rẹ egedjọ dẹvo-o; rẹ ohwo vẹ aye rẹ ọsẹ rọye da vwerhẹ.

1 Kọrẹnt 7:39

A gba aye mu ọsahre rọye vwẹ uche ọke rẹ ọshare na dia akpọ na kri te. Ọ da dianẹ ọshare na ghwuru, aye na kọ sa rọvwọ ohwo ọfa ro jere, ẹkẹvuọvo vwẹ odẹ rẹ Ọrovwohwo.

1 Kọrẹnt 7:4

Kidie aye na ọvo se sun oma rọye-e, ẹkẹvuọvo ọshare rọye ri suo; ọtiọye rhe ọshare ọvo ji se sun oma rọye-e, ẹkẹvuọvo aye rọye ri suo.