Matiu 10:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ẹkẹvuọvo wa yanran bru igegede mẹ, emọ Izrẹl ri ghwruru na.

Matiu 10:6 ပူးပေါင်းရင်းမြစ်များ

Une rẹ Ejiro 119:176

Mi ghwruru kerẹ ogegede ro ghwruru, guọnọ odibo wẹn, kidie irhi wẹn chọrọ ovwẹ ẹro-o.

Aizaya 53:6

Avwanre ejobi kerẹ igodẹ suoso ghwru, dohwo didjerhe rọye vwo gbe, Ọrovwohwo dẹ kru nyẹ oghwa rẹ orukuruku rẹ avwanre ejobi.

Jerimaya 50:17

Izrẹl kerẹ ogegede ra rhẹrẹ rẹ ikpohrokpo vwọ tua. Ẹsosuọ ovie rẹ Asiria re rerọ, vwẹ asakiephana kẹ Nebukadreza ovie ri Babilọn kẹ ọye rha gbẹrhiẹn ibeku rọye.

Jerimaya 50:6

Ihwo mẹ rhe dia kerẹ igegede ri ghwruru, isuigegede rayen sun ayen ghwru, ayen ku ayen rhẹriẹ vwẹ enu rẹ igbenu, nẹ ugbenu ride kpo ugbenu otete ayen yan ra, ogba rayen chọrọ ayen ero.

Izikiẹl 34:16

Ke me guọnọ i ri ghwruru, i ri suosuo ghwru ke me vwẹ ayen rhivwi rhe, e rẹ awọ rayen vwirhiri ke me gba ayen, e rẹ oma rhọ ke me kẹ ayen ogangan, e re pha tubie tubie kugbe e re oma rayen ganre ke me rhẹrẹ ayen; ke me ghẹrẹ ayen vwẹ uyoyovwi.

Izikiẹl 34:4

Ọ rẹ oma ghwọre wọ vwẹ ogangan kẹ-ẹ, ọ rọ mwa ọga wo sivwiro-o, ọ ro vwirhi owọ wọ gbarọ-ọ, ọ ro suosuo ghwru wọ guọnerọ rhe-e, ọ ro ghwruru wọ ra guọnọ-ọ, obọ ọgangan rẹ omẹdja wo vwo sun ayen.

Izikiẹl 34:6

Igegede mẹ na da hra, ayen de beghe wan igbenu ride vẹ ltete, igegede mẹ na da hra nene enu rẹ otọ na ejobi, o rhe vwo ohwo ọvuọvo rọ guọnọ ayen phia-a.

Izikiẹl 34:8

Kirobo re me herọ na, eriyin Ọrovwohwo Ọghẹnẹ tare, fikiridie igegede mẹ rhi hirhe phihọ eranvwe re hwe ria, rẹ igegede mẹ de rhi hirhe phihọ emuọre kẹ eranvwe re djoma, re ayen rhe vwo osuigegede na-a, kugbe fiki robo rẹ isuigegede mẹ rha guọnọ igegede mẹ phia-a, ẹkẹvuọvo kẹ omaobọ rayen kọye ayen ghẹrẹ, rẹ ayen gbe ghẹrẹ igegede mẹ-ẹ na,

Matiu 18:10

Wo jẹ ọvo rẹ imitete na fia-a, fikiridie emakashe rẹ emọ na i mudia vwẹ obaro rẹ Ọghẹnẹ Ọsẹ rẹ avwanre rọ hẹ obo odjuvwu.

Matiu 18:11

Kidie Ọmọ rẹ ohwo rhi sivwi otu ri ghwruru.

Iyẹnrẹ Esiri ri Luk 24:47

nẹ ekuorhẹriẹ vẹ evwoghovwo rẹ imwemwu keye e ghwoghwo vwẹ odẹ rọye kẹ ẹgborho na ejobi, ki Jerusalẹm a da tuọphihọ.

Iruo rẹ Iyinkọn na 13:46

Pọl kugbe Banabas da gbaudu, ta ota tanẹ, O fori ra ka vwọ ta ota rẹ Ọghẹnẹ na kẹ ovwan. Rẹ ovwan vwo gere ota na nẹ oma na, rẹ ovwan vwọ vwẹ oma rẹ ovwan guẹdjọ nẹ ovwan fo ihwo rẹ arho ri bẹdẹ na-a, nighe avwanre ki hirhe bru ihwo ri Keferi ra.

Iruo rẹ Iyinkọn na 18:6

Ọke rẹ ayen vwọ phra vwo djekan, o de tuetue iwun rọye ọ da ta kẹ ayen, Ọbara rẹ ovwan dia iyovwi rẹ ovwan! Abọ mẹ fonro. Kẹ ọke na yanran ki mi bru ihwo ri Keferi ra.

Iruo rẹ Iyinkọn na 26:20

ẹkẹvuọvo ki mi ke ghwoghwo vwi Damaskọs, o ki rhi te Jerusalẹm ra wan orho ri Judia ejobi, kugbe otu ri Keferi rhe, rere ayen kurhẹriẹ bru Ọghẹnẹ rhe re ayen ru uruemu ro fori kẹ ekuorhẹriẹ rayen.

Iruo rẹ Iyinkọn na 3:26

Ọke rẹ Ọghẹnẹ vwọ kpare odibo rọye na vrẹn nu, o de ke jo bro ovwan rhe, ọ da kẹ ovwan ebruphihọ rere ovwan ohwo ọvuọvo vwo kurhẹriẹ nẹ imwemwu rẹ ovwan.

1 Pita 2:25

Kidie ovwan ghwrẹ jovwo kerẹ igegede, ẹkẹvuọvo asakiephana ovwan rhivwi bru Osuigegede kugbe Ọrhẹrotọ rẹ ẹnwẹn rẹ ovwan re.