Matiu 17:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Ẹkẹvuọvo me ta kẹ ovwan nẹ, Ilaija rhe nure, ayen gbi vugbe-e; ayen de ruo obo ri je ayen, Ọtiọye Ọmọ rẹ ohwo je cha re oja te.

Matiu 17:12 ပူးပေါင်းရင်းမြစ်များ

Matiu 16:21

Nẹ ọke yena yanran Jesu de muhọ edje kẹ idibo rọye, obo ro che kpo Jerusalẹm rọ da re oja rẹ emu buebu vwẹ obọ rẹ ekpako kugbe irherẹn kugbe isiẹbe, ke che hwe, ẹdẹ rerha ko vrẹn.

Iruo rẹ Iyinkọn na 4:10

ovwan gba riẹn ọnana ihwo rẹ Izrẹl ejobi, nẹ odẹ ri Jesu Kristi ri Nazarẹt, rẹ ovwan kanre mu agbagba, rẹ Ọghẹnẹ rhọvwọ nẹ ughwu na, ọye nẹrhẹ e sivwi ọshare nana ro mudia vwẹ obaro rẹ ovwan na.

Iruo rẹ Iyinkọn na 7:52

Ono vwẹ usun re emraro na rẹ esẹ rẹ ovwan je kpokpo? Ayen de hwe otu re ke ji rhi ghwoghwo ẹcha rẹ ọvwata ọvuọvo na, ohwo rẹ ovwan vwọ re odọvwẹ we de ji hwe.

Iruo rẹ Iyinkọn na 2:23

Jesu nana, ọye a vwọ kẹ ihwo re riẹn urhi-i re kanrọ mu agbagba hwe, kerẹ iroro rẹ Ọghẹnẹ jẹ kpahọ vẹrhe.

Iyẹnrẹ Esiri ri Jọn 1:11

Ọ rhe uwevwi robọ, rọye ihwo robọ rọye na reyerọ-ọ.

Iyẹnrẹ Esiri ri Luk 7:33

Kidie Jọn ri Baptist rhere ọ re ikara-a ọ da udi-i; yẹ ovwan tare nẹ, O vwo erhi rẹ idẹbono.

Matiu 21:32

Kidie Jọn bru ovwan rhe vwẹ ọ rẹ ọvwata, ovwan sere gbuyota-a, ẹkẹvuọvo otu rẹ imiarhọghọ kugbe igberadja na sere gbuyota; ovwan re mrẹrẹ dede na se kurhẹriẹ we de segbuyota-a.

Matiu 11:2

Ọke ri Jọn vwo nyo usi rẹ iruo ri Kristi vwẹ uwodi, o de ji idibo rọye ra nọ.

Matiu 8:20

Jesu da kpahe kẹ nẹ, irhirako vwo mu, ephran vwo ẹho, ẹkẹvuọvo ọmọ rẹ ohwo vwo asan rọ vwẹ uyovwi hwa-a.

Matiu 17:9

Rẹ ayen vwo wotọ nẹ ugbenu na cha, Jesu de ji urhi kẹ ayen nẹ, We gbe ikun na kẹ ohwo ọvuọvo-o, bẹsiẹ rẹ ọmọ rẹ ohwo vwo vrẹn nẹ ughwu.

Matiu 17:11

Ọ da kpahe o da ta kẹ ayen nẹ, Ilaija re ghene ka rhe, kọ cha rhuẹrẹ imu na eje ruẹ.

Matiu 17:13

Idibo na da rhe karohọ nẹ, ikun ri Jọn ri Baptist o gbe kẹ ayen na.

Matiu 17:22

Ọke rẹ ayen vwọ hẹ Galili, Jesu da ta kẹ ayen nẹ, A cha vwẹ Ọmọ rẹ ohwo vwọ hẹ obọ rẹ ihwo.