Malakae 2:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Wa gbe rha kerhọ-ọn, wa gbe vwẹ udu roro-o re wa da vwẹ urinrin kẹ odẹ mẹ-ẹ, eriyin Ọrovwohwo rẹ otuofovwi na tare, ke me cha harhe ovwan ekan ki mi che duvwu iyori phihọ ebruphihọ rẹ ovwan, uyota me tobọ harhe ovwan nure, kidie wa vwẹ udu rẹ ovwan roro-o.

Malakae 2:2 ပူးပေါင်းရင်းမြစ်များ

Une rẹ Ejiro 69:22

Gbe jẹn imẹjẹ rẹ obọ rayen rhoma hirhe phihọ ugodo kẹ ayen, jẹn orẹ rẹ izobo rayen hirhe phihọ ufi kẹ ayen.

Isẹ 3:33

Ekan rẹ Ọrovwohwo ọ hẹ enu rẹ uwevwi rẹ oruimwemwu na, ẹkẹvuọvo o bruphihọ kẹ ẹdia rẹ ọvwata.

Aizaya 42:25

Etiyin o de ku ọtotorhe rẹ ophu rọye kuo kugbe ẹgba rẹ ofovwi rọye, ọ da vwe erhanre riarie phihọ, ẹkẹvuọvo yo riẹnre-e, ọ torhẹre, ẹkẹvuọvo ayen se roro mrẹ-ẹ.

Aizaya 47:7

Wọ da ta, Me dia oni bẹdẹ, fiki re ọtiọye na wo gbi roro imu nana eyẹ wọ rha karophihọ oba raye-en.

Aizaya 57:11

Ono wọ mrẹ guegue ru wọ da djẹ oshọ, re wọ vwọ vwọrọn efian, ru wo vwo je ẹkarohọ ovwẹ, wo rhe roro uvwe? O dianẹ mi rhurhu unu mẹ, vwe ọke grogro re, kọye wọ gbe dje oshọ mẹ-ẹ?

Jerimaya 34:17

Ọtioye na, enẹ Ọrovwohwo tare ovwan mu ọghọ kẹ vwẹ vwẹ ofuvwegbe ri mi ghwoghwori kẹ dohwo doniọvo rọye kugbe dohwo dọrivẹ rọye-en, nighe, mi ghwoghwo kẹ ovwan ofuvwogbe rẹ ọlọkọ vẹ otiekọ kugbe owẹvwe, eriyin Ọrovwohwo tare. Mi che ru ovwan vwo dia imuoshọ kẹ ivie rẹ akpọ na ejobi.

Izikiẹl 3:7

Ẹkẹvuọvo uwevwi rẹ Izrẹl cha sa kerhọn wẹ-ẹ; kidie ayen rhọvwe kerhọn mẹ-ẹ; fikiridie uwevwi rẹ Izrẹl ejobi epha vẹ arhare gangan vẹ udu kokoroko kpoi.

Hegae 1:6

Wọ kọnre buebu, emerha tutunọ kọye wo vunru; wo ria, ẹkẹvuọvo yu wọ mrẹ obọ ri te we ria-a, wọ da, ẹkẹvuọvo yẹ evun vọn wẹ-ẹ, wo rhuo oma wẹn, ẹkẹvuọvo yẹ oma rẹ ohwo ọvuọvo tuabọ-ọ; ohwo rọ reyọ osa ọ ghwa reyọ nẹ yo phiophihọ ekpo vẹ iphrophro.

Hegae 1:9

Wọ guọnọ emu buebu, gbe nọ, emerha tutuno wọ mrẹre, ọke wọ rha vwọ ghwa te uwevwi nu, mi de djuọ kufia. Die sorọ? eriyin Ọrovwohwo rẹ otuofovwi na tare. Fiki rẹ uwevwi mẹ ro hirhe phihọ erhurhu na, yẹ ovwan dohwo duvwevwi rọye ra bọn.

Malakae 2:1

Asakiephana, E irherẹn na, ovwan e ji urhi nana kẹ.

Malakae 3:9

E duvwu ovwan iyori nure, kidie we ro cho vwe; ovwan ẹgborho na ejobi.

Iyẹnrẹ Esiri ri Luk 17:18

A gbe mrẹ ọvuọvo ro rhivwi rhe rhe vwẹ ejiro kẹ Ọghẹnẹ jokpa rẹ ọrhorha nana-a?

Joshua 7:19

Etiyin Joshua da ta kẹ Ekan, Ọmọ mẹ, vwẹ urinrin kẹ Ọrovwohwo Ọghẹnẹ rẹ Izrẹl, rere wo jiro; gba ta kẹ vwẹ asakiephana obo wo ruru; wo sionẹ kẹ vwẹ-ẹ.

1 Pita 4:11

Kohwo kohwo rọ ta ota, ọ me ta kerẹ ọboepha rẹ Ọghẹnẹ; kohwo kohwo rọ gọ ẹga, ọ me ga vwẹ ogangan rẹ Ọghẹnẹ vwọ kẹ; rere vwi kemu kemu ejobi a sa vwẹ urinrin kẹ Ọghẹnẹ vwẹ oma ri Jesu Kristi. Ọye a vwẹ urinrin kẹ kugbe isuesun bẹdẹ bẹdẹ. Isẹ.

Ẹvwọphia 14:7

ọ da van gangan ta, Djẹ oshọ rẹ Ọghẹnẹ re a vwẹ urinrin kẹ kidie ọke rẹ ẹdjọeguo rọye tere; gọ ohwo rọ ma odjuvwu vẹ akpọ, abadi na kugbe igbugbu rẹ ame na.

Ẹvwọphia 16:9

ọrhorhorho rọye da ya ihwo mu, ayen ke harha Ọghẹnẹ rọ vwo vwo ogangan vwẹ enu rẹ ọtiekọ nana, yẹ ayen kurhẹriẹ re da vwẹ urinrin kẹ-ẹ.