Matiu 15:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ẹkẹvuọvo ovwan tare nẹ, Kohwo kohwo rọ ta kẹ ọsẹ eyẹ oni rọye nẹ, Erere rẹ ovwan a mrẹ vwẹ obọmẹ jovwo, me vwerọ kẹ Ọghẹnẹ.

Matiu 15:5 ပူးပေါင်းရင်းမြစ်များ

Isẹ 20:25

Ufi kẹ ohwo ro mu tanẹ, Ọnana ọfuanfon, rẹ otọ da fọ nu ko che roro ive rọye.

Matiu 15:4

Kidie Ọghẹnẹ tare nẹ, Vwẹ ọghọ kẹ ọsẹ wẹn vẹ oni wẹn. Ohwo ro ta ota omiomiovwi kpahe ọsẹ eyẹ oni rọye e jo ghwu.

Matiu 15:6

Yẹ ohwo yena gbe vwẹ ọghọ kẹ ọsẹ eyẹ oni rọye ọfa-a. Ovwan da vwẹ uruemu rẹ ovwan gbe urhi rẹ Ọghẹnẹ ku.

Iruo rẹ Iyinkọn na 4:19

Ẹkẹvuọvo Pita kugbe Jọn da kpahe kẹ ayen, o de fo vwẹ obaro rẹ Ọghẹnẹ ra vwo kerhọn rẹ ovwan jẹ Ọghẹnẹ vwo, ovwan ọvo gbe brorhiẹ nana.

Iruo rẹ Iyinkọn na 5:29

Ẹkẹvuọvo Pita kugbe otu rẹ iyinkọn na da kpahe nẹ, Avwanre se mu ọghọ kẹ Ọghẹnẹ nọ ihwo rẹ akpọ.