Matiu 17:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² O de wene oma vwẹ irharo rẹ ayen; opharo rọye ko lo wrowro kerẹ ọnre, iwun rọye da rhe fon kerẹ oze.

Matiu 17:2 ပူးပေါင်းရင်းမြစ်များ

Une rẹ Ejiro 104:2

We rọ vwẹ orẹmrẹ phopho oma kerẹ ewun, we re riẹn odjuvwu na phihọ kerẹ ibọkpọ,

Solomon 6:10

Ọna ono rọ họhọ irhiọke ro rhie cha, vwiọvwọrọ kerẹ emeranvwe, gala gala kerẹ ọnre, ro mu oshọ kerẹ unuofovwi vẹ ephiana?

Matiu 17:1

Rẹ ẹdẹ esan vwọ wan nu, Jesu da reyọ Pita, kugbe Jems, kugbe Jọn rẹ oniọvo rọye, ọ da vwẹ ayen rhe enu rẹ ugbenu ọvo ro kpenu.

Matiu 17:3

Nighe, Mosis kugbe Ilaija da vwẹ oma phia kẹ, ayen ki gbe ikun.

Matiu 28:3

Oma rọye ko lo kerẹsiẹ rẹ enu a nyavwaro, ewun rọye kọ fuan toto kerẹ iphughẹ rẹ odja.

Iyẹnrẹ Esiri ri Mak 9:3

Iwun rọye ki lo wrowro, fuanfon gangan; ọtiọye na o se vwo ohwo rọ fọnrhọn emwa fon eriyin vwẹ akpọ na-a.

Iyẹnrẹ Esiri ri Luk 9:29

Rọ vwọ nẹ ẹrhovwo re, opharo rọye da rhẹriẹ, iwun rọye ke fuan puepue,

Iyẹnrẹ Esiri ri Jọn 1:14

Ota na de rhi hirhe phihọ ohwo ọ da rhe dia ohri rẹ avwanre, ọ vọnre vẹ ẹserọphẹ vẹ uyota; avwanre da mrẹ urinrin rọye ọ tiẹ urinrin rẹ Ọmọ ọvuọvo na ro nẹ obọ rẹ Ọsẹ na rhe.

Iyẹnrẹ Esiri ri Jọn 17:24

Ọsẹ, me guọnọre nẹ ayen rhe, re wọ vwọ kẹ vwẹ na, vẹ ovwẹ dia asan re me epha, re mrẹ urinrin mẹ re wọ kẹ vwẹ vwẹ ẹguọnọ ru wọ vwọ kẹ vwẹ tavwe ra ke ma akpọ na.

Ọbe ri Pọl si rhe Ihwo ri Rom 12:2

We hirhe oma phihọ ohwo rẹ akpọ nana ọvo-o ẹkẹvuọvo gbe wene iroro rẹ udu rẹ ovwan phihọ ọkpokpọ, re we se vughe ọhọre rẹ Ọghẹnẹ, obo ri yoma ro fo ẹreyọ kugbe obo re gbare.

Ẹvwọphia 10:1

Etiyin me da mrẹ amakashe ọfa vẹ ẹgba ro wotọ nẹ odjuvwu cha, rọ vwẹ egho phopho, aphoro de mu vwẹ uyovwi rọye, opharo rọye da họhọ ọnre, awọ rọye da họhọ osunsun rẹ erhanre.

Ẹvwọphia 20:11

Etiyin me da mrẹ ekete ọfuanfon rode ọvo kugbe ohwo ro tidia enu rọye; opharo rẹ ohwo ro tidia na da nẹrhẹ akpọ vẹ odjuvwu va djẹ, a gbe mrẹ asan vwọ kẹ aye-en.