Malakae 3:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Wa gba ghwa ẹkẹ ihwe na ejobi rhe erhu mẹ, rere emuọre vọn uwevwi mẹ, rere wa davwe ovwẹ ni, eriyin Ọrovwohwo rẹ otuofovwi na tare; si mi gbi che rhie evakpo rẹ odjuvwu na phihọ kẹ wẹ ri mi de ku oburhuhu rẹ ebruphihọ mẹ kẹ ovwa-an.

Malakae 3:10 ပူးပေါင်းရင်းမြစ်များ

Jẹnẹsis 28:22

ubioragha nana, ri mi vwo vi na, kọ dia uwevwi rẹ Ọghẹnẹ, kemu kemu ejobi ru wọ vwọ kẹ vwẹ ke Me reyọ ẹkihwe vwọ kẹ wẹ.

Jẹnẹsis 7:11

Vwẹ ikpe uri erha rẹ akpọ ri Noa, vwẹ emeranvwe rivẹ, vwẹ ẹdẹ ihwe gbẹ ighwrẹ rẹ emeranvwe na, vwẹ ẹdẹ vuọvo yena, ogbugbu kugbe ikokodo rẹ akpọ na da va phia, evakpo rẹ obo odjuvwu na de rhie phihọ.

Ivie rẹ Ivẹ 7:19

onotu na da kpahe ta kẹ ohwo rẹ Ọghẹnẹ na, Ọ da dianẹ ekpuyovwi rẹ Ọrovwohwo de muobọ bru evakpo phihọ obo odjuvwu dede, ọ ro wọ ta na sa phia? Ẹkẹvuọvo ọ da ta, Wọ cha vwẹ ẹro wẹn mrẹ, ẹkẹvuọvo wọ cha sa re vwọ-ọ.

Ivie rẹ Ivẹ 7:2

Etiyin onotu rẹ ovie na vwẹ oma rẹrẹ da kpahe kẹ ohwo rẹ Ọghẹnẹ na, Ọ da dianẹ ekpuyovwi rẹ Ọrovwohwo de muobọ bru evakpo phihọ odjuvwu dede ọ ro wọ ta na phia? Ẹkẹvuọvo ọ da ta, Wọ cha vwẹ ẹro wẹn mrẹ, ẹkẹvuọvo wọ cha sa re vwọ-ọ.

1 Ikun rẹ Ivie 26:20

Vwẹ emọ ri Livae na, Ahija re vwẹ ẹro te ekuakua rẹ uwevwi rẹ Ọghẹnẹ kugbe uwevwi rẹ efe re ẹse re rufon kẹ Ọghẹnẹ.

Nehemaya 12:44

Vwẹ ẹdẹ yena a da vwe ihwo mu phihọ ivun ra da sẹro re ekuakua, arhọghọ, emamọ rẹ ẹsosuọ, kugbe ẹkẹnhwe, re toro ayen utute kirobo re urhi guọnọre fiki re irherẹn na ve ihwo ri Livae kirobo re udju re irho na epha; kidie Juda ghọghọre vwẹ oma re irherẹn na ve ihwo ri Livae ri gbẹ odibo na.

Nehemaya 12:47

Vwẹ ọke ri Zerubabel kugbe ọke ri Nehemaya Izrẹl ejobi vwo ẹkẹn emu ra ghare keẹ ibuine kugbe erhẹrẹchẹ na; ẹkẹn re ihwo ri Livae e mi phi ayen phihọ akakọ, ihwo ri Livae mi rhe phi ọ re emọ rẹ Erọn phihọ akakọ.

Nehemaya 13:5

ọ da rhuẹrẹ uvun rode ra ghwẹ eka re izobo phihọ jovwo, adjija, ekuakua, kugbe ẹkẹnhwe re ọka, udi, evwri, re urhi tanẹ a vwọ kẹ ihwo ri Livae, ibuine, kugbe erhẹrẹchẹ, kugbe arhọghọ re toro ke irherẹn vwọ ke Tobaya

Une rẹ Ejiro 37:3

Vwẹ ẹro so Ọrovwohwo, ru wo ru ọ re esiri ko wọ dia otọ na, oma ko fu we.

Une rẹ Ejiro 78:23

Dede na o ji ji urhi kẹ obenu na, o de rhie ẹchẹ rẹ odjuvwu;

Aghwoghwo 11:3

Aruọke na da vọn vẹ osio, kọ rhọ ayen phihọ otọ; urhe de she kpo obọrhe ọnre eyẹ obọhwẹre ọnre, asan rẹ urhe na she teye na, etiyin ọ dia.

Izikiẹl 34:26

Ki mi ru ayen vẹ asan re riariẹ ugbenu mẹ phihọ na ebruphihọ; ki mi ji eghwẹghwẹ rẹ osio vwẹ ọke rọye, ke dia eghwẹghwẹ rẹ osio rẹ ebruphihọ.

Izikiẹl 44:30

Kugbe emamọ rẹ ẹsosuọ rẹ emamọ ejobi oghoghẹre rọye, kizobo kizobo ejobi oghoghẹre ro nẹ izobo wẹn rhe, kọ dia ẹkẹn rẹ irherẹn, ku wọ je vwẹ izobo rẹ ẹsosuọ rẹ ọka rẹ a lọre vwọ kẹ irherẹn, rere ebruphihọ vwọ daji uwevwi wẹn.

Hosia 2:21

Vwẹ ẹdẹ yena, Ọrovwohwo da ta, ke me kpahe kẹ idjuvwu ayen ke kpahe kẹ otọ,

Joẹl 2:19

Ọrovwohwo na de nyo ọ da ta kẹ ihwo rọye, Nighe, mi che vwo rhe we Ọka, udi, kugbe evwri, evun kọ cha vọn wẹ; mi gbi che ru we vwọ dia ehwẹjẹ vwẹ ohri re ẹgborho na ọfa-a.

Joẹl 2:24

Utuwevwi re de wuye cha vọn vẹ eka, Ukpotọ re de miẹ vain ke cha vọn mwavwe hwẹ vẹ vain kugbe evwri.

Livitikọs 26:10

Ovwan gbe cha sa re emu rẹ uhunhun rẹ ovwan re-e, ka cha ghwa emu rẹ uhunhun nẹ erhu rere a vwọ mrẹ asan ghwa emu rẹ orhọ re vun rhe phihọ.

Livitikọs 26:3

Ovwan da yan vwe evun re irhi Me re ovwan da yọnrọn iji Me we de ru ayen,

Livitikọs 27:30

Emu kemu rẹ ovwan kọnre ejobi te emamọ te ibi rẹ irhe ejobi, ẹkẹn ehwe rọye yọ rẹ Ọrovwohwo ọyena arhọghọ ra je ọfuanfon vwọ kẹ Ọrovwohwo na.

Hegae 2:19

Kẹ ibi rẹ emamọ na je hẹ erhu? Ki vain, vi fig, kugbe pomegranate, kugbe urhe rẹ oliv gbe je mọ emuọvo-o? Ki nonẹ yanran ki mi bruphihọ kẹ wẹ.

Ukeri 18:21

Vwọ kẹ ihwo ri Livae, me vwẹ ẹkẹn ihwe rẹ Izrẹl na ejobi vwọ ke ayen, vwọ riuku, kọye re dia osa rẹ iruo rayen ruẹ, iruo rayen vwẹ utughẹ ra da vwa oma na.

Matiu 6:33

Ẹkẹvuọvo gba ka guọnọ uvie rẹ Ọghẹnẹ tavwe, kugbe ọvwata rọye, kọ vwẹ emu na ejobo ba kẹ wẹ.

Urhi Rivẹ 12:6

Etiyin wa ghwa izobo ra torhẹre rẹ ovwan ejobi, vẹ izobo rẹ ovwan vẹ abọvo rẹ ẹkẹn ihwe rẹ emu rẹ ovwan ejobi, vẹ okẹ rẹ evuavwerhe rẹ ovwan ejobi, kugbe emọ rẹ ẹsosuọ rẹ igegede vẹ uchuru rẹ ovwan ejobi ra;

Urhi Rivẹ 14:22

Wọ Me hwa abọvo rẹ ẹkẹnhwe rẹ obo wọ kọnre, e re mọ vwẹ udju wẹn kukpe kukpe.

Urhi Rivẹ 14:29

kugbe Livae, fikiridie ọ vẹ owẹ gbe vwo ẹkẹn eyẹ ukuẹriọ-ọ, ji te ọrhorha, yẹ ọmọphrorivwi, te ayeuku, e re herọ vwẹ orho wẹn, Me yanrhe, rhe re evun vọn; rere Ọrovwohwo Ọghẹnẹ wẹn na vwo bruphihọ kẹ wẹ vwẹ evun rẹ iruo ru wo ruẹ ejobi.

Urhi Rivẹ 28:12

Ọrovwohwo ko rhie ẹchẹ rẹ ughwẹ rẹ odjuvwu na kẹ ovwan, kọ rhọ osio phihọ otọ rẹ ovwan vwẹ ọke rọye o mi ji bruba kẹ iruo rẹ abọ rẹ ovwan; ovwan ki momo kẹ ẹgborho buebu, ẹkẹvuọvo ovwan che momo mie ohwo-o.