Matiu 15:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kidie Ọghẹnẹ tare nẹ, Vwẹ ọghọ kẹ ọsẹ wẹn vẹ oni wẹn. Ohwo ro ta ota omiomiovwi kpahe ọsẹ eyẹ oni rọye e jo ghwu.

Matiu 15:4 ပူးပေါင်းရင်းမြစ်များ

Ẹyano 20:12

Mu ọghọ kẹ ọsẹ wẹn vẹ oni wẹn, rere ẹdẹ wẹn vwo gro vwẹ otọ rẹ Ọrovwohwo Ọghẹnẹ wẹn vwọ kẹ wẹ na.

Ẹyano 21:17

Ohwo rọ harhe ọsẹ eyẹ oni rọye ka teyọ hwe.

Isẹ 20:20

Ohwo da harhẹ ọsẹ eyẹ oni rọye, urhukpẹ rọye ko che fun ghene vwẹ evun rẹ ebri hwi.

Isẹ 23:22

Kerhọn rẹ ọsẹ ro vwiẹ wẹ, wọ jẹ oni wẹn fia siẹ rọ da ghwo nu-u.

Isẹ 30:17

Ẹro rọ vwẹ ọsọmọ jehwẹ rẹ ọjẹfia jo mu ọghọ kẹ oni rọye-e, okpemu rọ dia evun rẹ iyara cha sọhrọ, ekala ke cha riọ.

Aizaya 8:20

Uyono na kugbe iseri na keye ayen bru ra! omuẹro kidie ota nana rayen tare na o gbi vwo ọke erhie kẹ aye-en.

Livitikọs 19:3

Ovwan ejobi mu ọghọ kẹ Ọsẹ vẹ oni rẹ ovwan re wa yọnrọn urhi rẹ ẹdidjala mẹ na. Mẹvwẹ Ọrovwohwo rẹ Ọghẹnẹ rẹ ovwan.

Livitikọs 20:9

Kidie ohwo kohwo ejobi rọ harhe ọsẹ eyẹ oni rọye ke hwe kufia; Ọ harhe ọsẹ vẹ oni rọye, vwẹ otiọye na ọbara rọye kọ dia uyovwi rọye.

Matiu 15:3

Ọ da kpahe ọ da ta kẹ ayen nẹ, Die ovwan vwo gbe urhi rẹ Ọghẹnẹ kuẹ vwi fiki rẹ uruemu rẹ ovwan?

Matiu 15:5

Ẹkẹvuọvo ovwan tare nẹ, Kohwo kohwo rọ ta kẹ ọsẹ eyẹ oni rọye nẹ, Erere rẹ ovwan a mrẹ vwẹ obọmẹ jovwo, me vwerọ kẹ Ọghẹnẹ.

Matiu 19:19

Vwẹ ọghọ kẹ ọsẹ wẹn vẹ oni wẹn rere wọ rha guọnọ ọrivẹ wẹ kirobo wọ guọnọ oma wẹn.

Matiu 4:10

Etiyin Jesu da ta kẹ nẹ, Wan nẹ obaro mẹ, Ẹdjo na; Kidie e siro nẹ, Ọrovwohwo Ọghẹnẹ ọye wo shiguẹ kẹ, ọye ọvo wo je ga.

Ọbe ri Pọl si rhe Ihwo ri Rom 3:31

Kẹ avwanre vwi fiki rẹ esegbuyota phan urhi na? Kaka vwo! Vwẹ owọ ọfa, avwanre ke yọnrọn urhi na.

Ẹfesọs 6:1

Emọ na, we mu ọghọ kẹ esẹ vẹ ini rẹ ovwan vwẹ evun rẹ Ọrovwohwo, kidie ọna ri shehọ.

Urhi Rivẹ 27:16

Ekan kẹ ohwo ro mu ọghọ kẹ ọsẹ eyẹ oni rọye-e. Ihwo na ejobi Me kpahe tanẹ, Isẹ.

Urhi Rivẹ 5:16

Vwẹ ọghọ kẹ ọsẹ wẹn vẹ oni wẹn, kirobo rẹ Ọrovwohwo Ọghẹnẹ wẹn jiji kẹ wẹ; rere ẹdẹ wẹn vwo gro, ro vwo yovwi kẹ wẹ vwẹ otọ rẹ Ọrovwohwo Ọghẹnẹ wẹn na vwọ kẹ wẹ.