Matiu 14:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Fikiridie Jọn sen kẹ nẹ, o fori wọ vwọ reyọ aye rẹ oniọvo wẹ vwọ rọvwọ-ọ.

Matiu 14:4 ပူးပေါင်းရင်းမြစ်များ

2 Samuẹl 12:7

Natan da ta kẹ Devid, Wẹ ohwo na. Enẹ Ọrovwohwo tare, Ọghẹnẹ rẹ Izrẹl. Me vwẹ owẹ mu ovie vwẹ enu rẹ Izrẹl, Mi de si we nẹ obọ ri Sọl;

1 Ivie 21:19

Ku wọ ta kẹ, E nẹ Ọrovwohwo tare, Wo hwe nure, ku wọ ra reuku? Ku wọ ta kẹ, E nẹ Ọrovwohwo tare Vwẹ asan re eranko da rare ọbara ri Nabọt etiyin ọ da je rare ọbara wẹn.

Isẹ 28:1

Orumwemwu de djẹ yẹ ohwo ọvuọvo vwọ tua-a, ẹkẹvuọvo udu rẹ ọvwata epha kokoroko kerẹ okpohrokpo.

Isẹ 28:4

Ihwo ri gbẹ urhi eye ri jirẹ oruimwemwu, ẹkẹvuọvo ihwo re yọnrọn urhi eye nene otu rẹ iruimwemwu họnra.

Aizaya 8:20

Uyono na kugbe iseri na keye ayen bru ra! omuẹro kidie ota nana rayen tare na o gbi vwo ọke erhie kẹ aye-en.

Jerimaya 34:6

Jerimaya rẹ ọmraro na da ta eta nana kẹ Zẹdikaya ovie ri Juda, vwi Jerusalẹm,

Livitikọs 18:16

Wọ mrẹ ẹban rẹ aye rẹ oniọvo wẹ-ẹn; ọye ẹban rẹ oniọvo wẹn.

Livitikọs 20:21

Ọshare da reyọ aye rẹ oniọvo rọye, ọye obo ri jẹfuọn; yẹ ọ mrẹ ẹban rẹ oniọvo rọye, ẹgan kọye ayen dia bẹdẹ.

Iyẹnrẹ Esiri ri Mak 6:18

Kidie Jọn ta kẹ Herọd nẹ, O fori rere ọ wọ reyọ aye re oniọvo rọye-e.