Malakae 2:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Uyono rẹ uyota da hẹ unu rọye, a mrẹ efian vwẹ unu rọye-e. O nabọ yan nene uvwe vwẹ ọsoso vẹ ufuoma, o de si ihwo buebu nẹ orukuruku rayen.

Malakae 2:6 ပူးပေါင်းရင်းမြစ်များ

Jẹnẹsis 17:1

Ọke rẹ Ebram vwọ ikpe ọvo nuro vwẹ ujori re Ọrovwohwo da vwẹ oma phia kẹ Ebram, ọ da ta kẹ, Mẹvwẹ Ọghẹnẹ ro vwo Ẹgba, yan nene uvwe, wo gbe ẹgua-a.

Jẹnẹsis 6:9

Enana ke ye orua ri Noa. Noa kẹ ọvwata oruẹ, o vwo eka vwẹ orua rọye na-a; Noa da yan kpahọ Ọghẹnẹ.

Une rẹ Ejiro 119:142

Ọvwata wẹn ọvwata rhiri bẹdẹ, urhi wẹn je hẹ uyota.

Une rẹ Ejiro 119:151

Ẹkẹvuọvo wẹ ọkẹkẹre, E Ọrovwohwo, irhi wẹn ejobi na uyota re.

Une rẹ Ejiro 37:30

Udu rẹ ọvwata ẹghwanre ọ vwọ ta ota, ẹrẹnvwe rọye ta ota ọsoso.

Une rẹ Ejiro 37:37

Ka oka phihọ ohwo ro je abe ẹriọ na, re wo ni ohwo rọ dia ọsoso, kidie oba rẹ ohwo yena ufuoma.

Isẹ 5:2

rere wo vwo vwo ọhọ, rere eberunu wẹn vwọ sẹro rẹ erianriẹn.

Jerimaya 23:22

Ọ dianẹ ke ayen mudia vwẹ ẹguare mẹ, manẹ ayen ghwoghwo ota mẹ kẹ ihwo mẹ, manẹ ayen ku ayen rhẹriẹ nẹ idjerhe umwemwu rayen, ji nẹ umiovwo rẹ eyere rayen.

Daniẹl 12:3

Ihwo re ghwanre ki che lọ wrowro vwo obo irharhe, otu re rhẹriẹ ihwo buebu hirhe phihọ ọvwata, ke cha dia kerẹ isio bẹdẹ bẹdẹ.

Hosia 4:6

A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Matiu 22:16

Ayen de ji idibo rẹ ayen kugbe otu ri Hẹrodias bro ra ayen da ta nẹ, Oyono, avwanre riẹnre nẹ wẹ ohwo rẹ uyota, wo ji yono idjerhe rẹ Ọghẹnẹ rẹ uyota, ye wọ je davwerhọn rẹ ohwo-o. Kidie wo nẹ ikparo rẹ ohwo-o.

Iyẹnrẹ Esiri ri Mak 12:14

Ayen da rhe rhe ta kẹ, Oyono, avwanre riẹnre nẹ wọwẹ ohwo rẹ uyota, wọ kerhọn rẹ ohwo-o; kidie wo nẹ ikparo rẹ ohwo ọvuọvo-o, ẹkẹvuọvo wo nabọ yono idjerhe rẹ Ọghẹnẹ na; O fori re a jẹ arhọghọ kẹ Siza, gbenẹ a jẹ-ẹ?

Iyẹnrẹ Esiri ri Luk 1:6

Ayen ivẹ na da dia evwata vwẹ obaro rẹ Ọghẹnẹ, ayen yọnrọn irhi na gangan.

Iyẹnrẹ Esiri ri Luk 20:21

Ayen da nọ, Oyono, avwanre riẹnre nẹ wọ ta wo ji yono yoyovwi, wọ ghwẹ oma hẹ abọvo-o, ẹkẹvuọvo wo yono idjerhe rẹ Ọghẹnẹ na vwẹ ọ rẹ uyota.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Urhi Rivẹ 33:10

Ayen che yono Jekọp iji wẹn, Izrẹl kẹ urhi wẹn; ayen che phi insẹns phihọ obaro wẹn te ọsoso rẹ izobo ra torhẹre phihọ enu rẹ agbada wẹn.

Urhi Rivẹ 33:8

Vwọ kpahe Livae, ọ da ta, Reyọ Agbragha wẹn ke Livae, wọ vwẹ Ute wẹn vwọ kẹ ohwo esiri na ohwo wọ davwini vwi Masa, ọ rọ vẹ owẹ gbe gbe ozighi vwi Meriba,

Urhi Rivẹ 33:9

ọ rọ ta kpahe ọsẹ vẹ oni rọye nẹ, Me kerhọ raye-en, ọ sen iniọvo rọye, o de chuko ku emọ rọye; Kidie ayen vwẹ ẹro te ota wẹn, ayen da yọnrọn ọphọ wẹn na.

Ẹvwọphia 14:5

A mrẹ ofian vwẹ unu raye-en, kidie ayen vwo upe-e.

1 Samuẹl 2:12

Asakiephana emọ rẹ Eli kẹ erharhe rẹ ihwo; ayen se Ọrovwohwo gbe emu-u.