Malakae 3:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ Etiyin ayen otu re djẹ oshọ rẹ Ọrovwohwo na kẹ ta kẹ ohwohwo, Ọrovwohwo na da kerhọn o de nyo ayen, o de si ọbe rẹ ekarophihọ vwẹ obaro rọye kpahe ayen ihwo re djẹ ọshọ rẹ Ọrovwohwo na ri roro iroro rẹ odẹ rọye na.

Malakae 3:16 ပူးပေါင်းရင်းမြစ်များ

Jẹnẹsis 22:12

Ọ da ta, Wọ ghwe obọ kpahe ọmọ na eyẹ wo ru emuọvo kẹ-ẹ, kidie Ọnana Me vwọ riẹn nu wọ djẹ oshọ rẹ Ọghẹnẹ, ru wọ vwẹ ọmọ wẹn na, ọmọ vuọvo wẹn na vwọ djahe obuko kẹ vwẹ-ẹ.

2 Samuẹl 7:1

Vwẹ ọke nana rẹ ovie rhe vwọ dia uwevwi rọye, rẹ Ọrovwohwo vwọ vwẹ ufuoma kẹ nẹ obọ rẹ ivwighrẹ rọye re riarierẹ phihọ nu,

1 Ivie 18:12

Ri mi de ghwe vrẹn nẹ asan wọ epha nu, sẹ Erhi rẹ Ọrovwohwo che mu we kpo asan ri mi jẹriẹn me riẹnre-e; kọye, ọke re me da rhe rhe vuẹ Ehab rọ gbe rha mrẹ wẹ-ẹ, ko hwe vwe, dede na odibo wẹn mu ọghọ kẹ Ọrovwohwo nẹ ọke-emọ mẹ rhe.

1 Ivie 18:3

Ehab de se Obadaya, ro suẹn uwevwi rọye. (Asakiephana Obadaya mu ọghọ kẹ Ọrovwohwo gangan;

2 Ikun rẹ Ivie 6:7

Asakiephana ọye iroro rọ hẹ evun ri Devid ọsẹ mẹ rọ vwọ bọn uwevwi kẹ odẹ rẹ Ọrovwohwo na, Ọghẹnẹ rẹ Izrẹl.

Nehemaya 1:11

E Ọrovwohwo, jẹn erhọn wẹn nabọ rhie phihọ ke ẹrhovwo re odibo wẹn, ji kugbe ẹrhovwo re idibo wẹn re vwe omavwerhe dje oshọ re odẹ wẹn na, wọ vwe obọekparọ ke odibo wẹn nonẹ na, re wọ ke arọdọvwe wẹn, vwẹ obaro re ohwo nana. Asakiephana mẹvwẹ ọye omuidi rẹ ovie na.

Ẹsta 2:23

Ọke ra vwọ guọnọ otọ rọye mrẹ nẹ ọtiọye, e de churu ihwo na ivẹ na si urhe. Etiyin e de sio phihọ ẹbe rẹ ikun rẹ ovie vwẹ irharo rẹ ovie na.

Ẹsta 6:1

Vwẹ ason yena ovie na gbẹ sa vwerhẹ-ẹ, ọ da tanẹ a reyọ ẹbe rẹ ekarohọ rẹ uruemu esiri na rhe, ẹbe rẹ ikun na, e de se ayen kẹ ovie.

ỌBE RẸ JOB 28:28

Ọ da ta kẹ ohwo rẹ akpọ, Nighe, oshọ ẹdjẹ rẹ Ọrovwohwo, ọye aghwanre, oma re sinu umwemwu ọye ẹruọ

Une rẹ Ejiro 10:4

Vwẹ eheri re opharo rọye o rhe jẹn oruimwemwu guọnọ-ọ; iroro rọye ejobi ke ọ na nẹ, Ọghẹnẹ herọ-ọ.

Une rẹ Ejiro 104:33

Me so ine kẹ Ọrovwohwo kirobo re me dia krite; Me so ejiro kẹ Ọghẹnẹ vwẹ ọke mi ji vwo vwo arhọ na.

Une rẹ Ejiro 111:10

Oshọẹdjẹ rẹ Ọrovwohwo ọye ẹsosuọ rẹ ẹghwanre; omamọ rẹ ẹruọ ọye rhe ihwo ri vwiro ru iruo. Ejiro rọye dia bẹdẹ!

Une rẹ Ejiro 115:13

o bruba kẹ otu ejobi re djẹ oshọ rẹ Ọrovwohwo na, te omotete te ọkpako.

Une rẹ Ejiro 119:63

Mẹvwẹ otu rẹ ayen ihwo re djẹ oshọ wẹn, ọvo vwẹ ayen otu re yọnrọn iji wẹn.

Une rẹ Ejiro 139:4

Tavwe rẹ ota ke rhe dia ẹrenvwe mẹ, No, E Ọrovwohwo, ju wọ riẹnrẹ ejobi rẹ.

Une rẹ Ejiro 147:11

ẹkẹvuọvo Ọrovwohwo vwo omavwerhe kpahe otu re djẹ oshọ rọye, re vwẹ ẹro so ẹguọnọ rọye ro jẹ rhẹriẹ na.

Une rẹ Ejiro 16:3

Vwọ kẹ ihwo efuanfon vwẹ evun rẹ otọ na, ayen ihwo re mu ọghọ kẹ, ayen ọvo ivun rayen vwerha ovwẹ.

Une rẹ Ejiro 20:7

Ẹvo vwẹ ekpẹre rẹ ofovwi yeyan, ẹvo ke iyesi, ẹkẹvuọvo avwanre vwẹ odẹ rẹ Ọrovwohwo rẹ Ọghẹnẹ rẹ avwanre yeyan.

Une rẹ Ejiro 33:18

Nighere, ẹro rẹ Ọrovwohwo ọ hẹ enu rẹ ayen otu re djẹ oshọ rọye, ọ hẹ enu re ayen otu re vwẹ ẹro so ẹguọnọ rọye rọ rhẹriẹ-ẹ na.

Une rẹ Ejiro 34:15

Ẹro rẹ Ọrovwohwo re nẹ ọvwata, erhọn rọye rhie phihọ kẹ oviẹ rayen.

Une rẹ Ejiro 56:8

Wẹ ri kere obo rẹ ayen phieghe uvwe te, phi ame oviẹ mẹ phihọ evun rẹ ọgọ! Ayen hẹ evun rẹ ọbe wẹn na?

Une rẹ Ejiro 56:9

Etiyin ivwighrẹ mẹ ki rhivwi te uko vwẹ ẹdẹ ri mi de se. Ọnana me riẹnre, nẹ Ọghẹnẹ vẹ ovwẹ obọ.

Une rẹ Ejiro 66:16

Mọ wo nyo, ovwan ejobi re djẹ oshọ rẹ Ọghẹnẹ ki mi gbe obo ro ru kẹ vwẹ.

Une rẹ Ejiro 94:19

Ọke rẹ enwan rẹ udu mẹ de rhi buphihọ, uchebro wẹn kọye sasa ẹnwẹ mẹ.

Ẹyano 32:32

Ẹkẹvuọvo asakiephana, ọ da dianẹ wo vwo umwemwu rayen vwo ghovwo ayen ọ rha dia ọtiọye-e, gbe phoro uvwe, Me rẹ wẹ, nẹ ọbe wẹ na ru wo siri na.

Isẹ 13:20

Ohwo rọ yan nene ẹvwaghwanre ko vwọ aghwanre, ẹkẹvuọvo ugbeyan rẹ ẹkpa kọ re oja.

Aizaya 26:3

Wọ sa sẹro rọye vwẹ omamọ rẹ ufuoma, ohwo rọ vwẹ udu rọye kpahe owẹ fikiridie ọ vwẹ ẹro so owẹ.

Aizaya 26:8

Vwẹ obẹnẹ rọ orhiebro wẹ E Ọrovwohwo, avwanre da hẹrhẹ owẹ; ekarọphihọ rẹ odẹ wẹn ọye ẹguọnọ rẹ erhi rẹ avwanre.

Aizaya 4:3

Ohwo ro che chekọ vwi Zayọn rọ da dia Jerusalẹm ke se nẹ Ọfuanfon, kohwo kohwo re keri phihọ arhọ vwi Jerusalẹm,

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Aizaya 65:6

Nighere, e siro phihọ obaro mẹ, Mi che fotovwi-i, ẹkẹvuọvo Me cha hwa osa, e, Me cha hwa osa phihọ agada rayen

Jerimaya 31:18

Mi nyo Ifrem rọ herọ viẹ, We re fa vwẹ, a da je fa vwẹ, kerẹ ọmọ rẹ erhuẹn re je yono; reyọ ovwẹ rhivwi rere a reyọ ovwọ, kidie wẹ hẹ Ọrovwohwo Ọghẹnẹ mẹ.

Jerimaya 8:6

Me nabọ vwẹ oma kpoto kerhọn, ẹkẹvuọvo ota rayen ji shephihọ-ọ ọ rọ kurhẹriẹ nẹ orukuruku rọye herọ-ọ, yẹ ọ tanẹ, Die mi ruru? Dohwo didjerhe rọye vwo gbe, kerẹsiẹ rẹ iyesi da vwẹ uyovwi hẹrhẹ ofovwi.

Izikiẹl 9:4

Ọrovwohwo da ta kẹ, Yan wan uherevie rẹ orere na, wan uherevie ri Jerusalẹm, re wọ ka oka phihọ arhare rẹ ihwo re fiọn unu kugbe ihwo ri dirhivwẹ vwi fiki rẹ ẹgua re gberi vwẹ evun rọye.

Daniẹl 12:1

Ọke yena Maikẹl ko che vrẹn rhe, osun rode na re vwo mu vwẹ enu rẹ ihwo wẹn. Ọke rẹ ukpokpogho ko che te, oghẹre ra je mrẹ dẹvo-o nẹ ọke rẹ ẹgborho na vwọ mama rhiri rhi te ọke na, ẹkẹvuọvo vwẹ ọke yena ihwo wẹn ke che sivwi ayen, kohwo kohwo ra mrẹ odẹ rọye vwẹ ọbe na.

Daniẹl 7:10

Ọkẹre rẹ erhanre da djẹ rhe o de nẹ obaro rọye rhe; uriori vwarẹ uriori re ga, uriori ihwe kugbe uriori ihwe mudia vwẹ obaro rọye; ẹguare da gba re vwọ guẹdjọ e de rhie ẹbe na phihọ.

Malakae 3:5

Ki mi che si kẹre owẹ vwẹ orhiebro; ke me cha dia oseri rẹ okpakpa kpahe ebuepha na, kugbe igberadja na, kugbe otu ri duvwu iyori rẹ ogbarogba na, vẹ otu re ghwa otu re durhie iruo ria na, vẹ otu ri kpokpo eme-phrorivwi vẹ eyauku, otu ri gerẹ erhorha phihọ akakọ, ri jẹ oshọ mẹ ẹdjẹ na; eriyin Ọrovwohwo rẹ otuofovwi na tare.

Malakae 4:2

Ẹkẹvuọvo vwọ kẹ ovwan re djẹ oshọ mẹ na uvo rẹ ọvwata cha bẹrẹ mu ayen, ọ vẹ esivwo vwẹ ibekpe rọye. Ku we che pho kerẹ upene rẹ erhuẹn ro nẹ urhuẹn rọye cha.

Iyẹnrẹ Esiri ri Luk 2:38

Rọ vwọ yanrhe vwẹ ọke yena ọ da kpẹvwẹ Ọghẹnẹ o de gbe ikun rọye kẹ ihwo ejobi ri phiẹrohọ etanhirhe ri Jerusalẹm.

Iruo rẹ Iyinkọn na 1:13

Rẹ ayen vwọ ro orere na nu, ayen de yeri egegede na kpo ubruwevwi rẹ obenu na, etiyin kọye Pita vẹ Jọn, Jems vẹ Andru, Phihp vẹ Tọmọs, Batalomio vẹ Matiu, Jems ọmọ rẹ Alfiọs vẹ Saimọn rẹ Zilọt vẹ Judas ọmọ rẹ Jems diare.

Iruo rẹ Iyinkọn na 10:2

Ohwo ro vwo erhi rẹ ẹga rọ djẹ oshọ rẹ Ọghẹnẹ ro vwo ẹgba rẹ ẹrhovwo ẹnẹ kẹdẹ kẹdẹ, te ọye vẹ evwruwevwi rọye ejobi, o ji ruẹse kẹ ihwo gangan.

Iruo rẹ Iyinkọn na 2:1

Rẹ ẹdẹ ri Pẹntikọst na vwo te, ayen ejobi de koko asan ọvo.

Iruo rẹ Iyinkọn na 9:31

Ọtiọye na oma de rhi fu ishọshi rọ hẹ Judia, Galili kugbe Sameria ejobi ayen de mudia gan; ke yan vwẹ evun rẹ oshọẹdjẹ rẹ Ọrovwohwo kugbe uchebro rẹ Erhi Ọfuanfon na ayen de rhi bu phihọ.

Ẹfesọs 5:19

Ovwan ta ota kẹ ohwohwo vwẹ une rẹ ejiro kugbe une kugbe une rẹ erhi, vwẹ udu wẹn ejobi so une vwevwerhe kẹ Ọrovwohwo.

1 Tẹsalonaika 5:11

Vwẹ ọtiọye na ovwan gbe bru ohwohwo uche rere ovwan kpọ ohwohwo vi, kirobo rẹ ovwan ruẹ na.

1 Tẹsalonaika 5:14

Imoni, avwanre bru ovwan uche, we bru ihwo ri gbe ufeti uche, yono otu rẹ oma rhọ, cha otu rẹ evwiẹre uko, chirako rẹ ayen ejobi.

Hibru 10:24

e gbe jẹ avwanre roro obo re jeje ohwohwo oma vwẹ ẹguọnọ kugbe iruo esiri,

Hibru 12:15

E ja mrẹ nẹ ohwo ọvuọvo fiabọ rẹ ẹserọphẹ rẹ Ọghẹnẹ na-a; e jẹn owọ urhe rẹ ophu tan cha vwẹ ohri rẹ ovwan rọ so okpetu-u, ro che gbe ihwo buebu ẹgua-a;

Hibru 3:13

Ẹkẹvuọvo ovwan bru ohwohwo uche kẹdẹ kẹdẹ, kirobo ri nonẹ kri te vwẹ akpọ na, rere ophiẹvwe rẹ umwemwu vwo jẹ udu rẹ ovwan eruo gan.

Ẹvwọphia 15:4

Kono oshọ je muo rọ da vwẹ urinrin kẹ odẹ wẹn, E Ọrovwohwo? Kidie wẹ ọvo re fonro. Ẹgborho na ejobi cha rhe re gọ wẹ, kidie a rhe vwẹ ẹdjọeguo wẹn phiare.

Ẹvwọphia 20:12

Me da mrẹ irivwi, te emọ te ekpako, ri mudia vwẹ obaro rẹ ekete na, e de rhie ẹbe phihọ. E de ji rhie ọbe ọfa, kọye hẹ ọbe rẹ arhọ na. Obo re si phihọ ẹbe na kọye e ni guẹdjọ rẹ irivwi na, kirobo rẹ ayen ruru.