Matiu 12:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ẹkẹvuọvo ọke rẹ otu ri Farisi vwọ mrẹ, ayen da ta kẹ nẹ, Nighe idibo wẹn ruẹ obo ri jefo vwẹ edidjala.

Matiu 12:2 ပူးပေါင်းရင်းမြစ်များ

Ẹyano 23:12

Ẹdẹ esan wo vwo ru iruo wẹn, ẹkẹvuọvo ẹdẹ righwrẹn ku wo rovwo oma; rere erhuẹn wẹn vẹ ekẹtẹkẹtẹ wẹn vwo rovwo oma, rere ọmọshare rẹ ọviẹn aye wẹn, vẹ ọrhorha wẹn vwọ mrẹ asan de ku ẹnwẹ.

Ẹyano 35:2

Ẹdẹ esan we vwo ru iruo, ẹkẹvuọvo ẹdẹ rẹ ighwrẹn na kẹ we vwo edidjala ọfuanfon rẹ omaerovwo kẹ Ọrovwohwo, kohwo kohwo ro ru oka rẹ iruo vwẹ evun rọye kẹ hwe;

Aizaya 58:13

Ọ da dianẹ wo chuko wẹ ku ẹdidjala na, wo de gbobọnyẹ avwerhe wẹn vwẹ ẹdẹ ọfuanfon mẹ na, wo de se ẹdidjala na ẹdẹ avwerhe, ẹdẹ ọfuanfon rẹ Ọrovwohwo na ẹdẹ rẹ ọghọ; wo de mu ọghọ kẹ, wo rhe nene idjerhe rẹ obọ wẹ-ẹn eyẹ wọ rha guọnọ avwerhe rẹ obọ wẹ-ẹn, wo de gbe ikun ogbigbigbe-e,

Matiu 12:10

Nighe ohwo ọvo ro ghwobo hẹ etiyin. Ayen da nọ nẹ, ofori re vwo sivwi ohwo vwẹ edidjala? rere ayen vwọ mrasan muo.

Matiu 12:3

Ẹkẹvuọvo ọ da ta kẹ ayen nẹ, Ovwan ji se-e, obo ri Devid ruru vwẹ ọke rẹ owevwe vwo hwe kugbe ikru rọye-e;

Iyẹnrẹ Esiri ri Mak 2:24

Farisi na da ta kẹ, Nughe, die idibo wẹn vwo ruẹ obo ri jefo vwẹ ẹdidjala na?

Iyẹnrẹ Esiri ri Luk 14:3

Jesu da ta ota kẹ eriẹn urhi kugbe Farisi, tanẹ, O fori re vwo sivwi vwẹ ẹdidjala, eyẹ ẹjo?

Iyẹnrẹ Esiri ri Luk 23:56

Etiyin ayen de rhivwi kpo, re chere ori kugbe ishani ri gbo ọnrhe ororo. Vwẹ ẹdidjala na ayen de rovwoma kirobo rẹ urhi epha.

Iyẹnrẹ Esiri ri Luk 6:2

Ẹkẹvuọvo ẹvo vwẹ usun ri Farisi na da ta, Die ovwan vwo ru obo ri je fo vwẹ ẹdidjala?