Matiu 11:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ọ da ta kẹ nẹ, Wẹ ọ ro cha na, gbinẹ ohwo ọfa?

Matiu 11:3 ပူးပေါင်းရင်းမြစ်များ

Jẹnẹsis 12:3

Ki mi bruba kẹ ihwo ri bruba kẹ wẹ, oro harhe owẹ ke Me harhọ; vwẹ oma wẹn irere rẹ akpọ na ejobi de vwo ebruphihọ kẹ oma rayen.

Jẹnẹsis 3:15

Ki mi phi eghrẹ phihọ uvwre wẹn vẹ ọ rẹ aye na, Te uvwre rẹ emọ wẹn vẹ erẹ aye na, kọ ghwiẹ wẹ uyovwi, ku wọ rhovwọ uchukowọ.

Jẹnẹsis 49:10

Ọkpọ na rhe se ni Juda-a, eye ọkpọ rẹ osun na rhe se nẹ agada rọyee, bẹsiẹ ro che vwo te obọ rẹ ohwo ro viri, kọye ihwo na ejobi che mu ọghọ ke.

Une rẹ Ejiro 118:26

Ebruphihọ kẹ ohwo rọ ro uwevwi vwẹ odẹ rẹ Ọrovwohwo na! Avwanre bruba kẹ wẹ nẹ uwevwi re Ọrovwohwo na rhe

Aizaya 7:14

Fiki rẹ ọtiọye na Ọrovwohwo ọvo kọye cha vwẹ oka kẹ wẹn. Nighe, eghene aye cha mrevun, ko che vwiẹ ọmọ, ke se odẹ rọye Imanuẹl.

Hosia 3:5

Ukoko rọye emọ rẹ Izrẹl ki rhivwi rhe rhe guọnọ Ọrovwohwo rẹ Ọghẹnẹ rayen, kugbe Devid rẹ ovie rayen, ayen ki bru Ọrovwohwo rhe vẹ oshọ kugbe ughwẹ rẹ esiri rọye vwẹ ukoko rọye.

Ọbe rẹ Ọmraro Ọbadaya Obadaya 1:21

Ihwo re rhọre ki che kpo obo Ugbenu ri Zayọn re sun Ugbenu rẹ Isọ; uvie na kọ cha dia ọ rẹ Ọrovwohwo.

Maika 5:2

Ẹkẹvuọvo wẹ, E Bẹtlẹhẹm Efrata, wẹ re ma hanvwe vwẹ usun rẹ uvwiẹ ri Juda, oma wẹ ọye ohwo ọvo che nurhe kẹ vwẹ rọ cha dia osun vwẹ Izrẹl, ohwo rọ herọ nẹ awanre rhe, nẹ ọke re rhabae rhe.

Hegae 2:7

ki mi kpogho ẹgborho na ejobi, rere a vwọ ghwẹ efe rẹ ẹgborho na ejobi rhe, ke me cha ghwa urinrin vọn uwevwi nana, eriyin Ọrovwohwo rẹ otuofovwi na tare.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Ukeri 24:17

Me mrẹrẹ, ẹkẹvuọvo yọ dia asakiephana-a, mi niro ẹkẹvuọvo o si kẹrẹ-ẹ isio ọvo che nẹ oma ri Jekọp rhe ọkpọ ọvo che nẹ evun rẹ Izrẹl rhe; Kọ cha guọghọ uyovwi ri Moab, ko che vwirhi emọ ri Shet kuotọ.

Matiu 11:10

Ọnana hẹ ohwo na, re siro kpahe nẹ, Nighe mi ji ikọn mẹ ka obaro kẹ wẹ, Ọ rọ rhuẹrẹ idjerhe wẹn.

Matiu 11:4

Jesu da kpahe kẹ ayen ọ da ta, Yanran re ovwan ra vuẹ Jọn emu rẹ ovwan mrẹre kugbe ọ rẹ ovwan nyori;

Matiu 21:5

Ta kẹ ẹmẹtẹ ri Zayọn, Nighe, ovie rẹ ovwan bru ovwan cha, Fuefu, ọ rọ gua vwẹ enu rẹ ẹkẹtẹkẹtẹ, upene rọyẹ.

Matiu 21:9

Usun rẹ ihwo ri nenire vwẹ obaro vẹ obuko, de kuvwie, Hozana kẹ Ọmọ ri Devid; Ebruphihọ kẹ ohwo rọ rhere vwẹ odẹ rẹ Ọrovwohwo; Hozana vwẹ asan ro kpenu.

Iyẹnrẹ Esiri ri Mak 11:9

Otu re yan ka obaro, kugbe i ri nene vwẹ obuko, de kperi Hozanna; Ebruphihọ kẹ ohwo rọ cha vwẹ odẹ rẹ Ọrovwohwo.

Iyẹnrẹ Esiri ri Luk 19:38

tanẹ, Ebruba kẹ Ovie rọ cha vwẹ odẹ rẹ Ọrovwohwo! Ufuoma vwẹ odjuvwu urinrin vwẹ asan ro kpenu!

Iyẹnrẹ Esiri ri Jọn 11:27

Ọ da ta kẹ, E, Ọrovwohwo; mi segbuyota nẹ wẹ hẹ Kristi na, Ọmọ rẹ Ọghẹnẹ na, ọye hẹ ọ rọ cha akpọ na.

Iyẹnrẹ Esiri ri Jọn 12:13

Ọtiọye na ayen da reyọ ewanvwe rẹ iriẹ ayen da yanran ra vwa, ayen de kuvwie, Hozana, Ebruba kẹ ọ rọ cha vwẹ odẹ rẹ Ọrovowhwo, mrẹmrẹ ọye hẹ Ovie rẹ Izrẹl.

Iyẹnrẹ Esiri ri Jọn 16:14

Ọ cha vwẹ urinrin kẹ vwẹ, kidie ọ cha reyọ ọmẹ ọ me rha vwọ phia kẹ ovwan.

Iyẹnrẹ Esiri ri Jọn 4:21

Jesu da ta kẹ, Aye, se vwe gbuyota, ọke cha re de jẹ ugbenu nana eyẹ Jerusalẹm a da ga Ọsẹ na.

Iyẹnrẹ Esiri ri Jọn 6:14

Ọke rẹ ihwo na vwọ mrẹ oka nana rọ ruru, ayen da ta, Uyota ọnana gbine ọmraro na rọ cha akpọ na.

Iyẹnrẹ Esiri ri Jọn 7:31

Yẹ ihwo na buebu sere gbuyota; ayen da ta, Ọke rẹ Kristi na da rhe, ko che ru eka re nọ ọ rẹ ohwo nana ruẹ na?

Hibru 10:37

Kidie ọmọke krẹn, ọ rọ cha rhe na kọ cha rhe o che kri-i;