Malakae 3:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Malakae 3:5 ပူးပေါင်းရင်းမြစ်များ

Jẹnẹsis 20:11

Ebraham da ta, Mi ruro fikiridie mi rori nẹ, Oshọ ẹdjẹ rẹ Ọghẹnẹ ọ etinẹ-ẹ, ayen de rhe hwe vwe fiki rẹ aye mẹ.

Jẹnẹsis 42:18

Vwẹ ẹdẹ rẹ erha Josẹf da ta kẹ ayen, Ru Ọnana re ovwan rhọ, kidie Me djẹ oshọ rẹ Ọghẹnẹ:

Nehemaya 5:15

Isun rẹ ẹsosuọ re karo kẹ vwẹ, kru oghwa ọhọhọhọ nyẹ ihwo na, ayen de mie ayen emuọre vẹ idi, a ke mrẹ shẹkẹl ujuvẹ rẹ idọnọ. Ekpuyovwi rẹ idibo rayen je vwẹ oma ruẹ Osun kẹ ihwo na. Ẹkẹvuọvo mi se ru ọtiọye-e, fiki rẹ oshọ rẹ Ọghẹnẹ.

ỌBE RẸ JOB 31:12

kidie ọyena kọ dia erhanre rọ tua ra ro Erivwi, rọ cha torhẹ eyere mẹ to otọ.

ỌBE RẸ JOB 7:2

Kẹrẹ ọviẹn ro rhẹro rẹ uhoho, kerẹ ọ re durhieri ro rhẹro rẹ osa,

Une rẹ Ejiro 36:1

Ogbeku ra ta ke oruimwemwu na kokodo vwe obo evun rẹ udu rọye; o vwo oshọẹdjẹ rẹ Ọghẹnẹ vwẹ ẹro rọye-e.

Une rẹ Ejiro 81:8

Nyo, E ihwo mẹ, vwẹ ọke mi de bru we uche! E Izrẹl, manẹ wọ sa kerhọn mẹ vwonẹ!

Une rẹ Ejiro 96:13

vwẹ obaro re Ọrovwohwo, kidie ọ cha rhe, kidie ọ cha rhe ri guẹdjọ re akpọ na. O che guẹdjọ rẹ akpọ na vwe ọvwata, ihwo na ejobi vẹ uyota rọye.

Une rẹ Ejiro 98:9

vwe obaro rẹ Ọrovwohwo kidie ọ cha che sun akpọ na. O che brorhiẹn rẹ akpọ na vwẹ ọvwata, ihwo na ke rha abavo.

Ẹyano 1:17

Ẹkẹvuọvo irhere na da djẹ oshọ rẹ Ọghẹnẹ, ayen rhe ru obo rẹ ovie rẹ Ijipt na ta kẹ ayeen, ẹkẹvuọvo ayen da yan jẹn emeshare na vwo.

Ẹyano 18:21

Ọ rọmarho wọ me sanọ ihwo re goma vwẹ ohri rẹ ihwo na, ọtiẹ ihwo re djẹ oshọ rẹ Ọghẹnẹ, ihwo ra vwẹ ẹro so rẹ udiẹriọ tuoma, keye wo phihọ enu rẹ ihwo na re dia isun rẹ ihwo na i ri ujori ihwe, e rẹ ujori e rẹ ujuvẹ gbẹ ihwe, vẹ e rẹ ihwe.

Ẹyano 20:7

Wọ se odẹ rẹ Ọrovwohwo Ọghẹnẹ wẹn ogbise-e, kidie Ọrovwohwo se bru orhiẹn ke otu ri se odẹ rọye ogbise-e.

Ẹyano 22:20

Ohwo ro ze izobo kẹ ọghẹnẹ ọfa, jokpa rẹ Ọrovwohwo na ọvo ka guọghọ tototo.

Isẹ 16:6

Vwẹ oma rẹ esegbuyota vẹ omaevwokpotọ ọye a vwọ sa rhuẹrẹ orukuruku, oshọẹdjẹ rẹ Ọrovwohwo ọye ohwo sa vwọ kẹnẹ oma kẹ umwemwu.

Isẹ 8:13

Omaetuo rẹ umwemwu ọye oshọ ẹdjẹ kẹ Ọrovwohwo na. Eheri vẹ eyan kugbe idjerhe rẹ umiovwo vẹ eta gẹgẹrẹ tu vwe oma.

Aizaya 57:3

Ẹkẹvuọvo wẹ, si kẹre obonẹ, emọ re ẹboepha na, emọ re vwọ ọfarhiẹn vẹ igberadja na.

Jerimaya 23:10

Kidie otọ na vọnre vẹ igberadja; fiki rẹ ekan otọ na vwo muomahọ, odi rẹ aghwa na ejobi je ya re. Idjerhe rayen omiomiovwi, ẹgba rayen shehọ-ọ.

Jerimaya 27:10

Kidie ofian ayen mraro rọye kẹ ovwan na, oba rọye ke che si ovwan nẹ otọ rẹ ovwan na shesheri. Ke me djẹ ovwan kufia, ovwan ke cha ghwọrọ kufia.

Jerimaya 27:9

Eriyin na wa gba kerhọn rẹ emraro rẹ ovwan, eboepha rẹ ovwan, evwerhevwerhẹ rẹ ovwan, erieda rẹ ovwan, eyẹ idiẹbo re vuẹ ovwan nẹ, Ovwan cha ga ovie ri Babilọn na-a.

Jerimaya 29:23

fikiridie ayen ru uruemu rẹ ẹkpa vwẹ Izrẹl ayen vẹ eya rẹ irivẹ rayen gbe ọfanrhiẹn, ayen da vwẹ odẹ mẹ ta eta rẹ efian re me vuẹ ayen nẹ ayen ta-a. Mẹvwẹ ohwo rọ riẹnre, mẹvwẹ je he oseri, eriyin Ọrovwohwo tare.

Jerimaya 42:5

Etiyin ayen da ta kẹ Jerimaya nẹ, Jẹn Ọrovwohwo dia omamọ rẹ oseri rẹ uyota ke avwanre ọ da dianẹ avwanre rha yọnrọn ota rẹ Ọrovwohwo Ọghẹnẹ wẹn na ro ju we bru avwanre rhe na-a.

Jerimaya 5:2

Owenẹ ayen tanẹ, kirobo rẹ Ọrovwohwo herọ na yẹ ayen duvwu iyori rẹ efian.

Jerimaya 5:29

Mi gbe hwe ayen fiki rẹ imu nana? eriyin Ọrovwohwo na tare, orere ọtionana me gbe reihri kẹ oma mẹ kaphẹ orere ọtiọna na-a?

Livitikọs 19:13

Ovwan shenyẹ ọrivẹ rẹ ovwa-an eyẹ wo cho-o. E jẹn osa rẹ ohwo rẹ ovwan durhie iruo dia ovwan obọ re te urhiọke-e.

Livitikọs 20:10

Ohwo de nene aye rẹ ọrivẹ rọye bru ehware, te ọshare na te aye na ke hwe ayen.

Livitikọs 20:27

Ọshare eyẹ aye rọ dia azẹn eyẹ ọrieda ke hwe kufia; ibieragha keye e vwo phi ayen hwe, ọbara rayen kọ dia uyovwi rayen.

Livitikọs 20:6

Ohwo de bru ẹboepha vẹ eriedan, keye ọ vọye gbe ruẹ kugbe, ki mi hirhe opharo Me ku ohwo yena, ki mi bro nẹ ohri rẹ ihwo rọye.

Maika 1:2

Nyo, ihwo na, ovwan ejobi; kerhọn E otọ na, vẹ obo re herọ ejobi; gbe jẹn Ọrovwohwo Ọghẹnẹ na se iseri hwe we, Ọrovwohwo rọ dia uwevwi ọfuanfọn rọye na

Habakọk 1:12

Ọ dia owẹ re herọ rhiri bẹdẹ, E Ọrovwohwo Ọghẹnẹ mẹ, Ọfuanfọn Ọvuọvo mẹ na? Avwanre che ghwu-u, E Ọrovwohwo, wẹ re vwẹ ayen mu kerẹ ẹdjọeguo; Wẹ, E Oragha, wẹ re vwẹ ayen mu vwọ kẹ efafa.

Zekaraya 11:12

Etiyin Me da ta kẹ ayen, ọ da dianẹ emu ro fori kẹ ovwan, wa gba hwa esa mẹ kẹ vwẹ; ẹkẹvuọvo o gbi fo-o, wa gba da ayen ji. Ayen da vwanvwe osa mẹ shẹkẹl ọgban rẹ idọnọ ọfuanfọn.

Malakae 1:6

Ọmọ mu ọghọ kẹ ọse rọye, odibo mi rhe mu ọghọ kẹ onini rọye. Me da dia ọsẹ, kẹ ọghọ mẹ rhọ? Me da rha dia onini, kẹ oshọẹdjẹ mẹ rhọ? eriyin Ọrovwohwo rẹ ọgba rẹ ofovwi na ta kẹ wẹ, E irherẹn, re jẹ odẹ mẹ fia na? Wọ rọ ta nẹ, idjerhe vọ ma vwọ jẹ odẹ wẹn fia?

Malakae 2:14

Wọ da nọ nẹ, Die sorọ o vwo jẹ reyọ? fikiridie Ọrovwohwo na oseri rẹ ọphọ re wọ vẹ aye wẹn rẹ ọke-emọ rere, aye yena wo gbe ọfanrhiẹ rhurhu dede na ọye otu wẹn kugbe aye rẹ ọphọ wẹn.

Malakae 2:17

Wọ vwẹ eta wẹn ghwọrọ Ọrovwohwo oma. Yo wọ tanẹ, Mavọ avwanre vwọ ghwọrọ owẹ oma? Wọ vwọ tanẹ, kohwo kohwo ro ru umwemwu vwẹ obaro rẹ Ọrovwohwo yẹ oyoyovwi o ruru, oma rọye kọ vwerhọ. Eyẹ kọ nọ nẹ, Tivọ Ọghẹnẹ rẹ uyota na epha?

Iyẹnrẹ Esiri ri Luk 23:40

Ẹkẹvuọvo ọrivẹ da ghwọ kuo, tanẹ, Wọ djẹ oshọ rẹ Ọghẹnẹ-ẹ, ọ dia orhiẹ rẹ ughwu ọvuọvo na e bru hwe vẹ avwanre-e?

Ọbe ri Pọl si rhe Ihwo ri Rom 3:8

Kidie sorọ e gbi ruẹ imwemwu rere erhuvwu rhe-e?–kirobo rẹ ihwo evo barẹ avwanre ota nẹ avwanre tare. Obruhwe rayen gbare.

Urhi Rivẹ 15:13

Wo de siobọ no kpo ọphẹ na, wo jọ vwẹ ababọ kpo-o;

Urhi Rivẹ 18:10

We ja mrẹ ohwo ọvo vwẹ uherevie rẹ ovwan rọ torhẹ ọmọshare eyẹ ọmọtẹ rọye vwo ze izobo-o, eyẹ ohwo rọ mraro, eyẹ ọbuepha eyẹ ohwo rọ mrorẹ eyẹ ọbo rọ ghwa ihwo ria,

Urhi Rivẹ 24:17

Ase rẹ ọrhorha eyẹ ọ rẹ omophrorivwi wo kuorhẹriẹ-ẹ, wọ je reyọ amwa rẹ ayeuku viẹnwa-a,

Urhi Rivẹ 27:19

Ekan kẹ ohwo rọ rhẹriẹ ase rẹ ọrhorha, ọ rẹ ọmophrorivwi kugbe ayeuku. Ihwo na ejobi Me kpahe tanẹ, Isẹ.

Urhi Rivẹ 5:11

Wo se odẹ rẹ Ọrovwohwo Ọghẹnẹ wẹn ogbise-e; kidie Ọrovwohwo se bru orhiẹn kẹ otu ri se odẹ rọye ogbise-e.

1 Tẹsalonaika 4:6

E jẹn ohwo ọvuọvo chọ urhi-i, e jo gbe oniọvo rọye kuẹ vwẹ ota nana-a, fikiridie Ọrovwohwo hẹ ọreihri rẹ imu nana ejobi, kirobo rẹ avwanre kpa okpa phihọ ovwan obọ na.

Hibru 13:4

E jẹn emu ọghọ kẹ orọvwe vwẹ ohri rẹ ovwan ejobi, e jẹn e gbe ehwa rẹ orọvwe na ẹgua-a; kidie Ọghẹnẹ cha vwẹ ọvwọfanrhiẹ kugbe otu ri gbe igberadja guẹdjọ.

Jems 5:12

Ẹkẹvuọvo ọ rọ marho ejobi, imoni mẹ, ovwan vwẹ odjuvwu eyẹ akpọ duvwẹ iyori-i; eyẹ kemu kemu ofa-a; ẹkẹvuọvo jẹ ẹjo wẹn dia ẹjo, rere e wẹn dia e; rere e vwo ju we ebrohwe.

Jems 5:4

Gbe nighe osa rẹ ihwo re wan ewan kẹ wẹ, rẹ wọ teye bọma, i ro brenu hwe we; enuebro rẹ ihwo ri vun enẹ kẹ wẹ, Ọrovwohwo Ọghẹnẹ rẹ ofovwi nyo ayen ejobi re.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.

Ẹvwọphia 22:15

Otu rẹ eranko na, emraro rẹ ofian, evwofanrhiẹ, izighẹ, egọedjọ, kugbe otu re vwọrọn ofian, ki che mudia otafe.