Matiu 10:41 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴¹ Ọ rọ reyọ ọmraro vwẹ odẹ rẹ omraro, ko vwo osa rẹ omraro. Ohwo ro reyọ ọvwata vwẹ odẹ rẹ ọvwata ko vwo osa rẹ ovwata.

Matiu 10:41 ပူးပေါင်းရင်းမြစ်များ

Jẹnẹsis 20:7

Gba vwẹ aye rẹ ohwo na vwọ kẹ; fikiridie ọmraro o ruẹ, kọ nẹ ẹrhovwo kẹ wẹ, kọye wọ rhọre. Ẹkẹvuọvo wọ rha vwọ kẹ-ẹ, gba riẹn tanẹ ughwu kọye wo ghwu, wẹ kugbe ekru wẹn ejobi.

Aizaya 3:10

Ta kẹ evwata nẹ oyovwi kẹ ayen, fikiridie ayen cha re emamọ rẹ uruemu rayen

Matiu 16:27

Kidie ọmọ rẹ ohwo cha rhe vwẹ urinrin rẹ Ọsẹ rọye kugbe emakashe rọye; kọ cha hwa osa kẹ ohwo ọvuọvo kirobo rẹ iruo rọye teri.

Matiu 25:44

Ayen ke kpahe ta nẹ, Ọrovwohwo, ọkevọ me vwọ mrẹ wẹ rẹ owevwe hwe, eyẹ rẹ urhuru rẹ ame hwe, eyẹ ọrhorha, eyẹ rẹ ọ banphihọ, eyẹ rẹ ọ mua ọga eyẹ rọ hẹ uwodi ri mi ru emu ọvuọvo kẹ wẹ-ẹ?

Matiu 25:45

Kọ ta kẹ ayen nẹ, Uyota me ta kẹ ovwan, kirobo we ruro kẹ ohwo ọvo vwẹ usun rẹ imoni mẹ na-a, we ruro kẹ vwẹ-ẹ.

Matiu 6:1

Jomaotọ, wo ru ẹse wẹn vwẹ irharo rẹ ihwo-o, rere ayen vwọ mrẹ wẹ-ẹ, ọ da dia ọtiọye wọ gbi se vwo osa vwẹ obaro rẹ ọsẹ rọ hẹ obo odjuvwu-u.

Matiu 6:18

Rere ihwo vwo jẹ riẹn nẹ wo chirẹ owẹvwe, jokpa rẹ ọsẹ wẹn rọ mrẹ orẹ vwẹ odjahọ; rere Ọsẹ wẹn rọ mrẹ orẹ vwẹ odjahọ na, sa hwa osa kẹ wẹ vwẹ azagba.

Matiu 6:4

Ovwan me bẹbẹ ru ẹse rẹ ovwan; rere ọsẹ rẹ ovwan rọ mrẹ orẹ vwẹ odjahọ vwọ hwa osa kẹ ovwan vwẹ azagba.

Matiu 6:6

Ẹkẹvuọvo ovwan da nẹ ẹrhovwo, wa ro uvun rẹ ovwan, we de bi ẹchẹ gbe nu, gba rẹ ọsẹ rẹ ovwan rọ hẹ odjahọ, re ọsẹ rẹ ovwan rọ mrẹ orẹ vwẹ ehoho ye, kọ hwa osa kẹ wẹ vwẹ azagba.

Matiu 7:8

Kidie ohwo kohwo rọ nọre kọ mrẹ, ọ rọ guọnọre ko vwo, ọ ro hworo ẹchẹ ke rhie kẹ.

Iruo rẹ Iyinkọn na 16:15

Ọke ra vwọ vwẹ ame kẹ kugbe evwrumwevwi rọye nu, ọ da rẹ avwanre nẹ, ọ da dianẹ ovwan reyọ ovwẹ phihọ ohwo ro se Ọrovwohwo gbuyota, ovwan gba rhe dia uwevwi mẹ o de sivwi avwanre rẹyo. Ota roye da ro avwanre.

Ọbe ri Pọl si rhe Ihwo ri Rom 16:23

Gaeọs, ri mi won phihọ uwevwi rọye na, rẹ ishoshi na ejobi ji won na, yere ovwan.

1 Kọrẹnt 9:17

Ọ da dianẹ ọhọrobọ mẹ mi vwo ruo, ki mi vwo osa; ẹkẹvuovo ọ rha dia ọhọrobọ mẹ-ẹ, ọye kẹ uwevwi re ji vwe.

Hibru 6:10

Kidie Ọghẹnẹ dia orharhe rẹ ohwo ro jẹ iruo esiri kugbe ẹguọnọ rẹ ovwan vwo kẹ odẹ rọye ẹkarohọ, ri we ru kẹ ihwo efuanfon na fiki rọye, kirobo rẹ ovwan ji ruẹ na.

2 Jon 1:8

We ni oma rẹ ovwan so, rere obo rẹ ovwan wian phihọ na vwo je ghwro, ẹkẹvuọvo rere ovwan vwo se vwo osa na gba.