Matiu 1:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Josaya kọye ọsẹ ri Jekonaya kugbe imọni rọye, vwẹ ọke rẹ vwo mu ayen kpo imu vwi Babilọn.

Matiu 1:11 ပူးပေါင်းရင်းမြစ်များ

Ivie rẹ Ivẹ 23:31

Ikpe uje gbẹ erha Jehoahaz kpako te vwẹ ọke ra vwọ ma ovie, ọ da re uvie emeranvwe erha vwi Jerusalẹm. Odẹ rẹ oni rọye Hamutal, ọmọtẹ ri Jerimaya rẹ Libna.

Ivie rẹ Ivẹ 24:14

Ọ da kua Jerusalẹm ejobi, vẹ isun na, kugbe ẹgba rẹ eshare na ejobi, ighuvwu uriori ihwe, kugbe ewena rẹ eshare vẹ ihwo ri duvwẹ owanre; ọvuọvo chekọ-ọ, jokpa rẹ igbere gangan rẹ otọ na.

Ivie rẹ Ivẹ 25:11

Ihwo ri chekọ vwẹ evun rẹ orere na, vẹ ihwo re djẹ va ovie ri Babilọn abọ jovwo, kugbe umuku rẹ ihwo ra yan jovwo vwẹ evun rẹ orere na, yẹ Nebuzaradan onotu rẹ ohẹrhẹ na mu kpo Ighuvwu.

2 Ikun rẹ Ivie 36:10

Vwẹ ọke evwru vwẹ ukpe yena Ovie Nẹbukadreza de ji ikọn re muo kpo Babilọn, vẹ ekuakua eghaghare re uwevwi rẹ Ọrovwohwo na, o da vwi Zedikaya mu ovie vwẹ enu ri Juda Jerusalẹm.

2 Ikun rẹ Ivie 36:20

Ihwo re vabọ rẹ oda ejobi o de mu ayen kpo Babilọn, ayen da rhe dia eviẹn kẹ vẹ emọ rọye bẹsiẹ uvie ri Pẹsha rhe vwo ghwotọ,

Aizaya 13:1

Aroẹmrẹ rẹ Aizaya rẹ ọmọ rẹ Amọz mrẹ kpahe Babilọn

Jerimaya 27:20

E rẹ Nebukadreza ovie ri Babilọn kua yanra-an na, ọke ro vwo mu Jekonaya ọmọ ri Jehoyakim, ovie ri Juda, vẹ ikpihwo ri Juda vẹ Jerusalẹm ejobi nẹ Jerusalẹm kpo imu vwi Babilọn.

Jerimaya 39:9

Etiyin Nebuzaradan, onotu rẹ ohẹrhẹ na, de mu ihwo ri chekọ vwẹ orere na ighuvwu kpo Babilọn, tẹ ihwo re djẹ bro, vẹ ihwo ri chekọ.

Daniẹl 1:2

Eriyin Ọrovwohwo de phi Jehoiakim, ovie ri Juda phihọ obọ rọye, vẹ ekuakua evo rẹ uwevwi rẹ Ọghẹnẹ, ọ da ghwẹ ayen kpo otọ ri Shina, vwọ kpo uwevwi rẹ ẹdjọ rọye, ọ da ghwẹ ekuakua na phihọ uwevwi rẹ efe rẹ ẹdjọ rọye.

Matiu 1:12

Re rhi vwo mu ayen kpo imu vwi Babilọn nu, Jekonaya ọsẹ ri Shitiẹl, Shitiẹl kọye ọsẹ ri Zerubabẹl,

Matiu 1:17

Ọtiọye na orua na ejobi nẹ Ebraham rhe ri te ọke ri Devid da dia ihwe-ẹne. Nẹ ọke ri Devid rhe ri te ọke rẹ emuo kpo Babilọn da dia orua ihwe-ẹne. Nẹ ọke rẹ emuo kpo Babilọn rhi te ọke ri Kristi da dia orua ihwe-ẹnẹ.