Matiu 1:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Ọbe rẹ orua rẹ Jesu Kristi, ọmọ rẹ Devid; ọmọ rẹ Ebraham.

Matiu 1:1 ပူးပေါင်းရင်းမြစ်များ

Jẹnẹsis 12:3

Ki mi bruba kẹ ihwo ri bruba kẹ wẹ, oro harhe owẹ ke Me harhọ; vwẹ oma wẹn irere rẹ akpọ na ejobi de vwo ebruphihọ kẹ oma rayen.

Jẹnẹsis 2:4

Enana keye uvwiẹ rẹ odjuvwu vẹ akpọ vwẹ ọke ra vwọ ma ayen. Vwẹ ẹdẹ rẹ Ọrovwohwo Ọghẹnẹ vwọ ma akpọ vẹ odjuvwu nu,

Jẹnẹsis 22:18

vwẹ oma rẹ uvwiẹ wẹn ọye ẹgborho rẹ akpọ na ejobi wan vwo ebruphihọ kẹ oma rẹ ayen, fikiridie wo mu ọghọ kẹ urhuru mẹ.

Jẹnẹsis 5:1

Ọnana ọbe rẹ uvwiẹ rẹ Adam. Vwẹ ọke rẹ Ọghẹnẹ vwọ ma ohwo, ọ da ma vwẹ uhoho rẹ Ọghẹnẹ

Une rẹ Ejiro 132:11

Ọrovwohwo ve ki Devid ive ro muẹro ọ gbe cha sa rhẹriẹ no-o; Ọvo vwẹ usun rẹ emọ ri nẹ oma wẹn rhe na Mi che vwo dje ekete wẹn.

Une rẹ Ejiro 89:3

Wọwẹ re tare, Me vẹ ọ re Me jẹreyọ na re ọphọ, Mi duvwu iyori kẹ odibo mẹ Devid nure:

Une rẹ Ejiro 89:36

Uvwiẹ rọye kọ dia bẹdẹ, ekete rọye kirobo rẹ ọnre na dia krite vwẹ obaro mẹ

Aizaya 11:1

Ẹro ko che yoro nẹ uchuku ri Jessi rhe, oghọn kọ cha tan nẹ esiri rọye rhe.

Aizaya 53:8

Vwẹ oshenyẹ vẹ obruhwe a vwo reyọ yanran; vwọ kẹ uvwiẹ rọye, kono ro roiro nẹ e bruro kufia nẹ otọ rẹ ihwo ekpokpọ, a ghwiẹrẹ fiki rẹ ogbeku rẹ ihwo Mẹ.

Jerimaya 23:5

Nighe, ẹdẹ cha, Ọrovwohwo tare, me cha vwọ kpare oghọn rẹ ọvwata kẹ Devid, kọ re uvie kerẹ ovie ọghwanghwanre, ko brorhiẹ rẹ ọsoso vẹ ọvwata vwẹ otọ na.

Jerimaya 33:26

kẹsiẹye me ke siẹn uvwie ri Jekọp vẹ Devid odibo mẹ mia rha sanọ ọvo vwẹ emọ rọye na nẹ ọ re uvie vwẹ enu rẹ uvwiẹ rẹ Ebraham, Aizik, vẹ Jekọp ofa-a. Kidie me cha vwẹ oyovwe rayen rhivwi rhe ki mi ji che ni arodọvwẹ rayen.

Emọs 9:11

Vwẹ ẹdẹ yena ke Me cha kpare utughẹ ri Devid ro sheri vrẹn ke fi iphrophro rọye di, ka rhuẹrẹ uwevwi ro sheri na bọn, ka rhoma bọn kerẹ ọke rẹ awanre;

Zekaraya 12:8

Vwẹ ẹdẹ yena Ọrovwohwo kọ cha vwẹ ekpọfia kẹ ihwo ri Jerusalẹm rere ihwo re ma vwiẹrẹ vwẹ ohri rayen vwọ họhọ Devid, re uwevwi ri Devid vwọ họhọ Ọghẹnẹ, kere amakashe rẹ Ọrovwohwo vwẹ uyovwi rayen.

Matiu 1:18

Asakiephana enẹ e vwiẹ Kristi wan. Ọke ri Josẹf vwọ sa Meri rẹ oni ri Jesu phihọ otọ, yẹ ayen je rhe mroma-a, Meri da rhe mrevun rẹ Erhi Ọfuanfon;

Matiu 1:2

Ebraham de vwiẹ Aizik, Aizik de vwiẹ Jekọp, Jekọp de vwiẹ Juda kugbe imoni rọye,

Matiu 15:22

Nighe, aye ri Kenan ọvo de nẹ akakọ rẹ etiyin rhe, o de kperi ta nẹ, Ni aruẹdọn mẹ Ọrovwohwo, we ọmọ ri Devid, erhi rẹ idẹbono herọ laghẹ ọmọtẹ mẹ gangan.

Matiu 3:16

Ọke ra vwọ vwẹ ame kẹ Jesu nu, o de wotọ nẹ ame rhe; e vwo ni, odjuvwu de rhie phihọ, ọ da mrẹ Erhi rẹ Ọghẹne kerẹ ilekuku de woto rhe, ọ da rhan muo.

Matiu 9:27

Ri Jesu vwo nẹ etiyin yanran, irhuẹro ivẹ de nene, ayen de kperi ta nẹ, Ni arodọvwẹ rẹ avwanre, Wẹ ọmọ ri Devid.

Iyẹnrẹ Esiri ri Luk 1:33

Kọ re vwẹ enu rẹ uwevwi ri Jekọp bẹdẹ; uvie rọye gbi se vwo oba-a.

Iyẹnrẹ Esiri ri Jọn 7:42

Ọ dianẹ ọbe ọfuanfon na tare nẹ uvwiẹ ri Devid Krisri na che nurhe, o che nẹ Bẹtlẹhẹm rhe, ọko ri Devid diare jovwo?

Iruo rẹ Iyinkọn na 2:30

Ọmraro o ruẹ, ọ riẹnre nẹ. Ọghẹnẹ ji vẹ kẹ nẹ vwẹ uvwiẹ rọye na a da cha reyọ ohwo ọvo vwo tidia ekete rọye na.

Ọbe ri Pọl si rhe Ihwo ri Rom 1:3

Iyẹnrẹ esiri kpahe Ọmọ rọye, re vwiẹri vwẹ orua ri Devid vwẹ ọ rẹ ugboma

Ọbe ri Pọl si rhe Ihwo ri Rom 4:13

Ive re ve kẹ Ebraham vẹ uvwiẹ rọye, nẹ ayen reuku rẹ akpọ na, wan oma rẹ urhi rhe-e ẹkẹvuọvo vwẹ oma rẹ ọvwata rẹ esegbuyota.

Ọbe ri Pọl si rhe Ihwo ri Rom 9:5

ayen a vwẹ esẹ ride na kẹ, uvwiẹ rayen, vwẹ ọ rẹ ugboma, kọye Kristi nurhe. Ọghẹnẹ rọ hẹ enu rẹ ayen ejobi ọye ebruba kẹ bẹdẹ. Isẹ.

Galesha 3:16

Asakiephana e ve ive na kẹ Ebraham vẹ uvwiẹ rọye. Ọ dianẹ kọ tare nẹ, ivwiẹ-ẹ, kerẹsiẹ ra mrẹ nẹ ibuebu-u; ẹkẹvuọvo, ọvuọvo ọ ọtare, “Uvwiẹ wẹn”, Kọye hẹ Kristi.

1 Timoti 2:5

Kidie Ọghẹnẹ ọvnọvo re herọ, ovwrohọnre ọvuọvo re hẹ uvwre rẹ Ọghẹnẹ vẹ ihwo rẹ akpọ, ohwo na hẹ Kristi Jesu,

2 Timoti 2:8

Karohọ Jesu Kristi, ro vrẹn nẹ ughwu, ro nẹ uvwiẹ ri Devid rhe, kirobo re ghwoghwori vwẹ iyẹnrẹ esiri mẹ,

Ẹvwọphia 22:16

Mẹvwẹ ri Jesu ri ji amakashe mẹ rhe we ro se iseri nana kẹ ishọshi na. Mẹvwẹ hẹ owọ kugbe upene ri Devid, isio rẹ irhiọke ro lo.