Malakae 2:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Wọ vwẹ eta wẹn ghwọrọ Ọrovwohwo oma. Yo wọ tanẹ, Mavọ avwanre vwọ ghwọrọ owẹ oma? Wọ vwọ tanẹ, kohwo kohwo ro ru umwemwu vwẹ obaro rẹ Ọrovwohwo yẹ oyoyovwi o ruru, oma rọye kọ vwerhọ. Eyẹ kọ nọ nẹ, Tivọ Ọghẹnẹ rẹ uyota na epha?

Malakae 2:17 ပူးပေါင်းရင်းမြစ်များ

ỌBE RẸ JOB 34:17

Ohwo rẹ uyota tuoma se sun? ku wo bruhwe ohwo rọ dia ọvwata ro vwo ẹgba,

ỌBE RẸ JOB 34:36

Manẹ ka davwẹ Job ni rhi te oba, fikiridie ọ kpahe eta kerẹ ihwo umwemwu.

ỌBE RẸ JOB 36:17

Ẹkẹvuọvo orhiebro rẹ ohwo umwemwu vọn ovwan oma; orhiebro vẹ ọsoso shabọ hẹ owẹ.

ỌBE RẸ JOB 9:24

E phi akpọ na phihọ obo rẹ oruimwe-mwu, o rhurhu epharo rẹ iguedjo rọye–o rha ọye-e, kono ọ e pha?

Aghwoghwo 8:11

Fikiridie a fobo brorhiẹ rẹ emu omiomio-vwi-i, kidie udu rẹ emọ rẹ ihwo vọnre vẹ umwemwu eruo.

Aizaya 1:14

Otuphro rẹ emeranvwe rẹ ovwan kugbe ẹdẹ rẹ erẹ re ovwan bruru i tu erhi mẹ oma; ayen rhoma rhe dia oghwa kẹ vwẹ, ofu rẹ ayen dje vwe.

Aizaya 29:15

Ekan kẹ otu ri si aghwanre rayen nẹ kokodo kẹ Ọrovwohwo, ri ruẹ uruemu rayen vwẹ evun rẹ ebri, re tanẹ, Kono mrẹ avwanre? Kono riẹn avwanre?

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 43:22

Dede na yi wo gbi se vwe-e, E Jekọp, ẹkẹvuọvo uvwerhi mẹ ko ro we, E Izrẹl.

Aizaya 43:24

Wọ vwe ighọ dẹ uhwerhe ọvwevwerhe kẹ vwe-e, eye ivwri rẹ izobo wẹn vọn vwe evu-un Ẹkẹvuọvo wo kru oghwa re imwemwu wẹ nyẹ vwẹ, wọ vwe imwemwu wẹn ghwọrọ ovwẹ oma

Aizaya 7:13

O da ta, Gbe nyo E uwevwi ri Devid! Emu otete re wọ vwọ lagha ihwo, rere wọ je lagha Ọghẹnẹ me rhe?

Jerimaya 12:1

Wọwe ọvwata, E Ọrovwohwo, vwẹ ọke mi de guẹ kẹ wẹ; dede na mi ji gu ẹdjọ mẹ kẹ wẹ. Die sorọ o vwo yovwẹ kẹ oruimwemwu? Die nẹrhẹ ihwo ri gbẹ ozighi vwo yovwẹ?

Jerimaya 15:6

Wọ sen vwẹ, eriyin Ọrovwohwo tare, obobuko wọ cha ra; kọye me vwọ riẹn obọ mẹ kpahe owẹ re me vwọ ghwọrọ owẹ; oma rẹ ufuefu rhọ vwẹ rẹ.

Jerimaya 17:15

Nighe, ayen ta kẹ vwẹ, Tivọ ota rẹ Ọrovwohwo epha? Gbe jẹn ọ rhe.

Jerimaya 44:22

Ọrovwohwo gbi se chiri uruemu omiomiovwi rẹ ovwan kugbe ẹgua rẹ ovwan na ọfa-a, fiki rẹ ọtiọye na otọ rẹ ovwan rhi vwo hirhe phihọ ofefe vẹ ẹghwọrọ kugbe ekan, ihwo gbe herọ-ọ, kirobo rọ epha nonẹ na.

Izikiẹl 16:43

Fikiridie wọ gbe karohọ ọke-emọ wẹ-ẹn, ẹkẹvuọvo wọ da kpare ophu mẹ vwẹ oma rẹ imu nana ejobi, ọtiọye na, me cha reyọ osa rẹ uruemu wẹn ejobi vwẹ uyovwi wẹn, eriyin Ọrovwohwo Ọghẹnẹ tare. Wọ rha vwẹ ẹbẹban djoko wẹ na vwọ ba ẹgua egbe wẹn na?

Izikiẹl 18:25

Ye wọ tanẹ, Idjerhe rẹ Ọrovwohwo na dia ọsoso-o. Gbe nyo asakiephana, E uwevwi rẹ Izrẹl Idjerhe mẹ dia ọsoso? O dia idjerhe wẹn ri je ọsoso ẹdia?

Izikiẹl 8:12

Etiyin ọ da ta kẹ vwẹ, Ọmọ rẹ ohwo, wọ mrẹ obo rẹ ekpako rẹ uwevivi rẹ Izrẹl ruẹ vwẹ evun rẹ ebri, ohwo ọvuọvo vwẹ evun rẹ uvun ri foto rọye? Kidie ayen ta, Ọrovwohwo mrẹ avwanre-e, Ọrovwohwo siẹn otọ na

Izikiẹl 9:9

Etiyin ọ da ta kẹ vwẹ, abe rẹ uwevwi rẹ Izrẹl vi Juda rhoro gangan, otọ na vọnre vẹ ọbara, orere na da rha vọn vẹ orhiẹn rẹ eku, kidie ayen ta, Ọrovwohwo siẹn otọ na, Ọrovwohwo gbe mrẹ-ẹ.

Emọs 2:13

Nighe, Me nyẹ ovwan muotọ vwẹ asan wẹn kerẹ idjighere re kru oghwa nyẹ rọ tan muotọ.

Zẹfanaya 1:12

Vwẹ ọke yena kẹ urhukpẹ me vwọ guọnọ Jerusalẹm, ki mi hwe eshare na otu re kerhọn rẹ uyono esiri ọkpokpo na-a, otu re ta vwẹ udu rayen nẹ, Ọrovwohwo se ruẹ obo ri yoma-a, eyẹ o ji se ruẹ ọbo ri miovwiri-i.

Malakae 2:14

Wọ da nọ nẹ, Die sorọ o vwo jẹ reyọ? fikiridie Ọrovwohwo na oseri rẹ ọphọ re wọ vẹ aye wẹn rẹ ọke-emọ rere, aye yena wo gbe ọfanrhiẹ rhurhu dede na ọye otu wẹn kugbe aye rẹ ọphọ wẹn.

Malakae 3:8

Ohwo rẹ akpọ na se cho Ọghẹnẹ? Yẹ ovwan re cho vwe. Ẹkẹvuọvo ovwan tare nẹ, idjerhe rhọ me vwo cho we? Vwẹ ẹkẹ ihwe wẹn vẹ ẹkpẹvwẹ wẹn.

Urhi Rivẹ 32:4

Oragha na, iruo rọye gbare; kidie idjerhe rọye ejobi ọsoso. Ọghẹnẹ rẹ uyota ro vwo umwemwu-u, ọvwata vẹ ohwo ọsoso o ruẹ.

1 Samuẹl 2:3

Wọ gbe ta ota rẹ eheri ọtiọye ganga-an, Wọ rha jẹ ọjẹfia nẹ unu wẹ cha-a; kidie Ọrovwohwo ọye Ọghẹnẹ rẹ erianriẹn, ọye re vwanvwan uruemu.