Matiu 1:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Uzaiya kọye ọsẹ ri Jotam, Jotam kọye ọsẹ rẹ Ahaz, Ahaz kọye ọsẹ ri Hẹzikaya,

Matiu 1:9 ပူးပေါင်းရင်းမြစ်များ

Ivie rẹ Ivẹ 15:32

Vwẹ ukpe rivẹ ri Peka ọmọ ri Remalaya, ovie ri Izrẹl, Jotam ọmọ rẹ Uzaya, ovie ri Juda de mu uvie phihọ ẹriọ.

Ivie rẹ Ivẹ 15:7

Azaraya da rha vwerhẹ kugbe esẹ rọye, e de sho kugbe esẹ rọye vwẹ orere ri Devid, Jotam ọmọ rọye da rhe re vwẹ ẹdia rọye.

2 Ikun rẹ Ivie 26:21

Ovie Uzaya kẹ ọhọnvwoti re te ẹdẹ rẹ ughwu rọye, rọ vwọ dia ọhọnvwoti na uwevwi rẹ obọ rọye sa kọye ọ diare, kidie a djẹrẹ nẹ uwevwi rẹ Ọrovwohwo na. Joram ọmọ rọye kọye e phihọ evwruwevwi rọye, ro sun ihwo rẹ otọ na ejobi.

2 Ikun rẹ Ivie 27:1

Joram da dia ikpe uje gbe iyori ọ ghwo te ọke ro vwo mu phihọ ẹriọ, ọ da re ikpe ihwe gbe esan vwi Jerusalẹm. Odẹ rẹ oni rọye ki Jerusha ọmọtẹ ri Zadọk.

Matiu 1:10

Hẹzikaya kọye ọsẹ ri Manase, Manase kọye ọsẹ rẹ Emọs, Emọs kọye ọsẹ ri Josaya,

Matiu 1:8

Asa kọye ọsẹ ri Jehoshafat, Jehoshafat kọye ọsẹ ri Joram, Joram kọye ọsẹ rẹ Uzaiya,