Malakae 3:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Ẹkẹvuọvo kono che se yivwi hẹrhẹ ẹcha rọye na, ono ri se mudia vwẹ ọke rọ da rhe? Kidie ọ họhẹ erhanre rẹ ogu kugbe odja rẹ a vwọ fọnrhọ emwa;

Malakae 3:2 ပူးပေါင်းရင်းမြစ်များ

Jẹnẹsis 19:28

ọ da kpare opharo ni Sodọm vi Gomora kugbe ishekpotọ na, nighe, o vwo ni, ivwirhi rẹ orho na de bru kpenu kerẹ erhanre re etu.

ỌBE RẸ JOB 28:1

Omuẹro nẹ ọgọdọ rẹ idọnọ ghine herọ, ẹdia rẹ oro ra hworhe fon je herọ.

Une rẹ Ejiro 130:3

Ọ dianẹ, E Ọrovwohwo, ku wo kerẹ orukuruku, Ọrovwohwo kono ri se mudia?

Une rẹ Ejiro 2:7

Mi gbe ikun rẹ urhi rẹ Ọrovwohwo, Ọ ta kẹ vwẹ nẹ, we ọmọ mẹ, nonẹ na mi vwiẹ wẹ.

Une rẹ Ejiro 76:7

Ẹkẹvuọvo wẹ, wo mu oshọ gangan! Ono se mudia vwẹ obaro wẹn siẹ rẹ ophu wẹn da kpare rhe?

Isẹ 25:4

Si isọn rẹ igho nẹ idọnọ na, ogu na kọ mrẹ obo ro vwo duvwu oravwọ.

Aizaya 1:18

Mọ vwo ọke na re avwanre jẹn iroro kugbe; ọtiọye Ọrovwohwo tare ọ da dianẹ imwemwu wẹn họhọ isene, e cha họhọ ẹton rẹ ogegede owenẹ evwanre kerẹ ododo e cha họhọ ukpọyibo.

Aizaya 33:14

Iruimwemwu re he Zayọn oshọ re mu ayen, uguegue mu otu ri je Ọghẹnẹ e vwo Ono vwe usun re avwanre na ve erhanre sa dia? ono vvve usun re avwanre ve ẹtorhẹ ri bẹdẹ na sa dia?

Aizaya 4:4

vwẹ ọke rẹ Ọrovwohwo da cha hworhẹ inuhu rẹ emetẹ ri Zayọn nu, rọ da cha hworhẹ ipe rẹ ọbara ri Jerusalẹm nẹ uherevie rọye nu vwẹ erhi rẹ ọrhiẹbro kugbe erhi rẹ ẹtorhẹ.

Jerimaya 2:22

Owenẹ wọ vwẹ iwurhie vẹ odja buebu họ oma wẹn, upe rẹ abe wẹn je hẹ obaro mẹ, Eriyin Ọrovwohwo Ọghẹnẹ tare.

Izikiẹl 22:14

Kẹ udu wẹn sa gba, eyẹ abọ wẹn sa gan vwẹ ẹdẹ re me vẹ owẹ da cha davwọ na? Mẹvwẹ Ọrovwohwo re tarọ, ki mi ruo gba.

Daniẹl 11:35

ihwo evo vwẹ usun rẹ ihwo na ri vwo ọhọ ji che she, ra vwọ fan ayen je nabọ hworhe ayen, re vwo ru ayen fuanfon, bẹsiẹ rẹ oba na vwo te, kidie ọke re bruru na ji te-e.

Joẹl 2:11

Ọrovwohwo na da kpare urhuru rọye kẹ unuofovwi na, kidie otu rọye pha buebu gbidi; ọ rọ ta ota na pha gangan. Kidie ẹdẹ rẹ Ọrovwohwo na pha rhuarho o mu oshọ gangan; kono ri se dede?

Nahum 1:6

Ono ri se mudia hẹrhẹ ophu rọye? Ono se chirako rẹ ọrhorho rẹ ivuemiovwo rọye? Ọ kpare ophu rọye ku kerẹ erhanre, o de hwe eragha na ibribro.

Zekaraya 13:9

Ki mi che phi ẹkẹn rerha nana phihọ erhanre, re ruo fon kirobo re ru idọnọ fuan ye, ka davwe ayen kirobo ra davwe oro na. Ayen se odẹ Mẹ, ki mi nyo ke ayen. Ke Me ta nẹ, Ayen ihwo mẹ, Kẹ ayen ta nẹ, Ọrovwohwo na Ọghẹnẹ Mẹ.

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

Matiu 25:10

Ọke rẹ ayen vwọ yanran ra dẹ nu, ọpha na da rhe vwẹ obuko rayen; ikọpha ri vwo urhukpẹ na vẹ ọye da ro uwevwi rẹ orẹ na; ẹchẹ na de huhu.

Iyẹnrẹ Esiri ri Mak 9:3

Iwun rọye ki lo wrowro, fuanfon gangan; ọtiọye na o se vwo ohwo rọ fọnrhọn emwa fon eriyin vwẹ akpọ na-a.

Iyẹnrẹ Esiri ri Luk 2:34

Simiọn da nẹ ẹrhovwo kẹ ayen ọ da ta kẹ Meri oni rọye Nighe, ọmọ na vwenẹ e vwiẹrẹ kẹ eshe vẹ evrẹn rẹ ihwo buebu vwẹ Izrẹl, kugbe oka rẹ buebu cha ta ota kpahe

Iyẹnrẹ Esiri ri Luk 21:36

Ẹkẹvuọvo rhẹrẹ vwẹ ọke ejobi, nẹ ẹrhovwo rere wo se vwo ogangan wọ vwọ vabọ rẹ imu nana ejobi re cha phia na, re wo vwo se mudia vwẹ obaro rẹ Ọmọ rẹ ohwo.

Iyẹnrẹ Esiri ri Luk 3:17

Adjudju hẹ obọ rọye, kọ nabọ hwerhe utuwevwi rọye kakare, ka ghwa eka rọye kpo erhu, ẹkẹvuọvo iphopho ri chekọ ka torhẹ ayen vwẹ erhanre ri bẹdẹ.

Iyẹnrẹ Esiri ri Luk 3:9

Asakiephana ushurhe ọ hẹ otọ rẹ irhe na re; urhe kurhe rọ gbe mọ emamọ esiri-i ke she teye otọ ke muo phihọ erhanre.

Iyẹnrẹ Esiri ri Luk 7:23

Ebruba kẹ ohwo yena rọ mrẹ ogbeku ọvuọvo vwẹ obọ mẹ-ẹ.

Iyẹnrẹ Esiri ri Jọn 8:55

Ẹkẹvuọvo ovwan je riẹ-ẹn; Me riẹnrẹ. Me da ta nẹ, Me riẹnrẹ-ẹ, mẹvwẹ kẹ ọvwọnrọn ofian kerẹ ovwan; ẹkẹvuọvo me riẹnrẹ me sẹro rẹ ota rọye.

Hibru 12:25

We ja mrẹ nẹ ovwan siẹn ohwo rọ ta ota na-a. O da dianẹ ayen siẹn ohwo rọ ta ota kẹ ayen vwẹ akpọ na rẹ ayen da djẹ vabọ-ọ, komavọ ọ dia rẹ avwanre sa vwọ djẹ vabọ ra da siẹn ohwo ro ta ota kẹ ayen nẹ odjivwu rhe.

Ẹvwọphia 19:8

a da rhọvwe kẹ nẹ ọ vwẹ esada iyoyovwi rhuo, ri lo yoyovwi esada iyoyovwi na eye ọvwata rẹ irherẹn na.

Ẹvwọphia 2:23

Emọ rẹ ayen vwẹ ọfanrhiẹ vwiẹ na ki ghwu re. Ishọshi na ejobi ke riẹn nẹ mẹvwẹ re hiẹ iroro kugbe udu, ke me hwa osa kẹ ovwan ọvuọvo kirobo rẹ iruo rẹ ovwan teri.

Ẹvwọphia 6:17

kidie ẹdẹ rode rẹ ophu rayen na tere, kono ri se mudia hẹrhẹ?

Ẹvwọphia 7:14

Me da ta kẹ, ọrovwori, wẹ re riẹnrẹ. Ọ da ta kẹ vwẹ, Enana hẹ ihwo ri nẹ evun rẹ ukpokpogho rode na rhe; ayen fọnrhọn edagba rayen fon vwẹ ọbara rẹ Omogodẹ na.

1 Samuẹl 6:20

Etiyin ihwo ri Bẹt-shẹmẹsh da ta, ono re sa hẹrhẹ Ọrovwohwo Ọghẹnẹ ọfuanfon nana? Kono avwanre muo rhe ro bi nẹ avwanre oma?