Malakae 4:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kọ cha rhẹriẹ udu rẹ esẹ na bru emọ rayen ọ me rha rhẹriẹ udu rẹ emọ na bru esẹ rayen, ọ rha dia ọtiọye-e me da rhe vwẹ obọ ke me cha vwẹ ekan guọghọ otọ na.

Malakae 4:6 ပူးပေါင်းရင်းမြစ်များ

Aizaya 11:4

ẹkẹvuọvo ọvwata o vwo guẹdjọ rẹ ivwiogbere, o Me vwẹ ẹghwanre brorhiẹ rẹ ihwo dẹndẹn rẹ akpọ na, kọ cha vwẹ ọkpọ rẹ unu rọye ghwie akpọ na, ẹnwẹn rẹ unu rọye ọ vwọ hwẹ iruimwemwu

Aizaya 24:6

Fiki rẹ ọtiọye na ekan kọ ghwọrọ akpọ na, ihwo re dia ke re oja fiki rẹ abe rayen; fiki rẹ ọtiọye na ihwo re dia akpọ na ejobi yamu, imihwo tutuno keye chekọ.

Aizaya 40:3

Urhuru de kperi. Vwẹ evun rẹ aghwa, rhuẹrẹ idjerhe rẹ Ọrovwohwo, ru idjerhe rode phiọnphiọn phihọ evun rẹ aton kẹ Ọghẹnẹ rẹ avwanre.

Aizaya 43:28

Ọtiọye na Mi de gbe isun rẹ ẹshẹ na ẹgua, Mi de siobọ nẹ Jekọp kẹ ẹghwọrọ Izrẹl vwọ ehwẹjẹ.

Aizaya 61:2

re ghwoghwo ukpe rẹ ẹreyọ re evun esiri rẹ Ọrovwohwo, kugbe ẹdẹ rẹ ihri rẹ Ọghẹnẹ rẹ avwanre, re bru ihwo ri muomahọ uche,

Aizaya 65:15

Wọ cha yan jẹ odẹ wẹn vwo kẹ ọ re Me jẹreyọ na vwọ harhe ekan, Ọrovwohwo rẹ Ọghẹnẹ ko ghwie we hwe, ẹkẹvuọvo idibo rọye ko mu odẹ ọfa kẹ ayen.

Daniẹl 9:11

Izrẹl ejobi gbe urhi wẹn ku, ayen bi oma phihọ akakọ, ayen mu ọghọ kẹ urhuru wẹ-ẹn. Te ekan te iyori re duvwuru phihọ urhi ri Mosis odibo rẹ Ọghẹnẹ, keye rhi mu avwanre na, fikiridie avwanre ru umwemwu kpahọ.

Zekaraya 11:6

Kidie mi gbi che nẹ aruẹdọn ke ihwo rẹ otọ nana ọfa-a, Ọrovwohwo re tarọ. Nighe, mi ru ihwo rẹ ọvuọvo de she tehe obọ rẹ osuigodẹ rọye, re ọvuọvo de she tehe obọ rẹ ovie rọye, ayen ke guọghọ akpọ na, mi che sivwi ọvuọvo nẹ obọ raye-en.

Zekaraya 13:8

Vwẹ otọ na ejobi, Ọrovwohwo tare, a cha gharọ ẹkẹn erha ra da ghwọrọ e che bru ẹkẹn ivẹ no, ẹkẹn ọvo kọye cha rhọ

Zekaraya 14:12

Ọnana emiavwe rẹ Ọrovwohwo che vwo hwe ihwo re vwẹ ofovwi so Jerusalẹm oma rayen che gbo yẹ ayen vwẹ awọ rayen mudia, ẹro rayen che gbo phihọ evun ẹrevwe rayen ji gbo vwe unu rayen.

Zekaraya 14:2

Kidie Me cha ghwẹ ẹgborho na ejobi koko vwo phi Jerusalẹm ka reyọ orere na ka ghwẹ ekuakua rẹ uwevwi na reyọ ke gbe eya na ẹgua abọvo re orere na ko kpo imu, yẹ ẹkẹvuọvo e gbi si otu re ihwo ri chekọ nẹ orere na-a.

Zekaraya 5:3

Etiyin ọ da ta kẹ vwẹ, Ọnana ekan ro mu nene otọ na ejobi rhe; kidie kohwo kohwo ro cho uji ke etinẹ, yanran ke sio nẹ otu kerẹ obo rọ epha, kohwo kohwo ro ji duvwu iyori re efian ke ji sio nẹ otu kirobo rọ epha.

Matiu 22:7

Ẹkẹvuọvo ivun de miovwi ovie na; o de ji usun rẹ ofovwi rọye nẹ i re hwe izighẹ na, rere ayen torhẹ orere rayen na.

Iyẹnrẹ Esiri ri Mak 11:21

Pita rhe vwọ karohọ ọ da ta kẹ, Rabbi, nigbe, urhe rẹ owe na re wọ harhere na o lo re.

Iyẹnrẹ Esiri ri Luk 1:76

Wẹ, ọmọ, e che se we ọmraro rẹ Ọro Mekpenu; kidie wọ cha ka obaro kẹ Ọrovwohwo ra rhuẹrẹ idjerhe rọye,

Hibru 6:8

Ẹkẹvuọvo ọ da rha dia ekpia vẹ idjigbẹ re djẹ rhe vwọ, yẹ otọ yena miovwiri kerẹ otọ re duvwu iyori phihọ; oba rọye ka torhẹ.

Ẹvwọphia 19:15

Ọlọkọ rọ dan prẹprẹ de yoro nẹ unu rọye rhe kọye ọ vwọ nyavwe ẹgborho na hwe, kọ vwẹ ọkpọ rẹ utehru sun ayen; ko che chiyi okọ rẹ imiemi rẹ ophu rẹ Ọghẹnẹ Ọrovwoẹgba.

Ẹvwọphia 22:3

Emu ọvuọvo ra harhere gbe herọ-ọ, ẹkẹvuọvo jokpa rẹ ekete rẹ Ọghẹnẹ kugbe ọ rẹ Omogodẹ na ọvo re hẹ evun rọye, idibo rọye ke cha gọ;