Matiu 1:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Re rhi vwo mu ayen kpo imu vwi Babilọn nu, Jekonaya ọsẹ ri Shitiẹl, Shitiẹl kọye ọsẹ ri Zerubabẹl,

Matiu 1:12 ပူးပေါင်းရင်းမြစ်များ

Ivie rẹ Ivẹ 24:14

Ọ da kua Jerusalẹm ejobi, vẹ isun na, kugbe ẹgba rẹ eshare na ejobi, ighuvwu uriori ihwe, kugbe ewena rẹ eshare vẹ ihwo ri duvwẹ owanre; ọvuọvo chekọ-ọ, jokpa rẹ igbere gangan rẹ otọ na.

Ivie rẹ Ivẹ 25:27

Vwẹ ẹdẹ uje gbẹ ighwrẹ re emeranvwe rihwe gbẹ ivẹ rẹ ukpe rọgban gbẹ ighwrẹ ri Jehoyakin ovie ri Juda vwọ ijọpha, Ivomerodak ovie ri Babilọn da vwẹ ẹnwẹ esiri si Jehoyakin nẹ imu vwẹ evun rẹ ukpe yena rọ vwọ to uvie ẹriọ phihọ na.

1 Ikun rẹ Ivie 3:17

kugbe emọ rẹ emeshare ri Jekonaya re muru: Sheatiẹl ọmọ rọye rẹ ọshare,

Ezra 3:2

Etiyin Jeshua rẹ ọmọ ri Jozadak de vrẹn, kugbe irivẹ rọye re hẹ irherẹn, kugbe Zerubabẹl rẹ ọmọ rẹ Shealtiẹl vẹ imoni rọye, ayen da tọn agbada rẹ izobo rẹ Ọghẹnẹ rẹ Izrẹl, rere ayen vwo ze izobo rẹ ẹtorhẹ vwẹ enu rọye kirobo re siro phihọ urhi ri Mosis ohwo rẹ Ọghẹnẹ.

Ezra 5:2

Etiyin Zerubabẹl omọ ri Shealtiẹl kugbe Jeshua ọmọ ri Jozadak de vrẹn, ayen ke rhoma bọn uwevwi rẹ Ọghẹnẹ rọ hẹ obi Jerusalẹm, emraro rẹ Ọghẹnẹ, de mudia kẹrẹ ayen re cha ayen uko.

Nehemaya 12:1

Enana hẹ irherẹn kugbe ihwo ri Livae ri vi Zerubbabẹl ọmọ ri Shealtiel gba rhe, kugbe Jeshua, Seraya, Jerimaya, Ẹzra,

Jerimaya 22:24

Obo me herọ na, eriyin Ọrovwohwo tare, owenẹ Konaya ọmọ ri Jehoiakim, ovie ri Juda, dia ubiosa rẹ obọrhe mẹ dede, me je bẹrẹ owẹ kufia ghene.

Jerimaya 22:28

Ohwo nana Konaya na, ochẹ ro fi emuọvo-o ro ghwuru, ochẹ ra vwẹ ẹro te-e? Die sorọ evwo do vẹ emọ rọye kufia kpo otọ re ayen riẹnre-e?

Jerimaya 22:30

Enẹ Ọrovwohwo tare: Si ohwo nana phihọ otọ kere ẹgan, ohwo ro che yovwẹ kẹ vwẹ ẹdẹ rọye ejobi-i, kidie ọmọ rọye ọvuọvo cha dia ẹdia rọye-e vwo tidia ekete ri Devid, vwọ rhoma re uvie vwi Juda.

Jerimaya 27:20

E rẹ Nebukadreza ovie ri Babilọn kua yanra-an na, ọke ro vwo mu Jekonaya ọmọ ri Jehoyakim, ovie ri Juda, vẹ ikpihwo ri Juda vẹ Jerusalẹm ejobi nẹ Jerusalẹm kpo imu vwi Babilọn.

Hegae 1:1

Vwẹ ukpe rivẹ ri Dariọs ovie na, vwẹ emeranvwe resan rọye vwẹ ẹdẹ rẹsosuọ rẹ emeranvwe na, ota rẹ Ọrovwohwo na da wan oma ri Hegae rẹ ọmraro na bru Zerubabẹl rhe ọmọ ri Shealtiẹl, osun ri Juda, kugbe Joshua rẹ ọmọ ri Jehozadak, rẹ orherẹn rode na,

Hegae 1:12

Etiyin Zerubabẹl rẹ ọmọ ri Sealtiẹl, kugbe Joshua rẹ ọmọ ri Jehozadak, rẹ orherẹn na, vẹ umuku rẹ ihwo ri chekọ na ejobi, de mu ọghọ kẹ urhuru rẹ Ọrovwohwo Ọghẹnẹ rayen, kugbe eta ri Hegae rẹ ọmraro na, kirobo rẹ Ọrovwohwo Ọghẹnẹ rayen jiro, oshọ rẹ Ọrovwohwo na de mu ihwo na.

Hegae 1:14

Ọrovwohwo da kpare erhi ri Zerubabẹl rẹ ọmọ ri Shealtiẹl, osun ri Juda, kugbe erhi ri Joshua rẹ ọmọ ri Jehozadak, rẹ ọrherẹn rode na, kugbe erhi rẹ umuku rẹ ihwo na ejobi ri chekọ ayen da rhe rhi ru iruo vwẹ uwevwi rẹ Ọrovwohwo rẹ ọtuọfọvwi na, Ọghẹnẹ rayen.

Hegae 2:2

Ta ota asakiephana kẹ Zerubabẹl ọmọ ri Shealtiẹl, osun ri Juda, ji kugbe Joshua ọmọ ri Jehozadak, orherẹn rode na, ji kugbe umuku rẹ ihwo na ri chekọ, tanẹ,

Hegae 2:23

Vwẹ ẹdẹ yena, eriyin Ọrovwohwo rẹ otuofovwi na tare, ke me reyọ owẹ, E Zerubabẹl odibo mẹ, ọmọ ri Shealtiẹl eriyin Ọrovwohwo tare, ki nu ru we kerẹ ubiosa, kidie Me jẹ wẹ reyọ nure, eriyin Ọrovwohwo rẹ otuofovwi na tare.

Matiu 1:11

Josaya kọye ọsẹ ri Jekonaya kugbe imọni rọye, vwẹ ọke rẹ vwo mu ayen kpo imu vwi Babilọn.

Matiu 1:13

Zerubabẹl kọye ọsẹ rẹ Ahiud, Ahiud kọye ọsẹ rẹ Eliakim, Eliakim kọye ọsẹ Azọ,

Matiu 1:17

Ọtiọye na orua na ejobi nẹ Ebraham rhe ri te ọke ri Devid da dia ihwe-ẹne. Nẹ ọke ri Devid rhe ri te ọke rẹ emuo kpo Babilọn da dia orua ihwe-ẹne. Nẹ ọke rẹ emuo kpo Babilọn rhi te ọke ri Kristi da dia orua ihwe-ẹnẹ.

Iyẹnrẹ Esiri ri Luk 3:27

ọmọ ri Joanan, ọmọ rẹ Rhesa, rẹ ọmọ ri Zerubabẹl, rẹ ọmọ ri Shitiẹl, rẹ ọmọ ri Neri,