Matiu 17:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Nighe, Mosis kugbe Ilaija da vwẹ oma phia kẹ, ayen ki gbe ikun.

Matiu 17:3 ပူးပေါင်းရင်းမြစ်များ

1 Ivie 17:1

Asakiephana Ilaija ohwo ri Tish, vwi Gilead, da ta kẹ Ehab, kirobo rẹ Ọrovwohwo Ọghẹnẹ rẹ Izrẹl herọ na, ri mi mudia vwẹ obaro rọye na, asan mrẹ irho eyẹ osio vwẹ ikpe nana-a, jokpa nẹ ota mẹ.

Malakae 4:5

Nighere, mi che ji Elaija rẹ ọmraro na bru ovwan rhe tavwe rẹ ẹdẹ ro muoshọ rẹ Ọrovwohwo na ki rhi te.

Matiu 17:2

O de wene oma vwẹ irharo rẹ ayen; opharo rọye ko lo wrowro kerẹ ọnre, iwun rọye da rhe fon kerẹ oze.

Matiu 17:4

Pita da kpahe ọ da kẹ Jesu nẹ, Ọrovwohwo, Oyoma rere avwanre dia etinẹ; wọ da rhọvwe, gbe jẹn avwanre bọn itughẹ erha, ọvo ọ wẹ, ọvo ọ ri Mosis, ọvo ọ rẹ Ilaija.

Iyẹnrẹ Esiri ri Mak 9:4

Ilaija kugbe Mosis da vwẹ oma phia kẹ ayen. ayen de nene Jesu ta ota.

Iyẹnrẹ Esiri ri Luk 1:17

kọ ka obaro kẹ vwẹ erhi vẹ ogangan rẹ Ilaija, rọ rhẹriẹ udu rẹ esẹ na bru emọ na, ijọghọ evwo kpo aghwanre rẹ ọsoso, rere ọ rhuẹrẹ ihwo phihọ otọ kẹ Ọrovwohwo.

Iyẹnrẹ Esiri ri Luk 16:16

Urhi na vẹ emraro na herọ bẹsiẹ ro ki rhi te Jọn; nẹ ọke yena rhe na e vwo ghwoghwo ikun rẹ iyenre esiri rẹ uvie rẹ Ọghẹnẹ na, kohwo kohwo ke de vwẹ ozighi họrhọ ruọ.

Iyẹnrẹ Esiri ri Luk 24:27

O de mu phihọ nẹ Mosis rhe kugbe emraro na ejobi, ọ da fan otọ rẹ ẹbe efuanfon na ejobi kpahe oma rọye kẹ ayen.

Iyẹnrẹ Esiri ri Luk 24:44

Etiyin ọ da ta kẹ ayen, Enana eta mẹ re me ta kẹ ovwan, re me vẹ ovwan vwọ herọ, nẹ kemu kemu re siri kpahe ovwẹ vwẹ evun re urhi ri Mosis kugbe emraro na vẹ ine rẹ ejiro na cha gba.

Iyẹnrẹ Esiri ri Luk 9:33

Rẹ eshare na vwọ yanran re, Pita da ta kẹ Jesu, Onini, oyoma re avwanre dia etinẹ; e jẹn avwanre bọn ọgarivi erha, ọvo owẹ ọvo ọ ri Mosis ọvo ọ re Ilaija–ọ riẹn obobo rọ ta na-a.

Iyẹnrẹ Esiri ri Jọn 1:17

Kidie oma ri Mosis a wan kẹ avwanre urhi na; ẹserọphẹ vẹ uyota kẹ oma ri Jesu Kristi ọ wan rhe.

Urhi Rivẹ 18:18

Me cha vwẹ ọmraro rọ họhọ owẹ kẹ ayen nẹ uherevie rẹ imoni rayen rhe; ki mi che phi ota mẹ phihọ unu rọye, obo re Me ta kẹ ejobi kọye ọ cha ta.

Urhi Rivẹ 34:10

Nẹ ọke yena rhe a gbe mrẹ ọmraro rọ họhọ Mosis vwẹ Izrẹl na-a, ohwo rẹ Ọrovwohwo vẹ ọye gba vwẹ opharo mrẹ ohwohwo na,