Malakae 2:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Kidie ẹbẹrunu rẹ orherẹn ọye re sẹro rẹ erianriẹn, ihwo ke guọnọ uyono nẹ unu rọye cha, kidie ọyinkọ rẹ Ọrovwohwo rẹ otuofovwi na o ruẹ.

Malakae 2:7 ပူးပေါင်းရင်းမြစ်များ

Ivie rẹ Ivẹ 16:11

Uraya orherẹn na da tọn ọkpọ rẹ agbada rẹ izobo ọtiọye phihọ, o de ruo kirobo rẹ Ehaz djere nẹ Damaskọs rhe, kẹ eriyin Uraya orherẹn na ruro tavwe rẹ ovie Ehaz ki rhivwi nẹ Damaskọs rhe.

Ivie rẹ Ivẹ 16:16

Uraya orherẹn na de ru enana ejobi kirobo rẹ ovie Ehaz ji urhi kẹ nẹ o ru.

2 Ikun rẹ Ivie 30:22

Hẹzikaya da ta ota rẹ udu ẹsasọ kẹ ihwo ri Livae re riẹn ẹga rẹ Ọrovwohwo na. Ọtiọye ihwo na da re emu rẹ orẹ na ẹdẹ ighwrẹ soso, ri ze izobo rẹ ufuoma kugbe ẹkpẹvwẹ kẹ Ọrovwohwo Ọghẹnẹ rẹ esẹ rayen.

2 Ikun rẹ Ivie 31:4

O de ji urhi kẹ ihwo re dia Jerusalẹm nẹ ayen toro ẹkẹn ro te ayen kẹ irherẹn na vẹ ihwo ri Livae na, rere ayen siobọ nẹ oma re ayen kẹ urhi rẹ Ọrovwohwo na.

Ezra 7:10

Kidie Ẹzra vwẹ ẹnwẹ roye kpahe eyono rẹ urhi rẹ Ọrovwohwo na, rere o vwo ruo, rere o vwo yono iji kugbe urhi rọye vwẹ Izrẹl.

Ezra 7:25

Te owẹ rẹ Ezra, kirobo ẹ ẹghwanre rẹ Ọghẹnẹ wẹn rọ hẹ obọ wẹn epha, gba vwẹ iguẹdjọ rẹ itete vẹ iride vwo mu vwẹ ubrakpọ rọ Obovrẹn rẹ Urhie na, ọtiẹ oghẹre rẹ ihwo ri vwo erianriẹn rẹ urhi rẹ Ọghẹnẹ wẹn na, kugbe otu re riẹn aye-en, ku wo yono ayen.

Isẹ 5:2

rere wo vwo vwo ọhọ, rere eberunu wẹn vwọ sẹro rẹ erianriẹn.

Aghwoghwo 5:5

Ofori wo vwo je ive eve nọ ru wo de ve nu wo hwa rọ-ọ.

Aizaya 42:19

Kono ri rhuẹro jokpa rẹ odibo Me, eyẹ ono ri dierhọn kere ọyinkọn Mẹ ri mi ji uwevwi? Ono ri rhuẹro kerẹ ohwo ri mi ru fon na, eye ọ ro rhuẹro kere odibo rẹ Ọrovwohwo?

Aizaya 44:26

Ono ri ru ota rẹ odibo rọye gan, ro ru iroro rẹ iyinkọn rọye, ono re ta kpahe Jerusalẹm, nẹ, A cha rhoma dia kugbe irere ri Juda nẹ, A cha rhoma bọn ayen, ke me kpare igbẹhẹ ri sheri na vrẹn mudia;

Jerimaya 15:19

Vwẹ eriyin na, enẹ Ọrovwohwo tare: wo de kurhẹriẹ, ke me reyọ owẹ, ku wo mudia vwẹ obaro mẹ Ọ da dianẹ wọ ta omamọ rẹ ota, rọ gbe dia orharhe-e, ku wọ dia kerẹ unu mẹ, Ayen che bru we rhe, ẹkẹvuọvo wo bru ayen ra-a.

Jerimaya 18:18

Etiyin ayen da ta, wa yanrhe, ra jẹn iroro rhurhu Jerimaya, kidie urhi se miovwi nẹ obọ rẹ orherẹn rhe-e, eyẹ iroro ẹjẹ sa phiẹn ọvweghwanre-e, ota ji se nẹ obọ rẹ ọmraro na rhe-e. Wa rhe, re a vwẹ ẹrẹnvwe hwe, e ja kerhọn rẹ eta rọye ọvuọvo-o.

Jerimaya 2:8

Irherẹn na sa ta-a, Tivọ Ọrovwohwo na epha vwo? Ayen otu ri yono urhi na riẹn vwẹ-ẹn isun na gbe urhi mẹ ku; emraro na vwẹ Baal vwọ mraro, ayen de nene imu ri vwo erere-e.

Izikiẹl 22:26

Irherẹn rọye vwẹ urhi mẹ gbe ozighi ayen de gbe ekuakua efuanfon mẹ ẹgua, ayen rhe vwo ofẹnẹ kẹ obo re fonro kugbe obo re vwo gbe otọ-ọ, eyẹ ayen ji yono ofene rọ herọ kẹ obo ri jẹfuọn vẹ obo re fọnro-o, ayen se ẹdidjala mẹ gbe emu-u, ọtiọye na ke ayen gbe vwe ẹgua vwẹ ohri rẹ ayen.

Izikiẹl 7:26

Ughwu kpahe ughwu, ekuvwie kpahe ekuvwie, ayen guọnọ emramrẹ vwẹ obọ rẹ ọmraro na, yẹ urhi re ghwrẹ vrẹn orherẹn abọ, aghwanre phiẹn ekpako na.

Daniẹl 11:33

Ihwo evo vwẹ ohri rẹ ihwo na ri vwo ọhọ cha nẹrhẹ ihwo buebu vwo ọhọ owenẹ a vwẹ ọlọkọ vẹ erhanre hwe ayen, imu eyẹ ugborho, vwẹ ẹmẹ ẹdẹ krẹn.

Hosia 4:6

A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Livitikọs 10:11

Ovwan mi rhe yono kirobo rẹ Ọrovwohwo wan oma ri Mosis ta vwọ kẹ ayen.

Zẹfanaya 3:4

Emraro rọye ihwo ogbarogba, i vwo esegbuyota-a, irherẹn rọye gbe obo re fonro ẹgua, ayen zighẹ urhi na.

Hegae 1:13

Etiyin Hegae, ọyinkọ rẹ Ọrovwohwo na da vuẹ ihwo na ovuẹ rẹ Ọrovwohwo na nẹ, Me vẹ owẹ herọ, eriyin Ọrovwohwo na tare.

Zekaraya 7:3

rẹ ayen je nọ irherẹn rẹ uwevwi rẹ Ọrovwohwo rẹ otuofovwi vẹ emraro na, Mi ji muomahọ ji chiri owẹnvwe vwẹ emeranvwe riyori, kirobo mi ruru vwẹ ikpe buebu ye?

Malakae 3:1

Nighe, mi ji ikọn mẹ rọ ra rhuẹrẹ idjerhe hẹrhẹ ovwẹ, Ọrovwohwo rẹ ovwan guọnọ na cha rhe uwevwi rọye kpregede; ọyinkọ rẹ ọphọ na rọ vwerhe ovwan oma na, nighe, ọ rọ cha, eriyin Ọrovwohwo rẹ otuofovwi na tare.

Ukeri 27:21

Ko che mudia vwẹ obaro rẹ Ẹlẹazar rẹ orherẹn na, kọ cha vwẹ Utẹ vwọ guọnọ otọ rẹ ẹdjeguo kẹ vwẹ obaro rẹ Ọrovwohwo na; vwẹ oma rẹ ota rọye kẹ ayen ro otafe, vwẹ oma rẹ ota rọye kẹ ayen ro uwevwi, te ọye te ihwo rẹ Izrẹl ejobi re vọye gba berọ, ukoko na ejobi.

Iyẹnrẹ Esiri ri Jọn 13:20

Uyota, uyota, me ta kẹ ovwan, ohwo kohwo rọ reyọ ọvo ri mi ji rhe na yọ reyọ ovwẹ; ọ rọ reyọ ovwẹ reyọ ọ ro ji vwe rhe.

Iyẹnrẹ Esiri ri Jọn 20:21

Jesu da rhoma ta kẹ ayen, Ufuoma dia kẹ ovwan. Kirobo rẹ Ọsẹ na ji vwe, ọtiọye mi ji ji ovwan rhe.

Iruo rẹ Iyinkọn na 16:17

Ọ da vwọ kpahe Pọl kugbe avwanre, ko kperẹ nẹ, Eshare nana hẹ idibo rẹ Ọghẹnẹ ro Me kpenu na, ri ghwoghwo idjerhe rẹ arhọ na kẹ ovwan.

2 Kọrẹnt 5:20

Ọtiọye na avwanre kẹ ihwo ri Kristi ji uwevwi, oma rẹ avwanre ọye Ọghẹnẹ wan vuẹ uwevwi na. Avwanre vwẹ odẹ ri Kristi rẹ ovwan, rere wa vẹ Ọghẹnẹ rhuẹrẹ kugbe.

Galesha 4:14

dede na nẹ eyere mẹ kẹ ọdavwini kẹ ovwan na, wa vwẹ ovwẹ jehwẹ-ẹ eyẹ jẹ vwẹ fia-a, ẹkẹvuọvo wa da reyọ ovwẹ kerẹ amakashe rẹ Ọghẹnẹ, kerẹ Jesu Kristi dede.

Urhi Rivẹ 21:5

Irherẹn na rẹ emọ ri Livae na ke yan phia, kidie Ọrovwohwo Ọghẹnẹ wẹn sanọ ayen reyọ nure nẹ ayen gbe odibo kẹ re ayen nẹ ẹrhovwo kẹ ihwo na vwẹ odẹ rẹ Ọrovwohwo na, ota rayen a vwọ rhuẹrẹ ẹghwọ kẹghwọ ejobi ji kugbe ohọnre kohọnre ejobi.

Urhi Rivẹ 24:8

Jomaotọ rẹ oti de mu ohwo, ọ Me nabọ ru dẹndẹn kirobo rẹ irherẹn ri Livae dje kẹ wẹ; kirobo mi ji urhi kẹ ayen, rere wo ru ọtiọye dẹndẹn.

1 Tẹsalonaika 4:8

Vwẹ ọtiọye na ohwo ro se uyono nana gbe emu-u, ọ dia ohwo rẹ akpọ ọ jefia-a ẹkẹvuọvo Ọghẹnẹ, rọ vwẹ Erhi Ọfuanfon rọye na kẹ ovwan.

1 Samuẹl 2:17

Enẹ kọye umwemwu rẹ imighele na rhe vwọ rho gangan vwẹ obaro rẹ Ọrovwohwo. Kidie ihwo na da vwẹ izobo rẹ Ọrovwohwo na gbotọ.