Matiu 11:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Kidie Jọn ri Baptist rhere, ọ re emuọvo-o, ọ da emuọvo-o, yẹ ovwan tare nẹ, o vwo idẹbono.

Matiu 11:18 ပူးပေါင်းရင်းမြစ်များ

Ivie rẹ Ivẹ 9:11

Ọke ri Jehu vwọ ro otafe bru idibo rẹ ọrovworo rhe, ayen da ta kẹ, Arherha? Die nẹrhẹ ọrhuẹ nana bru we rhe? Ọ da ta kẹ ayen, Wọ riẹn ohwo nana vẹ ota rọye.

Jerimaya 15:17

Mi tidia vwẹ ukoko re otu re ghọghọ-ọ, me je ghọghọ-ọ; mẹvwẹ ọvo ri tidia, kidie obọ wẹn ọ he enu mẹ, kidie wẹ ghwa ophu vọn vwẹ evun.

Jerimaya 29:26

Ọrovwohwo na vwo vwẹ mu orherẹn vwẹ ẹdia rẹ Jehoiada rẹ orherẹn na, wo vwo mu vwẹ uwevwi rẹ Ọrovwohwo na vwe enu rẹ ọrhuẹ kọrhuẹ rọ mraro ejobi, re wọ vwẹ igoni vẹ ọghrọrọ gba.

Hosia 9:7

Ẹdẹ rẹ ojẹriọ na rhire, ẹdẹ rẹ osa ẹ hwa tere Izrẹl cha riẹn. Ọmraro na vwonẹ ẹkpa, ohwo rẹ erhi rheri yọ mwa orhuẹ, fiki rẹ orukuruku rode wẹn kugbe omaetuo rode.

Matiu 10:25

Oyoma re odibo họhọ onini rọye, re oviẹn je họhọ ọrovworo. Ayen de se o ro vwo uwevwi Bẹlzibọl, komavo e ru ikru rọye.

Matiu 11:17

ayen me ta nẹ, mi hworo owanre kẹ ovwan yu we se gbe eha-a, avwanre viẹre we se muomahọ-ọ;

Matiu 3:4

Jọn ku ewun rẹ ophiẹn ri kamẹl phihọ, ọ da vwẹ umuamwa rẹ ophiẹn mu ehu; ọ da re ebaka kugbe enyọn re djoma.

Matiu 9:34

Ẹkẹvuọvo otu ri Farisi na da ta nẹ, Ogangan ri osun rẹ idẹbono ọ vwo djẹ idẹbono phia na.

Iyẹnrẹ Esiri ri Mak 3:22

Isiẹbe ri nẹ Jerusalẹm rhe da ta nẹ, o vwo Bẹlzibọb, kugbe ogagan rẹ ọmọ rẹ ovie rẹ idẹbono ọ vwọ djẹ idẹbono phia na.

Iyẹnrẹ Esiri ri Luk 1:15

Kidie ọ cha rho vwẹ obaro rẹ Ọrovwohwo, ọ cha da wain yẹrẹ udi ọganga-an, kọ cha vọn vẹ Erhi Ọfuanfon, mrẹmrẹ nẹ evun rẹ oni rọye rhe.

Iyẹnrẹ Esiri ri Jọn 10:20

Ayen buebu da ta, O vwo idẹbono, ọ je honvwa orhuẹ; die wa vwọ kerhọn rọye?

Iyẹnrẹ Esiri ri Jọn 7:20

Ihwo na da kpahe, Wo vwo idẹbono! Kono re guọnọ owẹ hwe?

Iyẹnrẹ Esiri ri Jọn 8:48

Ihwo ri Ju da kpahe kẹ, Avwanre rha ta uyota rẹ avwanre vwọ tanẹ wẹ ohwo ri Sameria nẹ wo vwo idẹbono?

Iyẹnrẹ Esiri ri Jọn 8:52

Ihwo ri Ju da ta kẹ, Asakiephana avwanre riẹnre nẹ wo vwo idẹbono. Ebraham ghwuru, ọtiọye je hẹ emraro na; yu wọ ta nẹ, Ohwo da sẹro rẹ eta mẹ, ọ gbe davwe ughwu bẹdẹ-ẹ

Iruo rẹ Iyinkọn na 26:24

Ọke ro vwo guẹ ẹkẹn unu rọye, Fẹstọs da van ta, Pọl, wọ mwa orhuẹ; erianriẹn wẹn rode na phi we phihọ ọrhuẹ re.

1 Kọrẹnt 9:27

ẹkẹvuọvo me nyẹ oma mẹ mi mi vwo kpotọ, ọ gbe dia ọtiọye-e ọke ri mi de ghwoghwo kẹ ihwo efa nu me da rha dia ọ ra djẹ ku fia.